2010年4月25日 星期日
op之龍種奇俠學堂 [20個月3周]
OP新加設左一個展館, 今期配合[馴龍記]電影搞[龍種奇俠]主題. 以後可以跟上映電影切換新主題, 無限空間發揮, 扺讚!
好想去睇睇, 點知妍妍瞓到4點先起身, 無諗太多照去!!
喜歡坐吊車
龍種奇俠學堂入口
有條青bb蜥蜴/龍可拍拍照. 妍妍好奇想摸.
有扮相古怪的姐姐派畫紙比小朋友油顏色
旁邊個哥哥睇吾過眼妍妍亂咁油, 仲口多多教妍妍~ 要多啲顏色先靚架
龍種奇俠大殿內, 點解咁chinese style嘅? op今次將西方蜥蝪同中國龍混在一起擺show
見到過山車時, 手指指 ~ 火車呀!!
今日只係到大樹灣厘邊的兩個展館咋, 下次早啲出發睇下個[馴龍記]展館先得.
芝士麻糬波波 [20個月3周]
今次為大家介紹的是當年初現香港時,人氣極高的 芝士麻糬波波
做法很簡單
材料:
QQ粉200g (在蛋糕材料專賣店才有售)
水140cc
大蛋一隻(約50g)
食用油20g (可用粟米油/介花籽油)
芝士粉20g (今次用了karft的芝士粉)
做法:
以上材料通通混在一起, 攪至滑身後, 加進忌廉唧筒內, 唧出一個個球狀, 每個約25g重.
請不要challenge麻糬波波個shape, shape既野因人喜好吧, 妍妍則喜愛"屎餅"shape多啲.
但要記住, 唧厘個粉漿要儘量向高發展, 佢在烤焗過程中會軟化及稍塌下來.
預熱焗爐200度, 把焗盤放在高層, 用170度火焗20分鐘, 或轉金黃色即可.
麻糬波口味可稍有變化. 妍妍在幾個粉團內加入左小紅莓碎.
(或可用巧克力代替芝士粉, 隨你喜好.)
叮...
搞掂!
爸爸品評
色~ 可以再金黃少少, 屎餅shape有個吾好處就係個尖尖會焦左
香~ 無乜特別, 想香一點, 可以用較靚和較香的cheese
味~ 喊喊地, 甜甜地, 外表硬身一點, 內裡軟熟煙un
妍妍好心急想食, 眼睛盯住盤"餅", 不停吞口水, 好不容易才叫到妍妍望住個鏡頭!
試左一個, 妍妍的
口水指數:
大叫 "仲要"!!
2010年4月22日 星期四
重返球場 [20個月3周]
媽媽同爸爸輪流打籃球, 妍妍就打網球 (嚴格來說...只係揸住塊球拍行來行去...)
有2個姐姐陪跑, 妍妍都心情開朗, 少量運動一番
打算以後每個星期四都出席, 爸媽要keep番鍛鍊體能, 亦為妍妍建立運動細胞和sense
今個星期, 見妍妍都幾fit, 於是馬不停蹄, 每晚都帶著妍妍周圍黐餐
星期一, 到爸爸廿年好友julian家吃飯
星期二, 到媽媽好友 細蚊家晚飯
星期三, 婆婆家晚飯
星期四, 籃球運動日
希望妍妍多見人, 吾好日日屈在家變電車女.
2010年4月21日 星期三
宣戰 [20個月3周]
最近厘個月開始, 妍妍的難搞指數倍升, 最鍾意 ~
舉一反三
經常什麼東西都吾好, 遇著心情不好時, even平時最喜愛的食物,玩具,去街街... 無晒阿女辦法!!
以"淚"相迫
小時候的妍妍不會多流眼淚, 是一個很堅强的bb. 現在的她多次成功以淚水來要脅爸爸媽媽, 現在已成習慣了.... 爸媽一定要變為一個狠心父母親先得!
恥竉橫行
以為自己喜歡做的東西就一定要做... 好似今天妍妍放隻手入口咬, 爸爸叫吾好, 佢更加專登做, 拉据了很久, 佢寧願被置於關了燈的睡房內罰企, 一邊喊都要一邊咬手... 她一向都沒有咬手習慣, 這舉動是要向大人宣戰!! 面對爸爸的硬功, 妍妍頑固到極點... 最後, KAT姐姐睇吾過眼行過黎同佢溫柔的講左兩句: 你咬左手手, 手手都痛啦, 睇下紅晒啦, 吾好咬啦... 比了下台階妍妍, 佢才輕易放手.
唉!! 爸爸一早已向妳下過軟功啦, 點解要搞到喊得咁悽涼呢?
面對著這樣的小朋友, 媽媽真係無耐性亦經常被妍妍影響到情緒...
爸爸, 今次要你靠你的高水平EQ及循循善誘, 教妍妍之外, 順便控制一下媽咪情緒喇...
2010年4月17日 星期六
長洲一天遊 [20個半月]
等船時妍妍瞓左覺, 一上船妍妍就醒左
出碼頭照
長洲所有車都很mini,連警車都係. 好削下...追吾追到賊架?
入細巷追賊就揸厘部?!?!
周圍都係平安飽手信
接駁碼頭和漁艇的手拉舢舨
妍妍第一時間要周圍觀光下
行行下見到厘架三輪車, 妍妍話想坐
於是爸爸努力咁踩
~為的是阿女歡心
載住妍妍同媽媽周圍去, 望下sky & beach, so beautiful!! 媽媽大叫 爽!
東堤海灘, 陰陰天無雨, 都幾舒服, 今天稍大風
肚餓... 媽媽話想去華威酒店食tea.
於是爸爸充當~牛拉車! 條路超斜架... 架車好重...
點知剛剛收爐 輕輕觀光一下, 景觀ok.
阿女叫肚餓, 即走人
有請陳大小姐上番車, 爸爸tun車
遇著斜路, 妍妍發覺架車慢左好多, 即時叫: "爸爸, 加油加油!!"
奴隸獸爸爸聽到阿女打氣, 馬上上力
經過公園, 有哥哥送個氣球比妍妍
辛苦一輪, 終於有野食啦! yeah!!!
新照記出名糕點, 3點3新鮮出爐!! 叫左紅荳糕, 芝麻糕, 南瓜糕...
不會太甜, 真係好好味!!
同買一隻 平安飽比妍妍
蓮蓉餡 甜甜地, 超鍾意!!
爸爸好喜歡這個碗仔翅, 足料
旁邊的故鄉茶寮, 就出名...
紅荳飽
簡單沙律手卷
蟹柳手卷, 妍妍超鍾意!
媽媽就覺得沒什麼特別
妍妍見到個糖水樽裡面, 話: bee 游水水
爸媽就喺厘度食左個很豐足的午餐, Yummy!! 亦是妍妍的新口味下午茶
來! 沙灘玩玩
初時腳仔只能long在媽媽腿上
及後能開懷堆沙
拍拍沙, dum dum沙
oops.. 上晒頭
妍妍玩玩下沙, 擔高頭見到這個, 大叫 ~ "the Moon"
爸b, 你飲緊乜野?
同你加料
飯盒都攞埋黎玩
在船程上遇到另一同齡family, 個媽媽不禁望望自己個女: "吓?吾係嚇我呀? 你個女望落成3歲咁嘅!?!? 點解差咁遠架?"
阿姨姨, 你個女又確實baby到吾多似20個月大噃... 太大對比啦
不過妍妍眼細細, 頭髲多, 身形吾肥又稍高, 又嘴嘲嘲... 又真係幾老積嘅!
最近好多陌生人話妍妍似2歲半3歲, 下次做實驗下同阿女著番啲小熊小貓小兔衫, 睇下有無人話佢似一歲先!??!
伯伯, 我都想吹波波糖
妍妍見到自己架同款三輪車, 於是少有friendly地同小朋友打招呼, 目的是想申手按下啲音樂制
昔逢北帝寶誕
有大戲睇
妍妍也是坐上客
入廟拜神
長洲阿婆最鍾意係度乘涼
我吾識落梯呀~~
有小狗tail玩
去興樂菜館擺定位等姨姨uncle佢地先
最重要的大合照竟然無影到?!?!
這晚他們一行16人全入住家輝營, 好開心呀!!
為遷就妍妍睡覺, 爸媽飯後立即狂奔去碼頭趕8點船
鬼佬遊客Liu妍妍玩, 妍妍馬上叫 "抱爸爸"... 見到鬼佬就驚, 真無用<-指的是上左4個月的english playgroup呀!! 哈哈!!
妍妍語錄
臨睡前, 爸爸跟圖書講故事, 見到圖書上有4個中文字, 便教妍妍
爸爸讀: 火 門 魚 手
妍妍不是第一次聽這4個字, 之前會跟住讀, 今次呆著望住...然後..
妍妍: 爸爸讀得好快... <-平時妍妍講的說話多是評頭品足,形容眼前實在的東西,也會形容一個人跑得好快, 但形容講野"快"一件virtual的事, 應是一進階的領悟, 讚!!
噢! sorry! 爸爸再慢一些讀吧!!