舍意行行尖沙咀海濱 [2歲1個月]

打算今天去太空館睇5點場的"海底世界", 曆時一小時, 挑戰一下阿女的定力!
可惜媽咪今天飛埋的士4:50到達太空館時, 5時的票己售罄

於是媽咪同妍妍兩個人行行尖咀海濱, 經過小販擺賣檔時, 有一木刻藝術家不斷拿來自己的藝術品向阿女show quali, "想吾想睇呀?" 妍妍好似同伯伯有交流一樣, 回答之餘, 亦好留心睇佢的demo ~ [花生內有花生] <- 伯伯開了好多層花生殼後, 終於見到兩粒花生, 妍妍攞左喺手, 想放落口... <- 傻女! 吾食得架! 都話係木刻品黎架... 伯伯都笑佢, 順便讚自己的作品超像真!

跟住, 妍妍少有的自己完成整條星光大遁! 全靠地上的手印.
有大雲全程遮住個太陽, 海風輕吹, 同阿女喺金黃色的海濱starbuck食埋個tea, 真係人生一大樂事!!  

只是欠了病中的爸爸...

攝於星光大道旁的商店內


妍妍語錄

過了兩天, 爸爸好番無事啦!! 這晚陪妍妍瞓覺覺, 兩父女在床上融融細語...
妍妍: "爸爸你好番未呀?"
爸爸: "好番啦"
妍妍: "爸爸你發完燒未呀? 食左藥未呀?" 
爸爸: "吾駛食啦"
妍妍: "可以抱妍智未呀?"
爸爸: "可以啦"
妍妍發出嬌嗲的聲音: "NG... i love you!" 攬實爸爸

爸爸即時死左...............lumm....死.....