環保媽媽 [11個月大]

最近媽咪做左環保媽媽, 實行天然, 健康, 環保又慳錢.
以下是媽咪的開心大發現

尿布
好的尿片干爽度可能比尿布更好, 但因為尿片的吸濕珠珠始終係化學野, 醫生話吾排除皮膚會因此過敏. 所以我反複尿疹吾好而轉用尿布囉.
其實原來比想像中簡單, 搵一盆水儲住用左的尿布, 落少少bb洗衣粉浸住, 每晚只係開一次機, 一d都吾麻煩. 同真係慳番好多錢.
方間有好多新派尿布, 買一set番屋企要成$2000(比起尿片還是值的), 還要made in china, 但媽咪怕"防漏"反而會焗身, 結果買了傳統的紗布尿布先試一下, 台灣制信心大啲, 用落又幾好噃.  (都有用Gerber的尿布,結果係台灣的好用啲)
平時喺廳玩時, 就只用尿布摺成三角形,加上一個Y形尿布扣, 尿大督時係會漏的, 咪抺抺地囉, 反正姐姐吾介意.
當瞓教或落下街時, 就將尿布摺成m巾樣, 加一片尿布紙(隔下水), 再穿膠尿褲就吾會漏.
每次尿左, 我地去洗pet pet, 吾駛用vaselin, 連思詩樂同vaseline都慳埋.
去街街同晚上睡覺就用番紙尿片囉

依加我已經無尿疹了, 媽咪就稍改變一下, 趁夏天實行早啲開始同我戒片. 屋企已經買左多條戒片褲啦.
每個小時我還未尿尿時, 就去馬桶shu shu. 我因此又學懂兩樣野啦. 1)識shu shu係乜, 2)苛完後我會打開兩隻手板, 望住媽咪, 示意"無喇"

據環保團體称 一個bb成長時所用的紙尿片足以複蓋一個足球場, 且要500年才能分解. 還有, 包在尿片內的糞便無經處理,在堆田區會滋生細菌. 真係破壞環境得緊要.
媽媽話好後悔吾早啲用尿布.

洗衣球
一路以來媽咪用的bb洗衣粉, 雖說是"天然"的, 但總覺得始終有點化學成份, 而且bb洗粉真係頗貴, 加上轉用尿布開始洗粉用得超快, 便試試這個"碧濤洗衣球", daddy mummy相信這個科技是work的.
http://www.well-tec.com.hk/php/big5/index.php (hsbc禮品集賣得平d)
洗左兩天, 暫時發覺同用洗衣粉無異, 我衫衫上的飯菜漬一樣洗得到. 我地好buy!!

Hipseat
我的體重一直以來都位於正常範圍的95%介線, 現在24磅了, 媽咪用的揹帶還頂得住, 但dad mum雙肩同條腰就吾多掂, 於是找到一條Hipseat, 解決晒負重的問題, 而且夏天吾駛揹住貼埋身咁熱. 真係好好用架
原裝正版是 Hippychick Hipseat, 成500幾蚊. 吾買!
買了這個袓國偉大番版再改良版本, Mamiyani Hipseat $135. 手功不錯, enhance左加了一條護肩帶, 小前袋 和 防水功能. 媽咪話正過正版好多. 依加喺屋企簡單抱我都用佢, 二頭肌吾駛咁發達, 抱到吾願放手了.