2010 Halloween [2歲3個月]

又有派對啦! 妍妍最高興!
2歲的妍妍開始識性, 所有節日都似初認識一樣, 很有新意

剛從大嶼山宿營回來, 就去了隔鄰會所的halloween party,
有得玩有得食, 有些勇趟鬼屋環節就嚇得驚驚地...

halloween party 玩遊戲得到幾份奬品, 其中一份係 [骨骨筆].

今晚就渣住厘支筆, 渣住張紙, 突然叫 ~
"陳慶勇到左未?" <-咦? 扮老師點名? 有新意噃
爸爸連忙配合, 舉手叫 "到"
然後妍妍在紙上劃了一下.
"陳玉雯到左未?"
"到!"
再在紙上劃了一下.

然後滿心歡喜話: "點完名喇! 老師收埋落櫃桶先!"
跟住摺埋張紙放左落爸媽個內衣褲櫃桶...


之前星期五, 學校都有halloween party, 個個同學仔扮到鬼五馬六.

小精靈是我的造型

放學時有家長讚我得意, 要求同佢個囝囝影張相
我沒有一點矜持地 自動撓住哥哥手臂, 投懷送抱般... 頭仔ai晒落哥哥膞頭影相.
一個lum樣...