<<奇妙的光影>>影子偶工作坊 [3歲2個月]

中午剛出camp, 安排在西貢坐車去大埔, 好讓妍妍午睡. 4時開始這個工作坊.

不設劃位, 觀眾可坐在表演者前的地蓆, 近距離觀賞及參與.

主持人表演和示範了3場光影戲, 每場戲之後都向觀眾示範製作大破解, 及邀請小朋友參與, 好好玩.

妍妍都有出去負責了更換場景

What a good Show!!

宿營@麥理浩夫人度假村 [3歲2個月]

5,6月申請的麥村宿營活動, 今天終於兌現啦!! 同行共有7個家庭!!

入營前, 我地有兩項搞作 ~

搞作一,  晨早溜溜同妍妍一起造7塊 cookies, 作為今晚派比小朋友的halloween禮物 ^_^
(味道應該OK, 但入袋時間太早, 可能水蒸氣導致塊餅質地太淋... 有待改善...  )



搞作二, 攞埋行李去耕田

三個星期時間, 種得最好的田友 已經可收一些菜心苗來吃!! 我地則要繼續努力....

上個星期洒下的種子, 今天已成功發苗 ^_^
今天造水肥 和 插竹舖網防雀.  看妍妍多努力!!

去camp的背包已很大, 都不忘要攜私家水壼



麥理浩夫人度假村~~

1:30pm 大家集合在西貢巿上shuttle, 好快就到左麥村啦!!

Rebecca姨好受歡迎喎!!

趁佢地未走散, 來張團體照!!

YY扮怕羞? 可憐YY天有點不適...

妍妍每次見uncle steven都是這麼難纏...

大家踏步向營舍出發!

小寶 carson 妍妍 精力無限跑斜路去攞房,  QQ見到都要起跑!

我地被分配三人家庭屋7間, 仲有獨立浴室, 非常好!

屋外這裡就是集結點, 除了有體操單桿,

仲有平衡木, 木樁 和 卵石步行徑, 夠佢地慢慢hea.


度假村內館理得樹木茂密, 環境優美

YY先午睡, 我地一邊等Michelle姨, 一邊去玩.


第一站 ~ 兒童公園

阿女, 雖然今日應Halloween節, 你話要扮米奇, 但你這個做型看來... 麻麻地...


第二站 ~ 兒童單車公園

看我全副武裝!! 馬上比uncle steven任影!!

經過一輪單車賽, 力量勝出的是carson, 駕駛技勝出的是小寶, 女孩子真係無咁體能化喎...

小朋友包場玩左好耐, 大人剩機舒舒服服坐埋一邊, 論盡校事/課外活動事/揍仔事... 

玩到攰, 大家食茶點

妍妍知 一向媽咪發放零食很嚴謹, 這時候佢一邊吃住姨姨派的糖, 一邊同媽咪講:
"媽咪, 你吾好鬧我食糖喎! Halloween係咁架啦!! " <- 懂得先小人後君子喎....


小B踏單車成粒鐘, 大人射下箭

厘位女將吾只有姿勢, 仲係快槍手, 亦好準喎!!


第三站, 康樂館

除左小朋友打ping pong外,
ConnieYung vs AppleIvan, 亦來了混雙決戰... 幾拾年無打ping pong, 搏命到翌日手臂酸痛...


第四站, 文娛館

館內佈置得好有氣氛喎!

最受小朋友歡迎就是這間遊戲室 ~

小寶入油入到吾停!

QQ, 你連坐馬仔都咁斯文!!

那些年, 我們一起打的足球機... 都有得玩喎!!   喂喂... 兩位爸B, 細力啲啦....快爛啦...

Uncle Jason 同勇爸想法一致...  就是欠了游水的環節!!
今日中午其實好曬, 真係可以去游, 個個因怕轉冷都無帶泳衣...


同小朋友玩樂的時間幾時都咁快... 已近6時, 回航去canteen吃飯!!

第五站, Canteen晚餐

我地散叫, 質數... 還可以吧...
相對$27/位的罐頭團餐, 這餐叫了10個餸, 每位$44.5, 雖然貴一點, 但總算OK吧!
謝謝朱姨姨幫我地預先點菜!!


大家散步上山, 回房小休, 等候觀星活動

小朋友連行番房都有野玩喎, 多謝uncle Steven派發的七彩電筒戎子, 好好玩!!

戎子變"光環", 我變 變 變!


出發觀星前, 小鬼怪開始出現了!!!


預備了小仙子翼給妍妍, 佢初時吾like, 佢要做micky mouse. 最後要改變其形容詞: "做一隻飛老鼠o ng ok?" 馬上妥協了! <- 阿女, 點解你幾時都吾肯扮靚野? 越核突越喜歡... 


第六站, 觀星台

坐定定看powerpoint. 很驚訝, 原來3歲的耐力咁強! 咁難明的東東, 都願坐定定聽了差不多成個鐘...

上樓上天台觀星, 輪住看一支望遠鏡, 看過木星後, 妍妍先撤退回房睡覺....

臨睡前, 班哇鬼回來還不願睡, 在屋外彈發亮竹蜻蜓, 妍妍又要嚷住出去玩....


這夜只得我地一家無開冷氣, 一班CU學生半夜一點聚集在我們屋外不遠處大搞orientation無聊遊戲... 爸B出外勸完 再鬧...
擾人清夢無公德... 果然是現今香港的大學生!




GOOD MORNING....

妍妍6時半已瞓醒...

女生外向, 妍妍用平生最大的力量, 把大門打開, 被門夾住都要攝出去找隔離屋的男朋友...

鬥吾正經, 無人及佢兩個...
Carson成日讚自己"好型!", 妍妍成日讚自己"好sexy!" <- 

一起刷牙好溫馨喎!!

跟住成朝就好似怨鬼咁痴實rebecca姨姨, 又要姨姨帶佢vi vi, 又要坐姨姨隔離食早餐, 又要同Carson掙拖姨姨隻手, 搞到姨姨好煩...



早餐後, 5個家庭繼續留喺村內玩, michelle同chu姨參加中心安排的活動, 到獅子會參觀.

今天, 小B們玩 1) 捉祺

2) Encore 踏單車

3) 做手工藝

4) 打GOLF

大家check out 後, 因吾想再光顧村內的餐廳, 又貴又麻麻... 
於是吾等shuttle, 我地11點半走人, 出去食泰菜啦!!  Bye Bye 麥村!!

 

雖然度假村有好多設施只適合較大小朋友, 但人多氣氛好, 佢地這個年齡只懂慢玩, 亦剛好玩晒合適的設施, 未見有悶場就己經 Very Good 啦!!