6月30日[酷熱] 早餐又是西餐, 吐司火腿沙律奶茶果汁. 好掛住上次個行程的蕃薯粥噢!!
上次旅程的民宿全都是中餐, 想找一次西餐都無, 估吾到今次是完全相反!!
睇我地今早個樣咁精靈就知昨晚瞓得有幾正啦!! 6尺半大床令人精神無比!!
咦!! 阿女你做乜渣住把刀? 你想點?
周圍拍下此民宿的外觀...
我地就係住樓上第三間房啦
今日厘個做型.... 土了一點噃! 無辦法, 厘對新野緊係愛不惜手啦!!
小小水BAR 和 民宿厨房
妍妍食完早餐, 飛奔出去外面碼頭邊...
水好清, 清清楚楚見到水底的石頭, 這個香蕉灣範圍果然係浮潛區
對面就是南中國海啦!!
成10點啦... 搞乜鬼祐男佢地咁仲未見人?
吾理佢地, 我地自己行去浮潛區睇睇
wow....好正呀!! 啲水果然好清!! 聽說今年入夏之後, 有大海龜出沒在這裡.
見岩石外面的地方有一群人在浮潛, 爸媽真係好想馬上PIT低妍妍 去欣賞一下美麗的珊瑚和魚群....
妍妍好想跳落水, 可惜準備不足未有泳衣, 同當時實在太曬... 決定明天請早
沿路番民宿, 有個原始千秋, 其實妍妍吾敢玩
一番到民宿, 就見到祐男佢地終於出黎食早餐啦.
都吾駛我盤問, Meiling姨姨自己話: 妳知吾知我地昨晚發生乜野事?
原來昨晚, meiling姨姨因為兩條 "嚴蛇", 搞到翻天覆地... 祐男爸拉開晒啲衣櫃去捉蟲, 仲11點幾CALL埋民宿主人入房幫手捉, 再要搞掂阿祐男... 成2點先瞓
<-俱俱一條"嚴蛇".... 阿meiling姨姨, 咁鬼蛇gue架你....
就係厘個動作!!
祐男由第三日旅程開始, 經常主動過黎妍妍面前, 研究研究妍妍個肚仔!
妍妍的反應當然係.... 反抗 同 有咁遠走咁遠, 怕左祐男
(阿女個肚腩又確實幾特出既...)
不過有時又幾friend吓架!!
<-直呈猴禽妍妍幫手餵祐男食早餐!
喂! "口靚"仔, 做乜又抽水?
終於餵到你
起行之時, 已經係午餐時間
求其黎厘間
味道無乜特別, 4餸一湯嗰啲例牌野啦. 特別指明要水瓜煮得超淋, 竟然硬過平時 >_<
NT1000. 吾知點解咁普通的食巿同大酒店都差不多這個價錢?
下一站 潛水艇
厘個潛水艇比想像中...流...
對大人來講, 第一眼係OK的, 果然有珊瑚和魚群...
但因為景物只停留在差不多的畫面上, 在艇艙內浮下浮下搖下擺下, 加上同船有大陸團, 大聲公炒耳, 又悶又焗, 幾暈吓...
小朋友又覺得點呢?
妍妍午飯出發後不久已在車上大發癲
...摟眼瞓... 等船時, 剛瞓著就比蚊咬醒... 在潛艇內繼續延續... 發爛 阿仔又點呢? 祐男一向最抵得悶, 佢用手指督下督下個玻璃上的氣泡時, 竟然靜哨哨的瞓著左!! 令妍媽大開眼界! 亦羨暮不已!!
祐男爸首先頂吾順咁鬼悶, 可能加上妍妍的抄耳煩厭... 走上樓上透透氣....
窮追不捨祐男爸, 我又黎呀!!
視野好好多啦!! 妍妍小姐心情都好番啲啦. 但真係好熱....
終於等到上岸, 快啲離開搵丁艇!!
之後, 爸媽決定要番民宿讓阿女好好瞓一覺... 防治發爛...
祐男佢地遷就了我地, 一齊番民宿hea一下.
