妍妍語錄 [3歲7個月]

妍妍一早聊爸爸去飲茶, 但爸爸要同爺爺去拜山.
佢走出客廳sofa, 叫爸爸: "黎...你過黎先" 拍拍張sofa "黎!! 我地傾下先.." <-好鬼老積...
繼續講 ~"你都要食早餐架嘛?"
爸爸: "我買麵包食囉"
妍妍: "麵包無營養喎... 飲茶食飽啲, 先有力嘛..."
這幕遊說過程, 聽到阿女講野扮大個, 真係好好笑
雖然阿女一番話咁有道理, 但都改變吾到爸爸的意向... 結果由媽咪帶妍妍去找婆婆飲茶替代.


最後, 今天只設晚間活動 ~ 去megabox買床欄.

購物完畢後, 去了一所日式餐廳, 為妍妍order了一個兒童餐.
妍妍向來很喜歡兒童餐, 未知有乜食, 就已經要欽點一份.
在等餐的同時, 阿女好心急, 多次問幾時有得食, 還爆了一句 ~

"唉...兒童餐幾時到呀... 天父!" <- 笑死我兩老



終於開餐啦!
果然, 厘一餐食得好好, 超開心!!

&lt;&lt;跌到的藝術&gt;&gt; [3歲7個月]

較早前訂下的<<跌到的藝術>>兒童劇, 以為是勵志類型, 教小朋友跌到爬起來之類的...
點知... 原來是一套無劇情的藝術表演, 結合體操和舞蹈的默劇....
大人看後話..."好深澳的藝術...佢想表達什麼?"
阿女睇完話~"吾知套劇做乜?", "有啲紙飛機飛來飛去...", "啲野不停跌落黎..." & "果個人hub眼瞓跌左跌右好麻煩..."
從欣賞兩位靚仔靚女的表情演繹, 體操和舞蹈來看, 又有點難道和欣賞價值, 不會令人沈悶, 還好. 就當是 給自己一次欣賞藝術的少有機會.
show完結後, 主持人有大半小時跟觀眾互動, 問下問題, 做下體操, 又OK喎!  (最好的, 就是遇不到明日劇社那位"大聲高音的朱咪咪"演員, 真係吾太頂得佢順)
雖然套劇令人摸不著頭腦, 卻意在 ~ 留給小朋友發揮想像空間 <- 這方便, 阿女完全無, 在場中一邊看, 一邊不停問 ~ 佢地喺度做緊乜呀?...

咪見我地成日帶阿女睇drama, 其實次次佢都怕啲現場音響, 不論佢喜不喜歡場劇 或 能否完成場劇, 佢每次遇到刺激性情節, 都有流過淚, 叫要走...
今次妍妍全程無喊過!  為她的一個大突破! 大個女啦, 抵讚!


show前都有一場互動的導賞

三位小朋友坐定定聽主持人講話

阿女願意舉手答問題喎!

同旁邊的姐姐pair up, 玩體操遊戲

例牌有受歡迎的摺紙遊戲

 

親子健行(十五) 濕地保護區 [3歲7個月]

睇我今日幾醒目!

因為今日相約5個小朋一齊去濕地公園健行!! 上午行公園戶外濕地, 下午行室內展覽區.
(咦? 依加的健行活動, 越搞就越容易囉... 無法啦, 就下兩位大肚媽媽吧...)

探過貝貝, 11時多開始起行,  妍妍第一個滿臉通紅地叫熱, 吾肯行...

於是同阿女除左條褲, 變超迷你短裙look. 這樣安撫一下阿女的心靈, 繼續行程!!


有小朋友陪伴, 都可令阿女掁奮掁奮.

自創model post!!

佑男, 我地好少一齊玩, friend一下先!

經過[溪畔漫遊徑] 就到左...

[濕地互動中心]

在此處陰間涼左一陣, 再行蓮花池上的一度橋

到達[河畔觀鳥屋]

這幾支望遠鏡真的很強!! 能非常清晰地觀賞到遠處的鴨鳥

今日人多, 行程自然散慢.... 大家行了不久, 又坐坐坐, 又食食食...

兩位大肚媽媽

最後午餐時間已到, 還是未能完成整個濕地保護區, 還欠一半的園區未行. 回程找吃!!

4張枱變一張枱, 真誇張...


Carson又有新嚐試, 願意食jelly糖!

下午活動, 先去[沼澤歷奇]
這個超高sir滑梯對3歲小朋友有點難道, 既然今次夠100cm能進入, 幾個小朋友都好高興一股作氣上去玩. 
不過在這裡, 五位小朋友 發生 五個不同故事, 由大至細分別申述~~
Issac ~ 擒到最高處, 找不到路下來, 嘩嘩大哭...
妍妍 ~ 擒到中間處, 已不敢再上... 頂硬上sir下來, 下來後嘩嘩大哭找爸媽...
carson ~ 擒到最高處, 驚驚地變為用四腳爬行方式, 視察過吾敢sir, 自己沿路走回來...
小寶 ~ 吾夠高, enjoy下面個BB滑梯...
佑男 ~ 沒有進場
今次盼個"叻"比carson啦!! You won!!

妍妍轉戰玩BB sir滑梯.... "ai ya..., 條腰好痛呀...嘩嘩嘩..." <-女, 大嗰個又吾得, 細厘個又整親... 真係頂你吾順...

[展覽廊]

搞搞陣...

[人類文化館]

一絀很短很可愛的3D短片, 阿女like喎!!

[工作坊]
做完動物襟章

先聽書, 才動手.

看我們的襟章!

再做紙

[觀景廊]

[濕地挑戰]

做左記者證可以在館內答問題儲分. 看誰最高分? 這館還有互動機關, 讓小朋友玩玩games.

幾隻野趁堆爸媽坐坐休息時, 又擒上跳落要自創遊戲!

好攰的一天.....



這裡回顧我的其他親子健行線路