K1生日會第一回 [3歲1個月]

K1第一次舉行生日會, 可穿 配合學校主題的衣著, 今次主題是 [童話王國]. 聽到個主題, 就知非穿公主服莫屬.

妍妍和爸媽一向對公主做型無興趣, 於是為妍妍選來小仙子/peter pan??造型 (我搞不清). 其實上年PN時halloween party買的, 啱晒懶得大費周張的媽咪.

 

全校K1至K3同學一齊出hall玩遊戲, 你找到妍妍嗎?


看到嗎?

來一張近版! 見到啦呱?

再來一張超近版!  有得上台, 今次賺晒! ^_^

媽咪問左幾日都問吾到阿女上台做乜事? 佢淨係講好好玩, 佢無玩彩虹傘, 食左蛋糕,三文治同鷄翼....

幾天後, 媽咪跟老師聯絡過, 原來老師邀請穿著較特別的同學上台, 簡單講兩句話.

聽幾個同學仔的媽媽說, 近二百張相的album裡, 找不到她們的女兒, 而我tag到4張, 仲有一張係close up, 今次簡直大豐收!! ^_^
原來在女校突圍, 真係要"萬紅叢中一點綠"!! 吾通遲下要為阿女飾演男角....??




順帶一提, 老師對妍妍的comment ~
"自理能力高, 有條理, 有規矩, 但較靜, 少舉手..."
原來阿女只在day1開學時, 表現得主動, 之後的日子跟以前PN時的表現差不多, 而最近一星期聽到妍妍兩三次話吾想返學...  媽咪略感失望...
阿女, 希望你只是因為最近病過而接二連三的打風, 把你上學的熱情吹掉了.... 慢慢tune回吧! 媽咪為你加油!!



另, 之前在FB上提及過妍妍上學後的一點成就, 就是"學天主".
開學拾多天, 原來妍妍懂得背誦9成[聖母經], 爸媽心感意外 ~
"因父及子及聖神之名，亞孟。"
"萬福瑪利亞，妳充滿聖寵，主與你同在，妳在婦女中受讚頌，妳的親子耶穌lur lur讚頌。
天主聖母瑪利亞，求妳現在和我們臨終時，為我們lur lur lur lur lur。亞孟。

原來還有[天主經], 識少少吧... ~
"我們的天父, 願你的名受顥掦, 願你的國王來臨, 願你的lur lur lur lur lur....(吾識?)。亞孟。

英文[茶點經]我沒有學過英文經, 不懂佢朗什麼? 你又聽吾聽到呢?


有一天, 又突如其來一首普通話[天主歌] ~
"咱_們主, 咱_們主, ??????. 咱_們主, 咱_們主, ??????" 
因聽不清楚佢唱什麼, 問問老師, 老師話無教過普通話聖經歌喎....  噢...作野仲作埋歌... 女, 你邊句係真架?

陪爸爸返工 [3歲1個月]

妍妍病後休息左兩天, 係時候呼吸一下外面空氣.
打算同妍妍去街街之際, 突然接來電話 .... SOS... 公司死server....
結果, 齊齊陪爸爸返工...

第一次到爸爸公司, 妍妍被安置到同事的位, 好多公仔好多野玩, 又開電腦比佢打GAME. 
妍妍話佢都好想返工.


講起返工, 我倆老平時得閑就會問下妍妍 第時大個想做什麼職業?
佢每次都話要做醫生 <- 你話, 幾咁令我倆老飄飄然呢!! 所以成日都問佢 


之後, 過左隔離hotel cafe 吃tea.

佢不嬲最鍾意大sofa上倒蛋... 
眼見阿女跟平時一樣~ 在sofa上爬來爬去跳左跳右很happy, 舊有的天真可愛... 
但媽媽開始覺得 ~ 妍妍個子大了很多, 這次的構圖很不上眼... 
原來不知不覺間, 是時候要正視, 要阿女學習餐桌和公眾場所的禮儀了...

"Surprise 樣 please!"


今日是病後大放監 ~ "我吾客氣啦!! "

趕遊麥理浩徑(第五段)

 

早兩天妍妍低燒流涕, 今天無乜事, 但根據過往經驗, 剛病好的她精神未回復, 帶她出門就等同自殘, 於是趁女午睡, 馬上逃走拍拖遊, 完成本來為女安排的健行活動, 自己享受一下秋天.

剛剛找回資料才發覺... 媽咪一直以為自己行的是衛奕信徑第五段(7.4公里, 2.5小時, 難道一星), 爸爸一直話自己好熟路, 原來佢係好熟麥理浩徑, 結果帶左媽咪行麥徑第五段, 吾怪得媽咪一路上覺得~ "有無搞錯? 點會是一星難度????", 好彩妍妍病左, 無帶佢來行


麥理浩徑第五段
路線: 沙田坳獅子亭 至 大埔公路(石梨貝水塘巴士站)
長度: 約7公里
難度: 二至三星
參考: http://www.hike.hk/load.jsp?route=mt5&page=1

16:40 於慈雲山警署前乖坐NR806村巴到獅子亭, 村巴沿沙田坳道上, 見到不少行山人士公公婆婆挑戰這條大斜路, 場面好比旺角.

10分鐘車程就到了獅子亭

獅子亭旁有間士多, 很多行山人士在此歇息, 我地馬上惠顧超滑口豆腐花, 真係好耐無遇見過咁滑, 力推

5點松正式起行

今天已見少量秋色?

Lion Rock, 好想上去, 但今天無時間.

頭段有多處觀景角, 能飽覽九龍東景色. 可惜今天很霧.

厘隻馬騮好惡, 影完佢轉身走時, 想偷襲我...  no way! 惡番佢先得!

有兩個亭

更上一層樓的景觀 ~ 很長很直的是 獅隧出口申延出來的 窩打老道.

獅子山頂, 跟你無緣again.

路上不時有小小竹林出現

今日全日天陰又超大風, 行住跑住都覺涼, 好彩無帶女行.

第二個小山峰 - 筆架山觀景台

筆架山上的天文台?

天開始黑, 唱遊的心情已無, 之後我倆加快腳步, 甚至跑山, 想趕快回程同阿女吃飯.
在昏暗的樹林裡, 媽咪一路跑著, 一邊問仲有幾耐到呀? 無電筒呀? <- 怕有馬騮襲擊我睇吾到呀...
爸爸不停回答 ~ 仲有3個字到啦! ~~~ 3個字又3個字...


終於到左, 用時 1小時45分.

見大埔公路上的一條行人天橋被馬騮佔據了, 場面壯觀!!


這段路不太難行, 基本只有兩段較長的上坡路, 其他的都是平路. 
頭段風景應該是最美的, 能從高處飽覽九龍東景色, 過了筆架山後 因天已入黑而樹林較密, 沒什麼景觀可言.



回到家仲趕得切同阿女開飯

妍妍問: "你地去左邊呀?"
媽咪casually answered: "我地去左行山呀"
妍妍聽到後, 樣子頓時帶點晴天劈瀝, 再問: "係吾係頭先我瞓左覺果陣, 你地去左呀?"
媽咪(口震)回答:"係呀"
妍妍帶住嚴肅的眼神, 繼續拷問: "係吾係無帶我去呀?"
媽咪吾敢答 ~ "爸爸, 你答..."
爸爸馬上逃離現場 ~~~
泉水快要從妍妍眼睛湧出之際, 媽咪靈機一觸: "係呀, 好彩你無去咋, 頭先行行下好大風, 好大雨, 仲行雷tim呀..."
妍妍終於放鬆了, 無再追問, 放過左我地...

這裡回顧我的其他親子健行線路

親子口琴樂 [3歲1個月]

中午參加完佑男日生派對後, 當然要山長水遠搵地方去, 比妍妍在巴士上午睡. 今次安排去一個靜態活動 ~ 親子口琴樂

E11巴士到左東涌時妍妍還未醒, 於是媽咪自己在東涌下車, 先去東涌巿政大廈社區會堂報到, 看看是什麼料子..?? 爸爸陪妍妍繼續在巴士呼呼大睡到機場, 坐番回頭車.

個event分開3part, 歷時3小時, 第一part是由一主講者用powerpoint介紹口琴. 吾啱阿女聽, 阿女未現身啱晒, 吾駛阻住媽咪聽 .

第二part, 看口琴演奏和表演者的逸事分享, 這時爸爸和妍妍剛好趕上, 妍妍很投入欣賞, 不過太多口不停題問... 怕佢騷擾到表演者和其他人.

第三part, 每人免費派一個小小膠口琴, 由口琴協會的哥哥教大家吹, 厘個環節最好玩.
 

看爸爸這麼投入地學吹. 不出半小時, 大家都成功吹到3首簡單的歌.
妍妍都有學, 當然學不到什麼, 只dap甩左口琴上的貼紙... , 不過佢好喜歡.



主持人示, 願出來表演的可有禮品, 見有兩位拾多歲的姐姐出左去表演, 妍妍自己同主持人講佢都想表演喎!
主持人很好人, 攞左支咪過來, 妍妍對住個咪吹左同一個音3下... 在場觀眾又好識做, 一一鼓掌起來. 妍妍望住觀眾會心微笑 ... 再向觀眾鞠躬, 個鞠躬又鞠得好輪盡,好baby吓... <- 大家都笑起來

送禮品的時候了 ~

厘個叔叔好似幾鍾意妍妍喎, 你可吾可以免費教阿女學口琴呀?

估吾到主持人叔叔幫妍妍帶左頂帽, 佢會咁開心喎... 一向佢最憎載帽架嘛?? 仲擺埋post比人影...!?!?

厘個節目是頗靜態, 爸媽希望妍妍上山下海之餘, 亦多接觸藝術音樂活動. 今次亂咁撞, 又試到個幾好玩的免費fun day喎!
3小時對成人來講當然無問題, 但對妍妍就略為太長, 好彩尾段時間互動兼有奬攞.
又比到妍妍一個表演的機會, 爸媽見阿女咁受, 希望以後找到更多這類型的活動.

之後去東薈城吃晚餐 - 越嚐 quality OK 啦 

厘餐飯妍妍心情大好, 不停同士應哥哥吹水, 又少有地食足一碗飯(至愛的菠蘿炒飯), 媽咪都讚妳今日叻叻!

仲唱埋歌 跳埋舞, 搞乜鬼? 上晒身...