算是Role Play嗎? [19個月大]

今晚開餐時, 己吃飽的妍妍照樣為食走過來要爸爸抱抱, 想chi食大人食物, 妍妍被打發叫佢自己玩遊戲. 今日心情極佳的angel妍妍跟昨日devil的她成180度的大轉變, 竟然聽話自己玩, 佢選擇的是角色扮演遊戲. 爸媽亦是第一次見佢這樣扮演

妍妍手提住買餸籃行去門口一輪嘴的望住爸話:
"妍智返工... byebye 爸爸 byebye 媽媽"
..."妍智返工有錢錢..去shopping"...
媽媽問"去shopping買乜野呀?"
..."買egg egg, 買餸, byebye 爸爸 byebye 媽媽"...

轉過頭又行番入廳大叫:"妍智返黎"
"喺呀? 妍妍放工返黎嗱? 你去左邊度呀?"
"去左返工, 去左街街"
"仲有呢?"
"去左shopping"
"仲有呢?"
"去左公園"
"仲有呢?"
"仲有...仲有...仲有...仲有...吾記得k"
妍妍觸住爸爸手指要爸爸點點個頭:"爸爸幫手諗諗, 媽媽幫手諗諗"
"妍妍你都諗諗吖?" 妍妍都用手指點點個頭
"三個人..一齊諗"

跟住又自己去攞番個買餸籃行去門口
"妍智去shopping, byebye爸爸 byebye媽媽"
"妍智帶錢錢 帶波波 去shopping... byebye爸爸 byebye媽媽"
喺門口望番轉頭..."吾記得...妍智..帶鎖匙"
....

扮了很多次出門口返工及返到家, 除了重複的話外, 每次都有爆肚之新作
以下是其中一小節輯錄:

厘次示意比one dollar就夠買泥膠tim
嗰句 "去左公園" 帶好濃烈廣州人口音...


妍妍語錄
昨天姐姐換床單, 妍妍走埋入房同姐姐講要幫手換
跟住發問: "點解換床單?"
噢! 第一個點解出現了!!!! 以後陸續有來...

人日開年 [18個月3周大]

年初六 惡夢開始了...
繼聖誕節後, 妍妍又病了... 今次姐姐一齊病. 姐姐就係咁, 每次放長假期都wet到病, 今次野埋妍妍... 爸爸唯有請假帶兩隻病壞去睇醫生.

年初七, 養病日, 無得去新春馬運會都吾緊要, 竟然今天 開年 ~
妍妍識行以來首次撞爆缸, 滿口鮮血, 嚇死人... check過牙仔無問題, 只係咬到口腔同撞損下巴... 又病又爆缸...真係黑仔事情接種而來!

晚上揍病b瞓覺揍到2am才停喊入睡, 攰極媽媽走出廳見姐姐仲上緊網 ~ 氣忿!
首度毫不比面開腔鬧姐姐: "病你就早啲瞓啦. 放咁多日假晚晚4點都吾瞓緊係病啦! 攪到依加大家幾麻煩! 以後你吾好上網!"
姐姐一面無奈無端端做左出氣袋... 唯有熄機瞓覺...

做女人有這個好處, 吾鍾意起上黎可以發爛, 吾駛比面.


年初八 養病日, 去鄰近的法國醫院睇門診.
醫院闊落, 又有節日怖置, 妍妍好happy當作遊樂場不停周圍走, 輪候又ok快, 又有starbucks cheese cake吃, 爸媽可以嘆杯mocha. 真係好過去私家診所排排坐等睇. 最重要係厘度開的panadol係唯一妍妍肯吃的strawberry味, 而其他藥的dosage只係2.5ml (方間開5ml), tum女吃藥真係省一半功夫.

輪候時拍的


年初九 始終逃脫不過那個宿命, 最後輪到媽媽都中招了
今次要靠病後初瘉的爸爸獨力支撐! 再次請假幫手揍女...
阿女半夜晚晚喊醒4,5次.... 阿女一直吾好, 大家繼續無得瞓...



妍妍語錄
這幾天掛在嘴邊 ~ "妍智病病好辛苦..."
口內咬損左果忽肉, 幾天後變左成人尾指指甲大的飛滋, 食野又吾好, 成日用手指摸, 摸完好痛大喊叫: "咬妍智" <- 意思係妍智咬到厘度好痛....

農曆新年週記 [18個半月]

年30晚, 爸爸要在家休息, 無特別興祝活動, 在家學習笑靚啲準備見人.
媽媽教妍妍兩種笑容, 分別係 hee hee笑 同 大笑, 無聊!

下午返playgroup.
一向由姐姐帶, 今次由媽媽陪上.
唱how do you do?時, 我學識向大家鞠躬打招呼! 不過個頭差啲點左落地..
今日同daniel哥哥(老師)講恭喜發財攞利是tim!!

年初一, 早上去爺爺女麻女麻度拜年, 精神奕奕出發, 仲要求自己落地行去女麻女麻家

頸仔申前,升起機翼,一邊起動, 一邊講: "妍智行好快..." 但其實步速同平時一樣

下午, 去天水圍太婆家拜年, 我為了大家的焦點, 全部話題都是圍繞我^_^.
晚上, 去婆婆家吃個簡單飯.
這星期開始了一天一午睡的改動, 今日更advance地安排了由早踩到晚, 坐巴士作午睡, 為台灣之旅作訓練, 似乎ok噃.

年初二早, 突然想去ocean park, 於是由10點玩到2點半

在熊貓餐廳午餐後, 累透的妍妍再次在巴士途中午睡, 然後去婆婆家同媽媽的親戚拜下年.

wow...好多人呀...mj...好嘈.... 亦有好多小朋友一起玩, 我係最細, 哥哥同姐姐們都好有興趣同我玩, 佢地當我係公仔咁舞.

接近黃昏時, 打算出發去姑婆家参加另一團拜晚餐, 還有時間多, 媽媽特意安排一程巴士車河, 甚料妍妍第一次坐車吾肯瞓!! 原來經過一班小朋友的一番疲勞轟炸後, 妍妍摟計得好緊要, 完全不受控... 去到姑婆家也沒意思吧... 爸爸決定放飛機回家讓阿女早點休息.
以為今天都ok, 點知失敗收尾...  

年初三無約到親友, 連踩兩天, 天氣又凍, 妍妍昨晚又失控, 讓大家休息一天吧, 以防阿女太累生病.
落下街街, 去下朋友的會所玩玩, 夠妍妍滿足了!!

年初四,開工day!

年初五到馬騮先生家拜年, 眾賓客入到毫宅都眼精發亮!
之前上過林宅chi餐兩次, erica姨姨都喜歡親自下厨, 今次再次好好心機煮飯仔比咁大班人食! 大讚! 菜式簡單但水準非常好! 十幾年同學仔, 每年過時過節都會gathering到會開餐, 今年大家可以圍埋食個住家飯確係第一次, 好溫馨, 好感動噢!

媽媽亦首次做個糯米紅棗做dessert, 呈呈同喬喬小朋友都主動幫手! 大家都比面地食晒, 個人評為 "合格之作, 有代改良"

幾位小朋友再次成為大家話題, ivy姨姨的孖寶更是参加了大運動日一樣, 跑到忘形... 壞人叔叔吾好次次整鬼人啦!
逗埋利是, 妍妍眼瞓即走, 其他賓客十點完場!

妍妍語錄
最近成日點唱, 要爸爸或媽媽唱playgroup時學的I love you song,  妍妍記得晒以下歌詞, 亦都用她的平音攬住爸媽一齊唱 ~
"I love you, you love me, we are happy family, with a great big hug.... won't you say you love me too" 再自己加插 "I love you, 爸爸. I love you, 媽媽" 埋尾
爸媽甜到入心!!

有喜有惡 麻煩女 [18個月大]

自從妍妍學顏色開始, 她第一個掌握到的是PURPLE, 自然地對紫色生愛了, 然後每次出街時都必定要指定著"PURPLE SHOE""purple衫衫""purple襪襪", 如果著其他顏色,就喊住'典'喺度. 麻煩就出現了...對於女人(包括媽媽和KAT姐姐)來講, 襯衫好重要架嘛, 點可能著條LADY靚裙配襯住sportive的purple藍球鞋呢? 對於漠視配襯的爸爸來講雖然覺得無問題,但亦胆心這對鞋開始頂趾了...

真麻煩!

每晚換片時, 妍妍又要指定貓貓片片, 如果著其他動物片片, 就喊住'典'喺度...
大姐? 一包片片60片有5種動物, 貓貓片片只得12片咋, 就快用光了, 其他48片點算呀?

真麻煩!

家中每天都會播放一些兒歌比妍妍聽聽和遊戲, 有時媽媽同妍妍洗白白時會唱下take a bath song, 出戶外街街時會唱下"look up! the sun is shining..."
這個星期開始妍妍經常指定要abc song, 每次聽到其他歌時, 狂say no, 狂拎頭, 整把喊聲出黎好惨地叫住:"ABC SONG...ABC SONG...", 直至大人就範為止, 點算好呀? 獨孤一味, 個人吾會進步架...
真麻煩!


每朝一早, 抱妍妍出房第一件事是飲支奶, 以前可愛的妍妍見到kat姐姐都會配以笑容: "姐姐, good morning".
最近做乜事, 一見姐姐就: "oh! no!" 洒手兼拎頭, 怕媽媽要掉低佢去番工?
又要指定: "媽媽餵" 或 "爸爸餵", 吾比姐姐餵!
飲完支奶又要指定比姐姐洗, 比媽媽得吾得呀? "no no.."
現在要經常話事, 真麻煩!



母嬰健康院評估
今天到母嬰健康院作18個月體格評估, 重12.2kg, 雖然瘦左好多, 但仍達合適體重的93%, 繼續屬大碼B.
其實妍妍手腳背脊都瘦瘦見骨, 爸爸懷疑所有重量落晒個肚度,肚裡面全都係臭便, 姑娘話這個大肚腩體形是正常.
爸爸提出妍妍一向便硬每天都要lectulose treatment的問題, 姑娘再advise每天的食物含蛋白質不宜過多, 一天吃二両肉約兩個ping pong波咁大就夠, 可以改吃飯, 吾需要飲奶. 會試一下這個方案...
姑娘問左爸爸好多問題, 關於身體活動協調方面的東西, 均評為達標.
姑娘一邊寫字時, 多口妍妍話: "姨姨..揸筆筆..劃劃"
姑娘surprise, 問過爸爸妍妍的說話能力後, 表示一般2歲小孩開始講到句子, 妍妍現在已能用句子表達屬較早達標, 建議可給一些兩歲進階一點的玩具, 如role play的玩具say厨房玩具.
今次這個會面很有建設性, 爸媽會試一下她的建議.
最後爸爸提出膽心妍妍逗鷄眼, 見醫生時寫了封政府眼科介紹信, 睇專科吾駛錢,yeah! 納稅人該攞番應得的褔利嘛! 圓滿結束!