My first song [快20個月]

獻醜了...


twinkle twinkle little star....

Pet Care [快20個月]

自出妍妍出世以來, cc dd 同 elly 都要坐監, 同妍妍bb隔離. 現在開始逐步解禁啦.

今日妍妍學習竉物照顧!

cc, 我幫你梳毛

你睇, 你甩幾多毛?

吾得, 要梳多啲...

dd 你都想梳呀?

elly, 點少得你呀?  好似好舒服吓噃, 我的手勢吾錯吧

九龍公園一遊 [19個月3周]

奔向fountain

媽媽話我厘輯相的動靜, 已脫離了bb影子

妍妍, 快啲試下碌草地啦!!
吾制!

妍妍玩番媽媽, 我瀨媽媽...  <-好嚇人

爸爸, 輪到你啦! 過黎!

毒瘤樹?

sharp green的珠珠果是什麼? 妍妍很好奇的meet

此時此境 真溫馨

嘆住生果, 步履輕浮, 豁然開朗

要嚇媽媽, 整估做怪

果邊有乜望?

到池塘觀鶴

觀鶴不忘食!

來張全家幅先!

妍妍 hee hee 笑吖!

妍妍發現個toilet話: 一個爸爸, 一個媽媽!

又無端端自言自語: 好似蟲蟲

哦! 原來係指厘條

最近鍾意咪埋眼行路
看我的大家姐步伐 幾威!

妍妍寧願"鍚"草地, 都吾肯"摸" 同 "瞓"

終於tum到阿女瞓草地, 但面容就...

心情好時鍾意running

噢! 重大發現!!

連忙投入四處玩...

你終於肯番黎爸爸度?

果然是兩父女, 表情幾相似!

第一次教訓妍妍 [19個半月]

阿女自從學懂說話以來, 開始會表達自己意見, 爸媽都好鼓勵佢多些說話. 但自從兩個月前開始, 妍妍會開始講"反話", 一直爸媽都無視作什麼, 有時都會同佢講"咁樣吾啱", 沒有認真的說出來.

但今晚, 爸爸終於忍吾住, 第一次訓斥妍妍...

每晚爸媽都會妍妍係床上睇一陣書, 講吓story, 先um佢瞓覺. 今晚爸爸照樣攞幾本書, 諗住俾同妍妍一齊睇. 點知妍妍一見到本書, 就話"妍智吾要厘本書"跟住扔左. 一本係咁, 兩本都係咁. 爸爸就同妍妍講 "扔書係吾啱, 知吾知?"
點知妍妍話 "吾知" .
跟住爸爸話 "妍妍, 妳吾可以扔書, 妳吾鍾意睇可以話我吾想睇厘本書, 可以放係度, 爸爸再問妳, 扔書啱吾啱?" (語氣仲好好)......
妍妍再our頸 ~ "啱"
爸爸覺得吾可以咁, 就壓低語氣: "妍妍, 你再係咁樣, 爸爸就以後吾讀書書比你聽, 我再問你,  扔書啱吾啱?"
妍妍吾答, 但不再輕鬆.
"啱吾啱吖?"
見到爸爸嚴肅的面孔, 妍妍終於細細聲的答: "吾啱"
"以後仲扔吾扔書?"
"吾扔"
爸爸變番慈父, "咁至係嘛, you are good!"

現在才是trouble 2的開始, 每天都總有類似的情況發生. 什麼devil 2, no no stage.....爸媽要開始習慣了.

面試最後兩擊 [19個半月大]

這個星期終於到期待已久的最後兩間
連續兩天進行, 阿女帶病上陣! 
(吾係話, 又病?  無錯, 自農曆年開始, 灰暗的日子不斷困擾著我們... )


星期五, LH面試情况

之前兩日, 妍妍38度燒, 雖則精神, 估計都吾會有好表現啦. 爸媽一心諗住放棄吾去

星期五早上醒來沒有燒, 媽媽叫醒爸爸, 無燒去馬!

都吾知爸爸有無刷牙, 匆匆忙忙的同妍妍出門口. 落到街截的士20分鐘都無車, 與面試時間只剩5分鐘, 打算番上樓之際, 就有一輛空車過來...玩死人咩!!! 到學校時遲左5分鐘, 又無帶會面信又無prepare cheque, admin厘part應該吾影響老師評分啩?!?! <-邊有家長咁那西?

妍妍入到場還未有5分鐘warm up就面試了.

第一環節: 傳統人釘人玩法
妍妍有向老師打招呼和對答, 但沒有每個問題都答, 好似"邊個同你黎呀?", 妍妍竟然吾出聲.
老師比形狀配對task, 生果玩具跟相片matching...
"比apple爸爸得吾得?" 等command
"平時鍾意食乜?" 等問題

第二環節: 集體story time
英語老師講蟲蟲的故事... 妍妍坐定定聽
叫小朋友pass條玩具蟲... 妍妍照做
比好多食物小朋友, 逐個小朋友問蟲蟲食乜野... 妍妍話全部都食

第三環節: 與家長談心
妍妍和小朋友們自己玩, 校長與家長在旁圍圈討論, 教小朋友的理念?... 咁細個學普通話點睇?...
只有10分鐘時間, 家長要掙取表現...
爸爸滿意自己的表現, 應該攞到分

月尾公報結果


星期六, 何文田維記

第一環節:
一group6個小朋友, 首先喺枱玩warm up, 不時有不同的老師過來"打擾"妍妍, 主要是廣東話老師和英文老師, 比啲task妍妍做 ~ 砌積木等

第二環節: 講故事
外籍老師講故事, 6個小朋友圍圈聽. 妍妍對聽故事一向喜歡~ 呆聽! 希望老師欣賞她的專心表現...  雖則人家小朋友一邊聽一邊高興地回應: red bear, blue flower, green bugs... 希望老師明白這些是disturbing無禮貌的表現...
老師逐個埋小朋友身邊, 叫攞"red bear", "purple fish", "brown dog"...等. 妍妍正常地依指示攞到purple fish.

第三環節: 跳舞
兩位老師播音樂, 妍妍同小朋友們一樣攞住沙錘shake shake
老師隨歌跳起舞來, 好彩其他敵友同妍妍的反應都是一樣 ~ 呆企呆望!
環觀其他interview groups, 有些小朋友會跟老師一齊un起來架.

第四環節: 地獄式家長論壇
12位家長在大房內與校長開壇.... 30mins...
話題圍繞"點解想入維記?" "期望?"...
爸爸出黎後叫苦連天, 好大壓力呀!!! 要擦鞋之余 又要搵位sell阿女 又吾可以太出面太假, 掙取攞分...

維記interview的兩個環節, 不是妍妍的茶杯了....

與九龍塘的眾名校不同, 這兩間幼兒園都是很有誠意的學校, 他們十分強調兩文三語, 從面試能看出他們同樣著重與家校合作和家庭"語境"的配合, 媽媽終於明白現在很多家庭都會在家用三語為小朋友作日常訓練, 原來就是由這派學校衍生出來.

兩間學費都幾甘, 但爸爸都很想妍妍能入到, 因為他認同妍妍的語言能力, 覺得可以讓阿女試下多語言方向發展. 媽媽就仍然盤算著...
有offer再諗lu, 維記就無機架啦, 睇睇LH啦...


自9月開始, 一共見了10間幼兒園, 很誇張嗎?
最初3,4間是有些緊張, 後來的大部分我們已視之為娛樂了, 阿女入到學校都會有很多玩具/遊樂場玩, 爸媽就順便當open day見識一下, 因為上網看的學校理念~德智體群美那些篇幅 感覺好相似好虛浮, 未見過真係吾知夠竟係乜!!

看我過去的表現嗎?
人生第一次~~面試 [14個月18日] - 衰左
面試四 [16個月大] - 衰左
面試6~大有進步 [17個月9日] - 有offer
面試7 [快18個月] - 有offer
面試8 ~ 做番自己 [19個月1周] - waiting list
面試最後兩擊 [19個半月大] - LH有offer