廣東綠道廢族遊

一個月前上discuss.hk見有人搞廣東綠道單車遊, 想看看是怎樣的一回事.
對單車沒有認識, 只經過1小時操練的爸媽, 於一星期前買下兩架Dahon HT060入門級小摺, 少有地掉下可愛的女兒, 便胆粗粗的出發了!!

行程:
Day 1:  中山市 -> 綠道 -> 江門市 (40公里)
Day 2:  江門市 -> 新會 -> 珠海斗門區 (80公里)
於深圳包大巴出行, 每位夾車費HKD260

當日(復活假第一天)於福田口岸集合, 早8時半已見人山人海...

結果很多人失晒預算, 遲到了個半小時, 10點才人齊.
見啲師兄師姐們full gear + 左改右改professional bike!! 預左來見識見識, 請大家射住射住!!

30人齊出發了. 復活節假太旺, 租車公司只按排左架細巴比我地, 搞到車底放吾晒, 有10架8架車要砌在車箱內, 差啲無位坐... 

搞手Rocky師兄身手敏捷, 說話爽快, 更能洽當運用助語詞!
從未見過咁爽的領隊. We like his style.

昨晚被女折磨了兩小時(<-平時又吾見妳半夜咁摟, 爸媽要6點幾起床, 妳就喺度搞鬼... 比你激死...), 今早在旅遊巴上每閉上眼都睡得著.

12時多到達中山小欖, 求其找厘間醫肚 ~ 湘菜喎! 媽咪最鍾意!!

喺大陸食野, 好少咁吾掂....
當中最頂癮係個 紅燒辣魚 <- 辣油係五香肉丁味... 大家都認為係早上吃完了的罐頭, 用剩下來的油來煮的... RMB30/位, 是旦啦, 好又一餐吾好又一餐.

飯後整裝待發, 看媽咪的蒙面超人look, 出發啦!!

嘩... 吾係嘛!! 吾係踩 綠道咩? 點解咁多廢氣???
我地行的路竟然係汔車公路.... 持著30部單車人夠多, 在4線公路上, 遞過手便大膽橫越, 包括汔車濟迫的3線迴旋處... 成世人都未試過這樣與大車掙位, 仲要發生喺大陸... 看到嗎? 我地現在正霸住條快線!!

突然下起了雨, 大家在趕忙穿雨衣

有巴士support, 馬上call車拿防雨裝備.

這時候, 有人爆車, 走失了兩件. 大家乘機透透 (認住我倆老現在這個輕鬆的樣子)

我們就是這樣地越過行車線....

離開了汔車公路, 終於可以行下小路. 到了一景點, 是什麼古村?? 我倆老追來時, 看似剛完成了一番講說...

Happy 單車遊 傻couple

遇上某團友爆軚 <- 好野!! 又有得影相!!

來到這個站時, 已踩了27公里, 我倆老沒有耐力, 開始變為最慢的廢族.

小休一會

眾團友好幫忙, 對整車很有熱誠. 正幫忙換內胆. 可愛村dog也來幫手

又開始下雨了, 繼續上路...

上橋是廢媽的死穴....
過了荷塘西江大橋後, 見大家在避雨處齊集等候我倆[060] <-我倆的車型號.
從此以後, Rocky師兄每點人時, 只需要問 "060呢 喺咪度?" 如果見兩個廢族到左, 佢都吾駛再問其他人了....

此時Rocky師兄話: "好啦! 雨細左, 行得啦"
!! 好一句指鹿為馬的號令!! 大家都笑著繼續上路

接下來是 要命的 潮連大橋 ....

此時, 雨下得好很大!!!
自小學以來, 從未試過在在這麼大雨的環境下行出街...
在橋上風雨交加. 雙眼被雨水打到痛, 好難睜開踩車... 終於感受到酸雨的禍害...
沒有踏車技倆, bike set up又錯亂的廢媽... 索性下來推車...
廢爸就住廢媽的速度, 永遠伴隨在後面. Thanks 這背後的男人

終於過了橋, 會合了等著我們的車隊, 等到大家凍震震... <-吾好意思噢!!

聽到仲有四個街口到酒店, 豁然開朗. 但點解...又係踩極都未到既??? 廢媽雙腿已毫無戰鬥力了.

失散左一輪, 最後完成了40公里路程. 來到柏寧酒店取了個單人房(RMB198) 梳洗一番

8點到毛家吃湘菜

此湘菜不同彼湘菜, 厘餐好好味!! 食埋裝修!! RMB60/位

極疲累, 極好瞓, 廢爸媽喜歡這一晚的睡眠質數


翌日

早餐在大家樂 <-大家樂都影一餐?
大家樂本來無乜特別, 但今次特別於果兩杯清水, 有奶味的.... <-洗之前載過奶茶嘛, 大驚少怪!!

麻煩了Rocky師兄幫廢爸tune一tune部車. thanks a lot!!

今天會踩80公里(是昨天的兩倍), 將會踩真正的綠道, 分4段踩. 本來打算量力而為只選擇其中2段踩, 其他時候跟車. 但臨出發前得悉 司機叔叔話中途無得停, 佢直接駛去終點斗門. 即這個80公里的路程將不會有support. 雖然廢媽好想見識真正的綠道, 但因無信心完成, 吾想好似第一天般的特訓, 顧住吃力追人無晒旅遊的心情, 於是決定離團自己到珠海閑玩. Bye Bye!!

好喜歡厘班師兄師姐, 大家好nice好似一個大家庭, 吾會賺我地慢. 首領對隊友好好, 一定會等埋所有慢車友, 簡直一個都不能少! 下次待廢媽好好操練, 一定再來玩過.

另外同師姐談過, 原來有些單車會同樣搞這些大陸遊, 可以租車玩, 全程有support. 玩的方法悠閑得多. 作為廢族新仔下次可以試下那個. 相信那個型式更合"因旅遊而踩車"的我.


從斗門包小面到了九州港(RMB100), 開始我們的浪漫旅程 

咦? 調校過部車的座位和手柄, 樣子輕鬆多了!!


第一站 情侶路
為配合路名, 要製造些少浪漫

特別的釣魚工具

第二站 拱北粵華路 差不多是步行商業街

此時才計劃行程

於這小店終於吃到有雞味的雞, 不錯!! RMB70埋單

第三站 水灣路 酒吧街

榕樹蓋頂的酒吧街 兩旁滿是特式酒吧, 在這裡嘆杯酒, 真為人生一快事!!

接著就是長滿青蔥巨樹的下坡路, 好舒服!!

第四站 九洲城 (又名 珠海巿博物館)

4時半到達, 睇住佢關門... 

Oh.... Please!!

附近有石景山, 位於石景山大酒店後, 因再怕關門, 放棄了無上去.

第五站 珠海百貨廣場

轉去對岸的巨型shopping mall ~珠海百貨廣場內 嘆咖啡

可以隨街騎電動牛牛, 大陸小朋友真有福

向漁女方向進發


第六站 海濱公園
路過見到此公園, 憑著方向感入去八八, 可能能穿出海邊.

有個湖

有小玩意

公園好大好靚, 好啱家庭樂, 正!

"漁女啊!! 真係喺度呀!! "

珠海的車路兩旁均畫上單車線. 珠海綠道真係吾錯, 下次要帶阿女來.

淺灘上有很多漁婦拿著長描描海產, 這些婦女在漁女像下工作, 相映成趣.


第七站 珠海漁女

有段故, 自己找啦 ^_^

Happy 漁女像 傻Couple

沿路的奇石, 其中有舊大石 ~ 特區魂 <-有點搞笑!!

有很大沙灘

有好玩沙灘車 和 水上車

我們再沿情侶中路踩回九洲港, 沿路椰樹兩旁, 漫吹海風, 感覺非常正!! 

回到九洲港, 結今天20公里的旅程

回香港的船貴, 且要等個半小時. 聽聞蛇口港新開地鐵, 就買去蛇口港的船票 (RMB100/位)

這時還覺得坐船的決定是正確的, 我兩老在船上看了一絀十分好看的電影!!
另可選在拱北坐兩小時深圳大巴 RMB95/位, 則可能只有老土KTV看....(上次半小時車程的大巴內, 共看到3個KTV 都是女主角被車撞死的悲劇...)

到蛇口港時7:45pm, 無諗過這條線close左... 又要轉其他車去福田口岸, 再轉地鐵/的士, 11點才回到家.

看我們的摺車坐交通公具 幾咁方便!!


我們的珠海綠道半天遊

檢視較大的地圖 

今次出遊, 可謂驚喜交集, 第一天打水戰, 穿插祖國繁榮大馬路, 耐力長途挑戰自己... 真係刺激新體驗, 無炒車無抽筋吾死得, 好好玩!! 第二天, 天公做美, 做返自己, 閑遊珠海綠道, 用單車遊城巿 自由奔放, 吃得出色, 玩得招積! 兩個日子感受完全不同, 充實了這個假期!! 比五個正!! 

明天就要打回原形, 做番揍仔公/婆lu...  希望快啲再有機會單車遊!!