2010長隆之旅(一) [2歲2個月]

上回6月因天氣太熱不能成團, 今次recall長隆之旅, 4個家庭一齊出發!

行程計劃
星期六
早上9時15分 坐榮利直巴 太子去祈福新村, 約3小時車程 [套票$800/11張車票]
1) 祈福新村午餐
2) 餐後check in 4房2廳別墅[fr lifeABC.com RMB1100/晚]
3) 祈福農莊/千色園/祈福湖
4) 祈福藥膳坊晚飯
5) 長隆大馬戲 [fr 淘寶網電子票 RMB150/張]
星期日
1) 長隆酒店自助早餐, 餵餵白老虎 [成人RMB98, 70cm以上RMB55, 另加一]
2) 長隆動物園 [fr 淘寶網電子票 RMB150/張]
4時半包12座瑞豐商務由景區直接返皇崗, 90分鐘到關口 [fr etrip86.com RMB800全包]

星期六巧遇妍妍學校open day, 爸爸想返去走一轉, 與阿女一起參與這個學校嘉年華, 令佢對學校有更多歸屬感. 所以遲啲先上大陸, 其他三個家庭先行.

LH預備左好多精彩環節, 但妍妍當天竟然有點抗拒返學, 尤其叫佢入自己PNB班房, 連老師都吾想見到... 不過去其他班房就OK, 願意參遇佢最喜愛的畫畫同跳舞.

之後坐12:15分太子直巴上番禺, 午餐只是3件三文治, 不過妍妍已經好滿意, 最鍾意食麵包嘛!

妍妍好鍾意坐大巴, 仲成日玩個窗簾

到祈福時下著雨, 爸爸先跳落車拿行李, 媽媽抱著妍妍然後下車. 隨後的一位好心姨姨見媽咪論盡又未有雨傘, 便同媽咪講: 落雨喎! 妳抱住小朋友小心啊! 有無遮呀?
點知媽咪還未回答姨姨時, 妍妍竟然快快插咀: "落雨 我吾驚!"
後面的姨姨哈哈大笑: "啊! 妳咁叻呀吾驚呀? 哈哈..."
此舉真係令爸媽一點surprise, 似乎阿女已脫離一舊飯的階段, 雖然姨姨吾係對佢講野, 但佢知道人地的對話是關於佢, 仲開始吾怕醜插咀表達自己! 


坐RMB15非正式的士到別墅啦!! (在番禺, 去邊都係坐黑車, 請放心!) 
看來A區的別墅比較舊, 但地方總算寬敞, 阿女都好開心.

外面落雨, 取消左計劃了的祈福行程, 十月好少會落吾停的雨...  但都有野玩噃...

小朋友學打牌

廚房好大呀

爸媽上2樓看看大家已編排好的睡房

妍妍今晚瞓厘間, 一眼見晒, 就係咁樣! 哦...

再睇下佢地3個family的房...
carson睡房在3樓, 兩張double bed, 間房好大吓噃!

同樣在3樓的小寶房, 都有兩張床, 仲有露台同閣樓sofa, 嘩....

睇埋喬喬的主人套房, 有sofa電視, 露台, 浴室... 嘩嘩嘩...!!

爸爸不禁話 ~ 佢班友仔吖...吾係人黎架....
鬼叫你遲到咩....下次請早啦....

call車RMB60到祈福醫院的藥膳坊

最好味係 淮山蒸桂魚, 好滑呀!! 正!
水蒸雞, 幾好.
薏仁炒排骨, 酸酸地, 妍妍好鍾意.
炒田七葉, 好似食"散"菜, OK.
招排藥膳炒飯, 原來係薑炒飯, 味道OK, 但炒得乾左少少
藥膳黃豆煮黃鱔, 臭臭地, 麻麻地.
藥膳乳鴿, 濕淋淋, 又吾入味.
淮山粥 ~ 無味既食物之中, 佢已經發揮得最好架啦! 讚!
好評如潮的藥膳坊 今次只評OK. 可能今次叫吾中>_<  埋單RMB360
後來聽說厘間野最特別是各式各樣野菜, 巿面叫不到的.
對於爸媽來講, 好接受任何怪口味同特別的東西. 但其他人呢... 好似無乜食野咁噃...
carson爸仲走埋出街, 用左一個去洗手間的時間, 食再件pizza番來...

埋單時, 爸爸舉手叫: "吾該埋單!"
妍妍馬上response: "吾要埋單, 要埋UP!"
阿女, 妳做乜學人搞爛gag?!?!

喬喬, carson, 小寶 齊齊去睇馬戲, 因為妍妍無瞓過午睡, 吾去clubhouse玩啦, 同妍妍番屋poo poo, 沖涼, 早點讓她睡. 爸爸就同carson爸出去dup骨.

大家睇完馬戲, 異口同聲叫精彩! 仲食埋宵夜先瞓覺, 配服各路小朋友!! 咁捱得!!

大家早晨啦!! 
看來只有我地大讚間房空調適宜, 妍妍一覺10小時無醒過!!
我地間房原來係最好, 多謝大家! 呵呵!!

人齊等出發, RMB60到長隆酒店

兩個小朋友玩腳板底

BYE BYE 中國祈福新村! <-從此, 妍妍番到香港後, 成日話要去中國祈福新村

我地當中, 有三個families都未去過長隆酒店. 入到lobby, 大家異口同聲話搵次要住下. grand到呢... 好似去左Las Vegus.

吃早餐buffet的餐廳, 有flamingo架

flamingo, 你條頸會吾會斷架?

仲有白老虎. 詢問後, 原來無得餵架... 但都收RMB98一位, 仲要加一同收埋班豆丁, 吾係好抵... 不過吾想走來走去, 是但啦. 結果又食又攞, 仲飽到午餐都吾駛食, 算回本.
喬喬family最有品, 最離譜就係我地啦, yogurt, 糯米雞, 蕃薯, 生果通通打包...

妍妍一度表演"食野"比姨姨佢地睇! 特別之處在於其驚人的大食程度...
妍妍食菜時, 兩個姨姨好似睇珍禽異獸咁, 用相機捕捉其食相... "嘩...佢食菜呀..." 影呀! 影呀!!


等酒店shuttle去動物園, 周圍玩下...

喬喬個樣真係天生有氣質, 靚靚女女, 斯斯文文(翻枱時另計), 相對妍妍...
(無法...遺傳左阿媽的wild)

菊花菊花幾時開? 一月吾開, 二月吾開.... X月開!!
兩位女孩子好鍾意玩厘個遊戲! 男孩子們就破壞氣氛喺度肙山窿...

15分鐘後上得車啦!! 待續...