3歲生日

今天妍智3歲生日啦!

今年無搞生日派對. 一星期前, 爸媽為妍妍想出兩個生日節目, 天氣好的話去長沙陽光海灘過夜, 如不, 就到姑媽家和表妹一起慶祝吃蛋糕. 兩存其美!

可惜, 妍妍病 仲發燒4天, 到生日當天雖然剛退燒, 但什麼簡單節目也無心無力搞了...

總括今年的生日, 用5個字形容晒我地的心情和處境 ~"病, 摟, 攰, 哭, 鬧"

不過, 爸爸講過 ~ "如可以的話, 希望每年都可為阿女做一個生日蛋糕"

見妳悶了5天, 今天長長的午睡後有點精神, 馬上為妳開工!

做蛋糕過程, 有人搞搞陣當然混亂, 蛋糕都漏晒cream... 但總叫令妍妍開心好玩, 美好的時光 ^_^

起初有幾個步驟, 用的材料和做法 跟做麵包堂的一樣, 阿女仲講得出口 有咩相同 有乜咩分別.
以為比佢上堂做麵包, 都係為左"得意下" + "有得食下", 上晒心這是意料之外! <- 讚!! 

蛋糕做好後要雪, 同3個心愛一齊等食!  這3小時真係幾天以來最乖的時刻.

妍妍穿上去年生日派對時畫的T-SHIRT(忘記了何時講過  要3歲生日時穿上??), 今日對現, 還稱身  
晚上到嫲嫲家一起切蛋糕!!


女, 妳瘦左好多呀, 祝妳永遠身體健康!!

公主病 [差一天就3歲]

兩歲半最後一篇blog的故事, 竟然是關於病公主...

發病3天, 今早終於援和了, 但原本計劃的[長沙陽光海灘2D1N]生日慶祝活動要取消了...,
不過好彩沒有好似去年地大搞派對... 就算病公主有精力, 爸媽連戰3晚都謝晒...


話說病公主發燒兩晚, 爸爸終於忍不住要帶她去看醫生.
出門前, 逢事摟的病公主死都不願穿鞋子... 這樣的事情才是第一次發生, 原因不明?
爸爸只好抱起佢+手挽公主鞋, 行去診所...
到了診所, 公主落地, 馬上把鞋穿上?!?!
爸爸終於深明此女子的想法....

爸爸再問: 點解妳頭先吾肯着鞋?
妍智答: 我驚爸爸要我自己行, 我想你抱.....

真係估吾到佢咁古惑...
原來患上了公主病!!!

人口普查.妙問妙答 [2歲11個月]

人口普查, 有兩位姐姐上門做問卷

姐姐一路問爸爸時, 妍妍周不時走過來八掛 + 插嘴...
問完爸爸媽媽, 輪到妍智啦! (佢有點雀躍)

妍妍坐在椅子上, 第一時間把細baby放在桌上, 同姐姐講: 

"妳問細baby先啦, 跟住到大baby, 跟住到我"

"妳叫乜野名呀?" 

"大baby叫來來, 細baby叫青青, 我係妍智媽媽" <-即場爆肚老作, 仲好鬼順口!

"妳幾年幾月出世架?" 

"大baby係6月出世, 細baby係7月出世, 我~~吾知呀..."

"妳今年幾多歲呀?" 

"我就黎3歲啦" <-終於正確

"工人姐姐平時同妳講乜野話?"  

"印尼話" <-

"過去六個月讀邊間幼稚園呀?" 

"德望" <-

媽咪糾正 ~ "係學之園先啱..."

"點樣返學?" 

"坐校車" <- 妳幾時坐過校車呀??

厘隻女...完全活在自己幻想世界裡...

兩位姐姐都不停比佢引到笑

問卷完成啦! 三母子影張相!

遊蕩 [2歲11個月]

午睡過後, 出街行下

在尖沙咀海濱遇到張保仔號

無盡體力, 吾理爸媽, 自已行上二樓睇風景...

應該係第一次食雪糕車. 叫妍妍自己買軟雪糕 ~
"吾該, 比一杯朱古力味軟雪糕吖!" <-"朱古力味"係自作主張加上去的...
叔叔笑: "無朱古力味喎~"

雲厘拿都好味啦!!

跟住, 為了坐ferry而坐ferry.

落左中環天星後, 吾知去邊~~~ 坐巴士去坐纜車吧!

成5點幾6點, 纜車站仲要打蛇餅?!?!

改去厘度 ~ 香港公園

公園內先到訪這個兒童遊樂場, 當然吾放過這條超長sir滑梯

有沙池, 幾得意噃!

挖沙

蓮花池睇魚

今日妍妍真係有無盡精力, 走來走去, 跳到吾停, 晚餐仲少有的自己食晒碗意粉!
當然佢會順帶一問: "今晚係吾係去酒店瞓呀?"


放電後, 妍妍當晚好好瞓 .
爸爸例排會扎醒起身, 摸摸無動過的阿女, 看看有無呼吸...<-傻爸