尖沙咀消防局開放日 [3歲半]

今天臨時約左小寶出來, 同大眾巿民迫一迫.

阿女好似飲大兩杯咁.......... 先左擁, 再右抱, 錫完左邊消防員, 再錫右邊果個, 然後舉起勝利手勢做個招積樣.


阿女影完相後, 突然...

幾個消防員跳晒上車, 著晒閃燈, 有行動.... <- 當時媽咪諗, 是演習嗎?
吾係演習, 是真的收到order要出車, 估吾到放開日都要ready行動...
妍妍見消防員serious的樣子, 又有人不停叫我們參觀者讓開, 氣氛一點緊張...  妍妍話好驚呀...

"Bye Bye 消防員, 加油, 努力呀!!"

就係咁, 就少左兩架車比人排....

小小消防狗頂帽, 一度比小朋友攞左來戴, 吾怪得隻狗個樣咁慘...

真的消防摩托 和 ambulance 都好長龍, 我地唯有繼續影底B版...

進入消防局內的空地看舞蹈表演和玩攤位遊戲, 見空前盛況咁多人.... 吾好理咁多, 見人龍就排啦.
問前後的排隊家長~"請問排緊乜呀?" 佢地通通都答吾知...

估吾到仲有消防船展覽, 相信之前的其他消防局開放日沒有的.

爸爸做代表排隊, 妍妍同小寶跑去海堤邊看消防船

又是人龍噢... 吾知排乜? 我地咁樣影兩張算!
妍妍都幾有觀察力, 佢問船頂紅色果支係吾係射水架?  媽咪估係.

返來啦, 有"阿乜水"丁字腳表演唱歌. 妍妍今天真係心情大好, 吾理是噪音, 佢都聞歌起舞.




終於排到我地啦!!! 原來係模仿angry bird的遊戲

小寶 ~ 我射!

妍妍 ~ 我又射! 

之後, 妍妍不停話~ 其實爸爸你吾捉著我隻手我都識射啦! <-看來佢有點後悔無自己出手...

拿左小小拍紙簿奬品, 已向小朋友交差. 大人叫著走囉~~


臨出門口, 路經禮品換領處, 媽咪輕描淡寫的叫妍妍拿張遊戲紙去換禮品(要儲6個印先有, 我的只得一個印), 工作人員哥哥拿著妍妍張遊戲紙, 無奈的笑著, 然後照送出禮品一份. <-哈哈!! 多謝哥哥的體諒, 年紀咁細要排6次長龍好苦架嘛....  於是, 一不離二, 小寶都有份!!

我們到此一遊, 一小時內 影左相, 玩左遊戲, 攞左禮品... 快速完成! 正!

土瓜灣小山崗 [3歲半]

一瞓醒, 妍妍少有的話要去飲茶, 又真係好努力的食左好多點心喎!!


媽咪病左兩天, 今天回復些少氣力, 好想妍妍可以行行山keep fit一下. 但媽咪又未能應付認真的遠足... 突然想起家前有一小山崗, 近近地讓妍妍出下腳力吧!

一向以為只有區內晨運客會光顧這小小山崗, 原來這小山崗上建有很多康樂設施.


由靠背壟道樂民新村旁的一行長樓梯拾級而上, 氣來氣喘時, 就能抵逹 checkpoint1 靠背壟道遊樂場 <- 只有兩隻騎馬仔和一失修藍球瑒

再氣喘多幾行長樓梯, 又到達checkpoint2 馬頭圍配水庫網球場 <- 估吾到咁難到的地方都有人來打網球??

阿女今天氣力十足! 上到check point 2 都無氣喘 & 摟抱

Happy 行山 Family

土瓜灣樓景


我地再向爬, 吾知終點在哪? 同妍妍一起發掘那處聽聞能看到煙花的山頂.

到逹check point3 山頂 - 原來就是何文田的景觀.
看到好多行山人士自種的植物. 今日妍妍學懂Aloe的真身.


落山時, 終於叫抱抱. 不過佢都能自己完成. <- 叻女!


下山後, 去小童群益會玩一陣

仲撞到May姨, kit姨, vivian姨佢地, 同謙謙玩左一陣.


再到勝利小廚午餐, 估吾到家附近都可以消閑一整個早晨. 節目仲健康有益 合小朋友. 


餐後媽咪錫身, 回家午睡, 爸爸獨力帶妍妍去中央圖書館 + 尖沙咀 遊大運

尖沙咀碼頭何時出現咁多白鴿?

妍妍衝埋去, 白鴿+鴿糞滿天飛....!!!

親子健行(十三) - 鹿頸至尤德亭 [3歲半]

今日天氣比預期的熱, 差不多全程都有日照, 小朋友由早上到達粉嶺時(12度)穿上5件衫, 在行程中越脫越多, 到尤德亭時只除剩一件... What a sunny day!  

今天行程
10:30 粉嶺火車站
11:00 鹿頸士多吃午餐
12:00 起行至尤德亭
16:00 回到士多

線路参考: http://www.traveler.com.hk/route/route10.htm

小巴下車處就在[BB開心士多] ~ 鹿頸的地標, 車隊經常成群成群的聚集在此.

今日吾玩野餐啦, 我們兩家人就在[BB開心士多]先來個brunch. 稍後回程再在此吃tea.

今日是少有的和暖冬天, 狗狗也來曬一曬. 妍妍話佢似豬多啲!!

黃屋村外的河塘風光

黃屋村的頑童

我們在黃屋村前虛度了不少光陰...

終於成功離開黃屋村... 沿著鹿頸路向前行

一個充當攝影司, 一個擺POST任影, 好合作下. 

carson影到幅滿意的照片, so happy!

沿路田野風光

玩下吹毛毛草

"蝦"下毛毛蟲

此時才發覺行錯路, 回頭走呀....

正確的路應該是 過了黃屋村後的分叉位轉右上山.

看到地標~倒塌大樹, 就沒有錯路啦...

兩隻小鬼過隧道 ~ 又覺得好好玩喎...

自上星期發過高燒以來, 妍妍一直話攰, 日日摟抱吾肯行... 今天竟有意想不到的表現, 佢撿到一樹枝, 一邊玩想像遊戲"遙遙船", 一邊拿著它默默耕耘一直行上山, 8,9成的上山路都是由自己完成, 很捧!
唯獨媽媽有點胆心, 因今早給她量體溫出現一點異常(36.9度), 好彩今天佢都有出汗 (如果出不到汗, 就多數會起燒). 


頭段都是比較易行的路

中途一節路比較爛和多大石, 坡度不算太斜, 還好.

兩隻小朋友中途寬剩件底衫!  今日真係好熱, 如果穿短袖T-Shirt更適合.

Break 一 break.

Happy 行山 Families

終於到達尤德亭! 一個很寛敞的大亭!

眺望沙頭角海 和

鹿頸的村郊景觀

我們逗留了一段頗長的時間, 吃吃茶點, 爭下玩具, 遊戲一下... 才徐徐下山, 沿路返回.
兩個攰小孩例牌於回航時都要摟摟抱... 通常大人都會應允, 抱一陣啦, 因為趕時間走嘛....

回到黃屋村, 發現可愛的肥肥狗BB在吃奶.


回到士多吃下午茶, 奬勵兩隻野食甜筒啦!


這裡回顧我的其他親子健行線路