宿營篇@鯉魚門公園度假村 [3歲]

經過4堂手工班, 我地終於完成左個作品 ~ "我的家", 妍妍指定要做個非洲family


既然三父母子都應為體操課太流太悶, skip it! .... 馬上走第二場 ~ 鯉魚門公園度假村

話說下星期日, 我們約了一班朋友來這裡參加日營活動.
但巧遇表姨一家咁有雅興, 聊我地來宿營.... 我們今天先來探路吧 ^o^

天氣好熱...  入營時間3:30pm,  我地約4PM到達, 黃昏入營, 好彩吾熱得幾耐.

自暑假以來, 為避暑 都好少戶外活動. 今天吾理酷熱警告, 括出去, 見回藍天白雲, 心情愉快!
今晚住的25座3人房, 在小小山崗上噢...

這個營地散佈在山崗上, 周圍遊玩要走很多上下坡...
我們入營後, 先上山去第10座辦事處check in, 然後下山上山去25座放置行李, 再下山去騎術學校, 上返山玩繩網遊戲場, 再上山去coffee shop觀景台欣賞風景, 下山去BBQ, 漏左野又要下山上山回房間攞東西, 再下山上山回BBQ據點....  我們不知走了幾多上坡下坡路, 聽到你驚吾驚? 


check in 後, 馬上向騎術學校進發

下坡去騎術學校途中, 見到"馬"路牌.  "城巿見吾到架, 阿女!"

第一站, 鯉魚門公眾騎術學校

這裡可以較便宜價錢學騎馬. 另,康文署定期都會舉辦騎馬體驗日.

 

表姨book左一匹馬, 但爸媽忘了穿長褲無得玩, 妍妍又未夠6歲, 我地唯有在這裡攤透下, 欣賞下表姨策馬的風姿.

思思表姐臨場宿沙, 3歲時騎過無問題, 估吾到現在7歲反而驚驚??


心心表妹嚷住要學家姐媽媽一樣載頭盔, 於是比阿媽敷衍... 浴帽一頂!

二樓馬房不時有八卦的馬頭伸出來欣賞風景. 哈哈...

無得同真的影相, 同假的影一餐也無防.

cute cute 壁畫


營地周圍很綠化, 這段路旁長有整齊叢樹, beautiful.

成人繩網陣, 看似好刺激!


上返山去第10座(活動中心地). 
上山吃力, 一半路程後, 妍妍又吾肯行啦... "妍妍, 妳要學下2歲3個月的心心表妹啦..."

坦克車

每座building都是二十世紀初歐洲式建築物, 整個營舍好靚.


第二站, 兒童繩網陣

個人覺得最好玩係厘一站


第三站, 山頂coffee shop

山頂風景台,  俯瞰鯉魚門海景

coffee shop 外觀

坐在coffee shop內, 雖然食物只係簡單茶餐, 但景觀很美.

 

周圍行下, 學下思思表姐跳飛機


第四站 BBQ
 

canteen的燒烤包吾掂$36/位... 下次自己帶食物好啲.    大家對住個火爐都滆晒....


第五站, 三人團體營,公用浴厠($81/位, 小童半價)  另有三人家庭營, private bathroom, 同價, 今次book吾到.

除了有9尺闊床, 

有儲物櫃, 洗手盤, 電水煲, 3隻杯, 冷熱水壼外,

送多一條百足蟲!    Good nit 蟲蟲!


半夜2時聽到隔離房心心表妹喊"要姐姐", 維持十多分鐘啫! 心心妳己經好叻女啦  

基本上大家都有優質的睡眠.



Next day ~

妍妍整晚好好瞓, 可惜見光醒, 未到7am醒了...  於是媽媽陪佢出外行行

第六站, 營舍外兒童遊樂場

大清早空氣清新, 妍妍在這空曠地 學識了玩"爆旋飛碟", 飛得好高, 佢好開心.

我們早一點收拾細軟, 把行李掉進車內, 免了回頭路. bye bye 房間!!


第七站, canteen早餐

廿多元一個餐.

餐廳在山下, 吃飽又要行.

讓阿女在山間走走, 接觸下大自然, 爸媽都不介意行得辛苦 & 時不時要抱妳...

10點, 己經好熱, 於是有人又吾願行


第八站, 康樂中心.  開始要主攻室內活動, 室外活動...no way!!

兒童室內遊樂場, 一眼見晒, 乍斗...


思思姐姐去織繩, 妍妍未夠班,

我地於整座康樂中心building周圍發掘一下.

射箭/門球/, 不合齡, 無得玩...
氣墊球, 好玩, 但無位...
跳舞室, 得個導師, 無人玩既???
ping pong ball, 又無位...

終於有野啱玩... "迷你桌球亂咁督"

cute cute 壁畫 again


見家庭單車有頂可遮陰, 一於落山去單車場輪候一下, 可惜己經過了11點, 無得玩啦, 除非去出多張日營票...


最後不再tun上tun落找野玩, 兩表姐妹在樹陰下再來"爆旋飛碟"自娛一番, 反而令人閑息舒暢.

12時, 駕車離去, bye bye 營舍!



玩後感, 評為OK.
表姨comment這個場要走很多路較辛苦, 西頁外戶康樂營好玩好多, 啱細B玩多些.
這個場的特色為"騎馬", 可惜不合3歲小兒... 而夏日炎炎無泳池有點不足...
宿營來講, 康文署只有這個營和麥村設有三人營, 環境很不錯!  雖然晚間活動時一樣令人滿身是汗, 但因處於山上, 很有郊外feel 和美麗風景.
希望一星期後的日營不會太熱吧...



之後就阿女瞓覺, 無意間出左尖沙咀海運.

好靚的天星碼頭 和 維港天空.


仲一睹全球首艘全太陽能動力雙體船"PlanetSolar" 的風姿