澳門3人行

~~ 家姐4歲2個月(細佬3個半月大) 的澳門3人行 ~~

10點金光船, 好快就到步 ~ Galaxy Hotel

第二次同阿囡到澳門玩, 今次打算邊度都吾去, 所以選來較多kid's 玩意的Galaxy.

酒店大堂

房間 (promotion price $11XX incl tax, room only)

面向東亞運動會場地

同學樂芯一家在酒店商場的[蒲軒]吃午餐, 我地join埋

餐後去沙灘啦. 差不多3點, 好彩還有一點太陽

on the way to the beach

大名鼎鼎的 Galaxy 天浪淘園  登 登 登 登 ~~
比酒店介紹相片 細 n 無咁靚... 
啲沙好實, 個沙灘位好淺...

同樂芯一齊玩水一陣, 阿女比個浪逐親...
無游水2個月, 阿女已經忘記左點游, 怕左啲浪, 吾肯游, 浸到好凍...
過隔離平靜的暖水池游好啲....... 從此就同樂芯分道揚鑣了

另, 有個按摩池, 好舒服架! 不過阿囡怕熱, 吾肯落去浸....
厘個女真係好麻煩... 又怕熱, 又怕凍...

有請澳門小姐佳麗出場~~~

游完水Ding住兩條鼻涕叫肚餓 ~ 好彩沙灘有Doughnut 賣

有一刻, 媽咪要飛奔去找爸爸, 叫妍妍慢慢跟住媽咪條路行, 吾好"線"親.
媽咪回頭找阿女時, 行極都未見佢, 有一點點担心之際~~
發現佢跟本無跟上來, 自己找到張椅稍有斜陽照住, 佢坐喺度取暖嘆doughnut...
<-厘個豬油女...真係一點運動細胞都無... 媽咪同爸爸經常train佢, 都train吾到佢一小點的毅力... 真係頂佢吾順...


沙灘旁, 有些小玩意. 這個鐘數, 有摺毛巾玩!

 

昨晚看著細佬無覺好瞓, 爸爸同妍妍早兩天病過黎, 疲累的我地求其去左food court吃晚餐咋... 其實都好想再食蒲菜, 但又吾想encore lunch吃過果間...

聽聞樂芯住的Banyan Tree 房間有水游, 我地決定去開下眼界

去找樂芯中途, 經過賭場...
摘下$300大元買細... 無功而回...


經過商場...
妍智看到咀香園有試食, 馬上問媽咪攞完豬肉乾, 又攞杏仁餅來吃, 見到隔離有第三款, 妍智又問媽咪 "我想試埋喎!"
媽咪見佢啲咳未好, 便循例輕描淡寫地騙佢 "辣架!" <-由妍智出世到現在, 都經常用厘招, very work!!
點知阿女今次的反應是 ~ 懷疑 ~ "係未真架?" 馬上自己走上前開口問姨姨
走回來話返比媽咪聽 "佢話吾辣喎!", 再馬上走回去問人攞, 成功試食埋第三款.
之後離開間舖, 佢仲質問媽咪 ~ "點解你話個餅係辣既?"
媽咪汗顏: "哦... 我頭先聽到啲人咁講嘛"  爸媽互相偷望一眼...
最近妍智大個女左, 己經開始難騙佢...


繼續上路...
 去到樂芯門口, lock門無人應... 唯有打道回府...  
(後來才知佢9點還未停, 在光顧kid's zone, 戰鬥力驚人...!!)

沿途經沙灘泳池, 散散步, 看看夜景~~

這夜好舒服噢!


這邊廂, 我地咁鬼Happy~~
那邊廂呢~~

病左的臻祺被我們遺棄在家... 細佬真係好可憐噢~~

話說細佬3個半月以來, 家姐媽咪加埋不下病過4,5次, 每次ki ki都無事... 
早兩天被爸爸和妍智一起夾攻, 加上姐姐有點粗心早上無給他穿多件衫, 小ki ki 終於不敵了, 很無辜...
細佬friday nit 101度, 有鼻水聲
saturday 102度幾... 打算有機會要放棄個trip... 
好彩sunday凌晨 續漸回落, 半夜只燒過一次, 所以我地決定出發~~

ki ki, 媽咪會好好帶啲手信(冰奶)比你架啦 ^.^



The Next Day....

吾知食乜好? 逛下逛下, 找不到那些期望的英式早餐...
最後都係去[群芳]吃buffet  ($178/adult, half price for kid)

西式飽點類 和 油炸鬼 出色, 其他standard 啦, 算多野食!
不知不覺吃了兩小時囉...

我地慣例旅遊hea hea地, 於早餐後都會返回房間來個"早解", 今次加埋媽咪要泵奶, 爸爸小睡片刻, 阿囡就狂煲卡通片.... 搞得來又到12點checkout time.
咁就無左一個早上~~

brain storm 左去科學館, 妍智舉腳讚成. 我地排shuttle bus出去澳門時... 計落時間一點緊迫, 而且掛住細佬仔, 想早點回港
同阿女講 "我地返香港啦"
妍智: "吾好~~ 我想去科學館喎~~"
再用老婆餅tum佢, 佢上吊了~~ 佢點兩下頭, 然後一起離開shuttle條隊.
點知行吾夠兩步, 妍智突然哭起來... "又話黃昏先走既?? 我想黃昏先返香港呀...嗚嗚嗚..."

於是~~~

我地來到科學館啦!! 是妍智喊回來的

[兒童樂園廳]

Bob the Builder?

[運動競技廳]

同爸爸鬥划艇, 妍智勝出!!

[科學探索廳]

[環保廳]

好玩的澳門科學館!

兩小時後, 回酒店拿行李, pack冰奶, 趕到甩輪去碼頭. bye bye澳門!!

Galaxy 硬件一流, 軟件(服務)就比不上人情味豐富的望廈賓館... 我地還是喜愛住望廈 ^.^
1) Galaxy太多大陸團客, 流水作業bang bang聲, 沒有悠閒感...
2) 前台服務員都只會煲冬瓜, 不懂廣東話...
3) 因房間無冰格, 媽咪要把泵出來的奶冰了帶回香港, 要求服務員幫忙儲存. 點知士應生錯漏百出把我的冰奶拿出拿入...媽咪一再叮囑小心儲存, 但到最後交給我時, 全都是滆解中的狀態...<-激心...
4) 我們於[群芳]自付吃早餐buffet, 登都未坐暖, 就要求先找數...
來玩酒店, 嘆它的設施當然是好, 但為的是享受一份閒息, 這些巨型賭場酒店給媽咪的感覺還是欠一點...

興幸臨尾光顧了好玩的科學館, 為這個旅程加tim一份精彩!