Tiffany's Blog: 7月 2009

2009年7月31日星期五

一歲了! [1歲birthday]

今日係我首次生日, 爸b媽咪之前都諗過同我大攪party, 但又吾想最終變成大人的派對失去意義, 最後決定"以我開心"為主, 知道我最鍾意去街街和食, 就決定自己家庭成員4人行(就是我最愛的爸爸媽媽和Kat姐姐), 簡簡單去街街mom mom, 帶我去bb餐廳放縱的吃一餐

一田的Baby Restaurant, 原來沒想像中的大. 大約5個baby位.

我覺得這個坐位好得意, 所以我坐低後無紐計, 又無爬出黎, 好乖咁等食.

媽咪話我病完面仔瘦左好多, 一向吾比我食濃味野, 今次破例比我開心d食多d, 祝我健健康康肥番多d

這個是白汁鷄肉意粉, 日式一啖湯同牛奶布甸. 我從未食過咁好的東西

我又玩又食, 得好開心

話咁快就飽飽啦

(我在拍拍心口示意飽飽)

我仲同14個月大的小朋友交好友tim.

可能我過多兩個月都好似厘個姐姐咁識得走來走去!

輪流同我影下相

又破例比我食大人野, 我自己用牙籤吉烏冬黎食

食完mom mom仲行一陣街街tim

番屋企就發現有個日式芝士餅, 我對厘點蠋光感到好新奇

! 我切

好溫馨噢!

今朝一大清早,Kat姐姐就送左厘份生日禮物比我.
就因為多謝Kat姐姐厘份心意, 媽咪就帶埋姐姐同我一齊去dinner慶祝生日囉!

2009年7月20日星期一

星期日晚上發覺有少少低熱, 37.5度, 但未算發燒, 便密切留意...
在想原因... 可能過去星期六的生日party沾了流感? 又或是昨天playgroup中招?

半夜也不忘勤於探熱, 到早上醒來38度, 給她服一次退熱水, 妍妍向來怕藥水, 果然反胃全都嘔出, 便決定帶她去看中醫, 因為她反而會接受中藥的苦味.

去到熟悉的中醫舖, 竟然10點才開診. 爸爸決定不等, 趕忙去看西醫, 醫生說咽喉炎, 開了抗生素,普通退熱水和高熱用退熱塞藥.

回家後妍妍不舒服心情差, 整天拒藥拒水, 只成功服了一次抗生素, 靠塞肛退熱. 結果到晚上6時多, 體溫升至40度, 皮膚都燒至"鞋烚烚", 給她溫水洗身也降不到溫, 未夠鐘又不可重複用藥, 4小時未有片濕, 怕她脫水, 決定去法國醫院.

到醫院時已升至40.5度, 護士馬上替她塞肛. 幸尚有床位, 要求入院.

進病房前的過程全是惨痛經歷.... 因法國一慨不收流感病人, 要做化驗和照肺否定流感才能上房. 護士拿著一條約20cm長的棉球棒由鼻孔插入攞分泌, 痛得妍妍大哭, 媽媽要强行固定她的頭仔, 好心痛! 輪到照肺片, 高熱抖震下要被脫去衣服, 由爸爸把她雙手强按在X光機下, 爸爸見妍妍辛苦豪哭還要由自己幫凶令阿女受刑, 爸爸想哭...

還要等報告... 到CONFIRM不是流感時, 前後花了2小時, 比得上政府醫院之久...

9時上到病房, 妍妍再要被刮喉攞分泌, 抽血和插針吊水, 媽爸只能在護士房門外聽著妍妍的豪哭聲... 護士房門一開, 媽媽衝進去連忙安慰. 妍妍不停的哭, 爸媽不停逗她開心也無用. 這一夜由爸爸看護妍妍, 哭至1時終於累透睡覺了....

妍妍出世以來, 一直都是一個堅强很少哭鬧的BB, 這一夜是她人生中的最大痛苦和挑戰.

之後的幾天, 妍妍每見護士就哭. 媽媽也一度開口發她們的脾氣~"你地吾好再攪佢啦!!! 啱啱先喊完收聲, 又要探熱? 探乜野咁密呀...? 佢禽晚瞓得4個鐘咋, 比佢瞓下啦, 吾該..."

每晚先由爸爸當班, 媽媽探望妍妍後9時回家休息, 至淩晨2至4時不等就跟爸爸輪班, 然後早上9時交由工人姐姐看護才上班, 就這樣捱了4天.

為什麼要住上4天?

反覆發熱, 第一天還會升上40度, 之後緩和一點,只上39度多. 醫生老是診斷不出來, 每一次巡房只說要等報告. 媽媽見他"無料到", 每天都嚷著要出院, 但又胆心如果是什麼麻煩病要再入院, 真是受不了1st day的痛苦, 唯有等,等,等. 等到第4天下午, 爸媽認為妍妍的燒已較穩定, 且3人學習了4天, 已懂得在家處理(醫院也只是塞肛和洗澡2招罷了), 報告又無異, 儘管無料醫生吾recommend, 爸媽堅持要走, 當時還有38.8的燒, 咽喉生了粒大痱滋.

終於確診了!

在辦理離院手續的同時, 姐姐發現妍妍背部及肚仔出現了一點點紅疹, 天光晒! 無料醫生還未確診, 我們自己已確定是玫瑰疹!!

回家後只燒過一次39度, 吃了一次退燒水, 之後疹出晒, 兩天痊癒!

住院第4天, 臉仔都瘦了.

當時6pm, 很多探病的人, 但妍妍都疲倦得任何聲都嘈吾醒

儘管針不是直接打在皮肉上, 而是打在這粒"豆"上, 但打了4天, 手仔血管都緊張了, 後來每次打都覺得痛...

唉! 只是玫瑰疹, 為什麼要受這麼痛苦? 也白吊了4天抗生素... 媽媽自責不懂處理.
後來看到一篇人家的日記<<病毒感染一四七>>, 提點了自己不可盲目求醫, 未到時候, 醫生也診斷不出來的.

埋單$16204, claim保險, 自己比$400
想review一下自己的保險夠cover嗎? click開來参考一下