op之威威天地 [14個月26天]

自從買左金咭後, 去海洋公園竟然會成癮, 三個星期無去, 就好掛住panda.
(其實只是爸爸媽媽掛住妍妍的歡樂面孔吧)

進場即見到醜怪的爆龍
我的審美眼光比較獨特, I love you, 爆龍!

噢! 至愛的da da!!

今日都係瞓醒覺才出動, 心情當然愉快啦

第一次去威威天地, 進入即見最殺食的旋轉木馬

睇住木馬轉轉轉, 連排隊都分外高興, 寄盼著騎白馬的情人?


坐上白馬上, 不停叫著"馬馬...轉轉...", 很High呀!!

等左好耐, 仲未開馬, 三分鐘熱度的我, 叫住要坐隔離果隻!

突然, 馬馬會行嘅? 有點奇!!

有點驚?!?!

行快啲! 行快啲!

單手騎我都吾怕!!

完場時, kiss 馬馬一啖先

估吾到ocean park都有最傳統和最保證受歡迎的playground, 好大吓噃.
爸爸去排隊, 我爭取一分一秒, 去肙山窿 同 sir滑梯先!

昇空奇遇!

坐上這個南瓜車, 我點會乖乖搏好安全帶吖!

見隔離有個pumkin升上黎, 有個小朋友噃! 我向佢揮手!

"轉...."

小朋友慶祝halloween, 點會有驚嚇場面? magic南瓜屋內就是這般可愛

賽車好手

原來星期一的公眾假期沒有哈囉喂, 今日竟然到7點幾都未收場! 探埋da da先走

我學識左"da da食菜菜"

我識行啦... [14個月3周大]

1,2,3,4,5....... 嘭!

好一句"姑媽比豆豆" [14個月20日大]

姐姐報告妍妍的第一句complete sentence終於出現了

話說姑媽比左兩罐baby food妍妍, 里面有好多青豆, 妍妍愛上吃這些豆豆.

今天突然自己望住罐baby food講: "姑...媽...比....豆豆"
(不要少看食物的威力!!)

真係估吾到第一句說話竟然係關乎好耐先見一次的姑媽!!

真係要多謝好好人的姑媽啦!!

人生第一次~~面試 [14個月18日]

人生另一個第一次了~~ 就是pre-nursury面試!!

我就若無其事啦, 爸爸媽媽就有啲啲緊張 禮多人不怪, 前一晚喺櫃桶底搵番件suit出來試... 爸爸的西褲仍然啱著, 媽媽則驚訝點解係7碼嘅?!?!...... 趕吾切買, 唯有格硬著...

早上坐的士時, 爸爸和媽媽仍在互相禮讓~~"你in啦!!" "妳in啦!!" "妳in好啲" "你熟書啲"....
8時45分的士到達九龍塘啟思門口...
嘩?!?! 明明interview信約好9點, 點解仍要排大隊???
門口的職員叫一位家長先帶小朋友去戶外的操場玩玩, 另一位家長排隊比錢.
咁多人, 位位$30大洋 都幾好賺噃!!

爸爸比完錢剛好9時, 不知不覺間我落在爸爸手上, 就由爸爸陪我進入面試場...
面試場係一個很嘈的活動室, 氣氛就好似sam sir的動感運動室, 聲音好散亂&disturbing, 有很多玩具, 室內大約容納8位小朋友和8個家長, 不停流水作業的出入, 老師呢, 則有2至3位.

我一進場便感覺好嘈, 心情已經麻麻地, 拿起了一個"牛油果"來shake shake, 見悶悶地便執其他玩具玩, lego, 彈琴, 生果... 玩呀玩...
過了約15分鐘, 終於有位姐姐過來招呼我
"妍智, 你好嗎?"
我吾理.
"可吾可以握手呀?"
我吾理.
"give me five?"
終於撃了一掌!!

姐姐攞起了我剛剛棄掉的"牛油果"喺我面前shake shake, 我無興趣理.
"比你玩吖?" 我繼續吾理, 連眼神接觸都無, 繼續玩手上的電話...
個電話有好多粒制, 我好努力按, 但同屋企的吾同, 我按吾到出聲, 面容開始變得蚊蚊地

姐姐問爸爸: "識講野未呀?"
"佢識講好多野呀! xx, yy, zz ...." 爸爸盡量晒冷...
"雙音字都識架, 好似baby, good morning, 姑媽, yy, zz....." 爸爸盡量晒冷...
"平時邊個湊多啲?"
"工人姐姐" 這個時候爸爸只想我盡快脫離部電話, 忘記了sell下自已有involve好多時間比囡囡... 
爸爸引導: "妍妍, 不如炒餸吖"
我見炒餸咁吸引, 轉移目標... 炒呀炒...
跟住我指住要炒左邊小朋友既玩具, 大聲"ng", 又指住右邊小朋友既玩具, 再大聲"ng"
"佢都有要求喎!"
爸爸~ ~ ~ "係~ 呀~~"
我用匙炒起了件玩具, 主動申手比隔離個小朋友食.
"比我食得吾得呀?"
於是我炒起隻匙比姐姐食, 爸爸這個時候松一口氣了

"如果上午班滿晒, 會考慮下午班嗎?"
"都可以"

姐姐向我say "bye bye"
我眼定定望住佢
"比姐姐抱下得吾得?"
我申了雙手, 欲向前傾.. 都係吾好, 縮沙!!
爸爸補飛 "同姐姐kiss bye好吾好?"
我便飛出一個加分的香吻!!

整個面過程約10分鐘.... 爸爸向媽媽滙報我的表現~劣

跟住, 9時半有家長會, 校懂講下教學理念, 爸爸好認同, 好想可以入到這間學校... 可惜100個N1位一共有1700份申請, 17爭1...  真係好微噢!!

唯有等一個星期, 看有沒有奇蹟吧!!

爸爸自我攰勵, 當攞經驗吧!!

八B同慶賀中秋 [14個月大]

今日有一個好特別的event, 就係8B齊賀中秋節, 所以今日連踩兩場, 攰都吾計!

第一個設計比bb玩的節目係~~ 紙杯捉乒乓

反而對這個"拍拍手"好感興趣. 小研智都係噃, 吾好搶野呀!

michelle姨姨再教我地做七彩月餅

咁靚嘅月餅係由 面粉同顏料做出黎架, 我一邊食"咖哩包包"一邊猜月餅

睇下我嘅作品啦! 哈哈

食飽飽, 同小朋友一齊去踢波

掙下玩具

狂風掃波波
最令所有baby興奮的, 一定是打波波! 仲要有好多好多波波一齊打, 要做到最混亂的狂風掃落葉效果為之very good!
e? 喬喬快啲起身啦!

厘個tent有啲窿窿, 可以收理啲波波, 好鍾意噢!

趁爸爸媽咪食mom mom, 我去同其他小朋友玩下先
當然久不久都要叫住: 爸爸!! 爸爸!!

成功地搶左個月餅罐啦, 我就攞住個罐爬去搵媽媽煲臘
今次叫下: 媽媽!! 媽媽!!

banner照

眾媽加b照

眾爸加b照

爸爸一聲號令: 陳妍智舉手!

幾時都係爸爸厘啲絶招最令阿女開懷

之後我地一齊去露台賞月, 令我學識左乜野係moon ^_^
到大家出動的散步環節時, 我已經頂吾住, 極速喺小巴度瞓著左了.


今天好多謝好朋友MIM的準備, 做左好多事前功夫, 搬左成間屋(的玩具&道具)過來, 知到transfer咁多野過來仲要湊住bb, 真不是一件易事, 真係好有心的搞左咁好玩的party! 超讚! support!!!