面試8 ~ 做番自己 [19個月1周]

今日10點半先面試, 做乜咁早醒呀?  心知不妙...

早一小時出發~ 的士門一開, 妍妍見到好大隻吹氣白兔, 驚呼: "嘩!!!!! 妍智好開心!!!" 爸媽打晒眼色, 掂晒! 阿女未入去心情都咁好 

入到學校就見到剛in完的喬喬, 喬喬又靚女左啦! 每次見喬喬都一次比一次靚!
當然詢問下面試情况啦. 吓? 無問題問家長? 咁奇?

媽媽去排隊, 爸爸同妍妍入學校周圍玩, 好多bubbles, 蓋章仔, 坐車車, 捐山窿...

排大隊攪足一小時... 個禮堂又細, 全部滯住等候的b... 安排得好差吓...
喺戶外行行走走玩得太耐,妍妍這個時候開始....

keen mind的面試又有其特色, 不是一般的"人釘人", 而是6個b一齊in, 即要鬥出位囉! 真係惨...

第一環節: 坐定定聽故事
一位外籍老師攞住大圖書講故事, 故事講一隻bee周圍飛, 飛到你既ear果度...
有些小朋友好雀躍馬上指住自己ear, 這個時候在旁的老師就mark分了!
妍妍這個環節做番自己-> 坐喺度呆望老師, 不管爸爸在旁細細聲提問ear喺邊度? 妍妍仍然呆若木鷄
0分!

第二環節: dancing
老師播放輕快music, 不少敵小朋友好hyper的跳起舞來
妍妍這個環節繼續做番自己...
0分!

第三環節: 捐隧道
妍妍正常地做得到
終於有分啦!

家長的題問環節, 盡在之前已填好的questionaire度, 媽媽都認為這類詢問小朋友的生活習慣和家庭情況的問題, 該不需要對話. 咁多人掙, 確實要這樣地省時!

最尾, 每位小朋友都有一個小玲小禮物, 妍妍接過後就走了, 謝謝 goodbye 都無講

再見吧! 劍鳴!



妍妍語錄
今天叫妍妍做運動時, 爸爸跑先諗住激發妍妍一齊跑
點知妍妍懶惰自己吾跑, 手仔撥下撥下 站住叫: "爸爸加油, 加油, 加油"
幾時學識同人打氣架?