夜遊OP夏水禮 [2歲11個月]

早晨! 一早醒來, 爸爸無那那想出尖東食早餐?!?!

以為爸爸有什麼浪漫搞作? 點知我們去的只是...........[太興燒味]
爸爸就是喜歡他的冰鎮奶茶和厚多士

周圍行, 周圍坐, 消磨了這個早晨....

午餐在帝國中心的[住家菜]
估吾到厘個世界還有$40一個午餐, 包小菜一碟, 白飯任裝, 不欺場的老火猴頭菇湯, 紅豆沙甜品. 仲要喺尖沙咀區. 好抵食, 要比五粒星. 蒸水蛋超滑! 


飯後2時, 一如以往找架長途巴比妍妍午睡 ~ 208尖東至九龍塘, 坐左成粒鐘, 差點遲到...

今天第三堂gym class. 老師讚妍妍進步好大, 自己識得打跟斗. 最重要係膽量增大了, 每樣task都願意做
老實講, 全班之中妍妍係最細膽, 身手最笨的一個.... 但爸媽認為以妍妍的耐心同discipline的性格, 她將會是全班中最有成就的運動員!
今堂, 我倆老只在旁看, 吾駛陪佢玩, 見阿女又enjoy, so good!


OP搞大特價$99夜場, 6pm-10pm, 限定4個日子. 我地同小寶上完堂就一齊去趁熱鬧!

新入口!

佢兩個未入場都已經開心!

已一年無去過OP, 今次4粒鐘夜遊, 剛好夠時間遊擴建了的部份! 正!

門口大左闊左, 吾錯!

等待開閘時, 在門口都有小小水池玩下!  同食雪糕(杯底都lam埋...)!

行過新景區夢幻水都, 雖有音樂噴泉, 但妍妍無心情欣賞... 因為妍妍好怕那些震撼心弦的巨嚮... 於是叫妍妍叫得大聲過佢, 咪吾驚囉!!

小熊貓, 我很喜歡! 

也很喜歡小寶

先去威威天地!

夏水禮項目一 ~ 濕身擂台

為左阿女, 爸爸大犠牲, 無帶衫換都陪女上陣!

見有大牛龜... 爸爸被四小孩圍攻, 以一敵四的爸 還能保護阿女...?


夏水禮項目二 ~ 泡泡池

妍妍超鍾意用泡泡洗頭

排隊沖身時... 副鏡帶得吾好... 妍妍 嘩左兩聲...

玩完, 阿女沐浴更衣, 可憐爸爸則醃足一夜...

吾駛排隊, 再影一張 ^_^

入夜了的音樂噴泉

新水族館巨蛋 ~ 海洋奇觀

有生態導賞, 讚!

shark 都瞓晒覺

兒童探知隧道, 無料到....

最欣賞還是這個折射了的色彩豐富大魚缸!

令人失望的[闊銀幕] ~ 好細吓... (影出來, 還好)

新的水族館, 果然同方間評論一樣差... 多了石屎感, 所有"望魚窗"都變細了...
但夜場來講, 無晒大陸遊客, 我地又行得頗舒服, 郤令水族館挽回一點分數!


熱帶雨林 ~ 熱帶激流

爸爸同vivian姨姨吾怕濕身, 來個大冒險... 
吾駛排隊, 仲吾駛落船, 連玩兩次! 讚!

班生蕃 同 妍妍,小寶喺橋上向爸爸同vivian姨姨的船射水!! (橋上人士仲好玩過坐船)


熱帶雨林探險徑

小小的地方, 生態遊.

最後, 滴住汗等cable car....

cable car內欣賞夜景

多謝埋小寶爸車埋我地返屋企!!

新推出的夜場很捧! 夏天夜遊無咁熱!
5:45pm就放人入場, 我地玩到過晒10點!
4個小時剛好夠晒皮! 玩晒小朋友夏水禮, 行晒兩個新景區兼吃埋晚餐.
無晒大陸遊客, 全部環節吾駛排隊, 行得舒適! 正!
要讚今年夏水禮的安排, 跟往年有別, 將年青人和小兒玩樂場地分開了, 年紀少的小朋友玩得斯文, 無危險衝阻場面發生! Good!


唯妍妍今天8-11喪玩一整天..... 回家樓下時lur晒地... "我吾要番屋企~~~, 我要去酒店瞓~~~~ "  <- 阿女, 妳係吾係飲大左??? 玩得太癲的後遺症???