露營初體驗 [2歲8個月]

一星期前, 天文台預告周未好天. 又忽然找康文署有乜活動, 見到創與水上活動中心搞的[天文觀察營]仲有10個位, 胆粗粗想同妍妍試一次最簡單的露營, 竟然uncle Steven n 同事uncle Dairy都話有興趣, 可惜報名時只報到一個家庭, 於是4大2小齊齊入camp!!

Camp前幾天, 每天都講露營的事比妍妍聽, 仲喺房內掛住棧營燈, 妍妍好心急快啲可以去.

camp前一日, 巿區晚上最低氣溫18度, 看過北潭涌地區氣溫竟然得12度!! 仲要forcast 幅射降臨 ...  沒有四面牆阻擋一下... 唯有盡帶阿女的羽絨褸抵下寒, 會吾會被幅射曬親? 就吾理得咁多啦. 無即時痛楚就當無事發生啦

星期五晚7時入營, 爸爸例牌請半日假, 揍妍妍去西貢. 連steven叔叔都隆重視請半日假. 一起在西貢惠康shopping.

爸爸同妍妍在碼頭的小舢板惠顧了超巨型魚翅螃, $70有成10大隻

媽咪趕到甩肺後, 剛剛好上到鄧肇堅門口的shuttle bus.
shuttle bus 進入西頁萬宜路後沒有街燈, 妍妍見四周漆黑, 只有車頭燈的光照在路上, 佢不停問著 "厘度(條路)做乜野?" "點解會咁?"... ~~ "我要返屋企" 估吾到佢見到無燈的路會不安... 咁,兩個月後澳洲10天camping的wild日子點過?

到中心後, 周圍有街燈, 妍妍生猛番晒

當大家營友很專心地聽簡介會時, 我地則...

走左去 餵b食飯呀, 拍照呀, 透爐呀, 視察營地(選個最靜的位置), 再入去士多房內拿營具 ~ 4人營,地蓆和睡袋, 要幾多有幾多. 中心職員知我地熟地頭, 又帶著兩歲麻煩的小孩, 都無干預我們, 沒有多多規矩 <-大讚!

我們找到一個偏離大營地的靚位(以免嘈親其他營友), 同兩隻小鬼一齊起營, 兩隻小鬼首次贊入個營裡面, 佢地覺得好好玩!! 叫佢地幫手舖地蓆, 佢地只搞破壞, 將啲地蓆睡袋亂咁dum, 尖叫狂笑...

後面的營友在起營時, 我們己經起好晒, 好嘆地開始BBQ啦!! (今次只得我地一枱BBQ, 奇怪... ?!?)
營友們起好營就去晒觀星活動. 當晚天朗氣清, 看星一定十分理想. 但我們只顧眼前食物, 完全無參與過觀星環節. 
因為今年中心旁起了個天文公園, 可能現在的觀星program已改去那處舉行, 應該會有番新意. 下次一定要去參與一下, 看看妍妍有沒有興趣.

兩隻小鬼在BBQ時 不停玩營燈, 玩電筒, 走來走去, 洗洗手, 餵野貓...
玩到11點半, 兩位媽咪終於帶兩B去瞓覺. 再留下兩位麻甩佬繼續燒, 談談心. 

12時, 妍妍頂吾順很快入睡了, 估計carson12點半都入睡.   

有先見之明, 兩個營己經稍稍拉遠, 怕左兩小孩和兩男人的交嚮樂會嘈到對方, 但始終...
2時多, 妍妍第一個扎醒 ~ "鼻塞呀...鼻塞呀... 我要返屋企..." <- 阿女, 你吾好玩啦? 依加點返呀? (厘一星期, 妍妍每晚都有鼻敏感).
跟住就聽到carson的小摟計聲, 同uncle steven的抽煙聲... <- 吾好意思, 嘈醒你地... 不過, 你地都應該預左架啦??

之後, 爸媽於每小時都會扎醒一次, 有時妍妍踼來踼去, 有次是carson的聲音, 有時是聽到鼻鼾聲, 有兩次係其他過路人發出的聲嚮... 即這夜大家都睡得麻麻.... 好彩臨天光前, 大家都瞓到連續的兩三粒鐘.  亦好彩阿女只於兩點幾時摟過兩次, 之後再次入到睡, 一覺到7點半. 同平時喺屋企的睡眠質數差不多.

這一夜, 沒有大風聲, 營內氣溫迴於20度, 實屬perfect!!

看, 妍妍都不用蓋被子.


7:30am Good Morning!!!

原來我地扎營的環境係咁靚
(不過太近天文公園的後門閘口, 不時有人出入... 下次要選另一個地方)

去探下飲奶奶的carson

happy camping family

在草地上齊來晨運一下, 追bubbles...

踢波波...

早餐時間


參觀一下中心設施和環境

Uncle Steven 極讚這個中心乜都有, 24小時冷熱食水, 微波爐, 雪櫃, 餐俱, 汔水機, bbq場亦有洗手水候.... 一應俱全, 地方乾淨又無蚊. 兩手thing thing入營就得! 

每營友都派發一堆水上活動的coupon.
$50/位的營費, 包車, 包過夜, 包觀星導賞, 包埋翌日日營活動, 去邊度搵?

簽埋落水聲明(阿B能游50米<-), 我地就向pontoon出發

沿路見 天文公園

視察過4人水上單車, 吾會反, 吾會濕身, 馬上下水!!

妍妍穿上助浮衣好開心, 佢覺得自己好Robot

好高興 任影

Carson則有點穿衣障礙, 佢一向只喜歡thomas衫...
噢, 厘個阿媽格硬來, 搞喊阿仔, 個樣仲咁輕挑.

Carson著好衫都無事啦(無計啦), 一起出發啦!!

Happy 踏水上單車 families

執左Carson佢地的船頭繩, 妍妍話好似拖cc去街 (家中的狗)

之後擺阿女喺船頭自己坐, 佢仲高興, 亦都好discipline叫佢吾亂郁佢就無亂郁.

舒服晒

玩到吾願上岸

踩左半粒鐘, 上岸時仲得意洋洋, 好精神

於中心內周圍行下

看Carson氣定神閑, 妍妍則不停叫救命怕高.... <-邊有小朋友咁細胆?

現在觀星補番數


去中心外的防波堤行下

令人感到閑息的環境


天文公園

日規的使用方法 ~
踏在現在所屬月份, 沿影子投向的白線申延, 指著11字 <- 我們驚嘆超準!! 現在正是早上11時!!!
還有其他儀器...

坐樹又驚...

11點外面已經超熱, 我們躲回中心. 詢問過 原來12時半有shuttle bus, 一於在中心內磨多1.5小時... 慳番程的士錢.

正搓度著時間點過好呢??? 
突然想起我地可以借一些棋, 於是媽咪貪心得 一次過借晒以下...
....
....
....
....
........

個半小時, 邊玩得晒呀?

兩小B熱愛康樂棋

中心的主持人不時走過來聊妍妍同carson講野, 她label左佢地叫做"兩歲". 成日問: "點呀? 阿兩歲..." 可見 其實中心很少有這麼年青的來客.


走時, 車子路過 咁美麗的海景+湖景+水塘景...

好唱遊feel

午餐來到西貢巿食街內某間泰菜餐館, 好好味
鳳爪沙律, 炸3寶, 冬陰功, 海南雞飯, 蝦醬炒飯 全部都好好味

坐小巴打道回府, 妍妍同Carson即時冧左



今次露營初體驗, 天氣一流, 地點一流, 設施一流. 好啱小B們玩, 比五粒星 . 妍妍到郊外走走, 曬曬太陽後, 連纏擾左成個星期的鼻敏感都無埋 . 一定要encore!

當然大人要預左瞓得無咁好, 好似我地兩老, 回到家後馬上死左3小時