最近喜歡的說話 [16個月18天]

一向媽媽問妍妍要a或b, 以前的她一定跟口水尾, 會答要後者
最近則愛 好興奮好大聲的答"全部...", 罷明玩野, 比妳激死!


自從懂得數1至10之後, 媽媽每次問"厘度有幾多隻xx?", 妍妍都會好有心機逐隻數.
最近練精學懶了, 只會好興奮好大聲的答"好多...", 邊個同妳玩呀? 比妳激死!


最近"暈低"都成為左口頭禪~
自從妍妍懂得行, 去到何文田的室內playground都會癲狂..仆..跌..跑..走..碌.., 毫無避忌. 某日同妍妍去玩時, 佢指住媽媽命令"媽媽, 暈低!" 媽媽照做~ 暈低在地上. 轉個頭來妍妍再叫 在旁觀望自己小孩玩耍的aunty "姨姨, 暈低!" 三吾識七的姨姨竟然照做. 然後姨姨問番妍妍: "妳呢? 你又暈低啦!" 妍妍馬上bang在地上, 然後笑不停...
很好人的姨姨噢, 竟然跟妍妍一起傻! 

丧玩何文田playground

最近愛講"攬住"~
每晚妍妍都愛攬住至愛的fox公仔入睡
昨晚, 口水多多不停講野
"fox...瞓覺覺"
妍妍把fox放在枕頭上
"妍妍...瞓覺覺"
講完自己瞓下來, 瞓在fox旁邊
"妍妍...攬住...fox"
講完自己申手攬住fox公仔
然後指住媽媽說:
"媽媽...瞓...覺覺"
媽媽照聽命令, 瞓在妍妍旁邊
"媽媽...攬住...妍妍"
媽媽照聽命令, 攬住妍妍
....靜止了一會...
妍妍指住天花板說: "熄燈"
媽媽從未向妍妍說過這樣次序的指令, 阿女竟然能陣述出有文有路式的東東, 好有組織噃, 媽媽讚!

就是最近愛講的"攬住"