面試6~大有進步 [17個月9日]

事前:
這個weekend媽媽要番廣州考試, 而之前的整個星期又感冒, 爸爸每天當夜同妍妍瞓覺覺足足一星期, 好大對熊貓眼... 辛苦晒爸爸! 更加吾駛諗有精力陪女去公園, library, 去街街啦... 星期六要interview了, 妍妍困左喺家一星期, 會吾會變回一個又呆又shy的小朋友呢?


今天去九龍塘基督教中心幼稚園面試, 媽媽身在廣州, 爸爸獨力帶女上陣
媽媽在考試前收到爸爸電話 "妍妍表現好好, 即場收左, 阿女都得! 妳都要努力呀!" 媽媽大為振奮! 亦都順利過了關! 8年抗戰終於完成了 


面試經過:

爸爸安排妍妍瞓飽一小時, 提早一小時到達學校.
帶妍妍四圍玩, 入去課室玩玩具...爸爸不斷在interview課室門口在妍妍耳邊um um沈沈... "你見吾見到裡面個姨姨啊? 你要認住佢呀? 姨姨好好人嫁.....姨姨會送balloon比妍妍玩.... 你要同姨姨say hello呀....問你叫乜名你要答妍智呀...." um 足一個鐘.
3:30pm到423號佳麗陳妍智進入試場~

老師: "你好嗎? hello好冇?"
妍妍向老師揮手說: "HELLO"  (面試時同老師say hello才是第一次) ~ 加分
"你叫乜野名呀?"
"妍智" (爸爸surprise佢會講比老師聽) ~ 加分
"隔離厘個係邊個呀?"
"爸爸" ~ 合格
老師比一個波波: "碌個波波比我得吾得呀?"
妍妍碌波波比老師 ~ 合格
"碌個波波比爸爸啦?"
妍妍隨手一潑, 吾覺意個波波碌左去爸爸度 ~ 總算合格
平時妍妍見波波只會dump, 多得今早去music playgroup揍巧教左碌波波!
老師比三個積木妍妍, 妍妍照做砌高高 ~ 合格
老師比一隻杯杯妍妍問: "厘隻係乜野呀? 係咪杯杯呀?"
"杯杯" ~ 合格
老師比一牙刷妍妍問: "厘支愛黎做乜架?"
妍妍未作反應, 爸爸馬上攞隻杯杯比妍妍: "妍妍可以點點噃..." (爸爸比tips~一向阿女刷牙前會用牙刷點下杯內的水)
妍妍把牙刷放進杯內攪了兩下, 然後把牙刷放進口內 ~ 合格, 不過吾太衞生囉...
老師示意妍妍做得很好, 又肯講野

到答問時間了~
"讀N1之後會否繼續原校升讀?"
"當然會啦..."
"你對我地學校了解嗎?"
"都知架, 我都有上網搵過, 知到你地...."
"你知吾知我地學校有家長會?"
"知, 家長會係由現在就讀的學生家長組成...."

interview完畢, 老師話妍妍喺當天目前為止最高分的一個
爸爸好安慰! 就算老師無讚, 爸爸都大讚妍妍當天的好表現
之後雖然上網見有些人評論這間學校是九龍塘區二線學校, 仲話佢地見人都收?
是真是假都好, 這次是妍妍6次面試中表現得最出色的一次!
反正吾駛請假, 真係不防in多啲, 由9月開始傻慐慐的妍妍到現在1月, 經過我地苦心改進, 進步了不少! 只有實戰才知道阿女同自己的弱項, 有充足時間準備迎接明年的重要一關



妍妍語錄:
最不想發生的習慣終於develop左, 就是最愛say NO...
問妍妍問題, 她一定有個default答案~搖搖頭答"NO"! 跟住才思考條問題...
even有時問"食吾食cheese?" 妍妍會答:"no"...想了一會..."yes yes yes.." 死未?
媽媽經常'鵝'爸爸同阿kat吾好成日NO, 可以用其他說話替代eg. "xx仲好啦!"
自己都承認有時都忘記了這戒條....
媽媽會繼續努力正視及嚴守~不可say no的紀律噢!