海防博物館 [3歲3個月]

今天參加左小童群益會的[75周年維園嘉年華], 個event本來都是免費的, 中心竟然加插上午免費參觀海防博館, 仲安排了免費shuttle bus一天遊. 超讚!!
節目咁豐富又抵, 搞到休養中的妍妍和媽咪都覺得非去不可, 決定玩到幾多得幾多, 吾掂咪自行離團.

趕忙吃個麵包後, 9點3到中心點名, 然後登車, 前後搞足成個鐘先開到車... 我地少有地跟團, 跟團就係咁囉, 真係有啲吾慣...

相識的朋友有5個家庭! 大多是街坊, 住同區的!


Happy 跟團 Family!

落車後, 大家擺個型仔post!!

我地係第一次來海防博物館架!!

唯一的團相

大炮

Main building!

鯉魚門度假村就在對面山頭, 夏季時我地曾在度假村腑視過海防博物館, 今次倒轉由博物館仰望回去 ^_^

海防博物館展覽的都是香港打仗時期的事跡和物品

妍妍最有興趣看模型

和畫下畫

和玩電腦



而對其他的展覽和展品都未感興趣. 這個當然, 關於歷史的, 都要讓佢長大後學習才有意思.

出外欣賞一下鯉魚門海峽的風景, 今天陽光普照, 真係好靚!

學習一下船類

sailing boat & cruise

應承左妍妍下次帶佢上cruising boat玩! <- 其實連爸媽都未玩過...

進入防空洞前, 妍妍話驚...

睇埋 魚雷, 就上返旅遊車啦!

Bye Bye 海防博物館! 下次我成為小學生再光臨吧!!


中心好細心安排我地落筲箕灣的著名吃東西的東大街, 讓我地自己找食.
大家target最出名的那檔[利安魚蛋粉], 但人龍長得緊要, 我地過了隔鄰的一家吃, 個清湯腩豉油撈麵都吾錯架!! 好多人叫!

妍妍呢? 見佢在博物館時渴嗰包好味的士多啤梨汁都只係飲一半, 就知佢腸胃仲未好番... 果然在麵店內, 一啖都吾肯食...

妍妍繼星期五學校生日派對晚上在家嘔一大鍋後, 星期六擺食, 至今天中午胃口都未回來, 我地決定放棄下午的節目, 早點帶妍妍回家吃白粥和休息.
這個時候突然一位一起出遊的姨姨出現了, 媽咪向她說了妍妍的情況, 佢同阿女講 ~ "我地一陣間玩攤位遊戲好好玩喎, 你真係來吾到呀?" <- 媽咪汗顏...
妍妍聽到這引誘的說話後當然... lur爸媽, 佢要去玩吾要回家... 爸媽設法拒絶妍妍之時...
妍妍竟然學我地平時的口吻, 比兩個選擇爸媽 ~ "我比你揀, 一係去維園玩攤位遊戲, 一係monday放左學帶我去澳洲 !"  <-  無言以對...乜我地有得揀嗎咩?


最後因車程較長怕女會突然肚餓, 找了粥檔外賣白粥, 好似阿伯咁坐在小小公園裡, 餵佢食半碗

但原來坐喺厘度, 比起剛才人迫迫的麵檔, 舒服得多, 所以半tum半傾偈咁都餵到大小姐乖乖地食半碗 <- 厘個女吃飯成日都挑環境...

朋友們繼續行程, 上返shuttle去維園嘉年華, 我地則離團

在東大街街尾見到筲箕灣電車總站, 一個電車迴旋處, 有點得意, 我倆老才是第一次見到.

阿女當然嚷住要坐丁丁! 我地就以丁丁作為今天的最後節目了!!

後來聽christine姨姨講, 佢地去到維園都是短留片刻, 頂吾順個烈日好快走晒... <-原來妍妍今次離團都無乜損失



最後吃過兩劑中藥後, 去到星期三, 先回服胃口. 今次輕微腸胃不適(只嘔過一次, 沒有肚瀉), 結果都厭食5天, 無晒肉... 下次學校Birthday Party, 媽媽必定煲定消滯茶嚴陣以待...

A simple day with Carson [3歲3個月]

爸爸少有的insist去一些嘉年華會, 因為都係人迫之地, 但見今次[赤柱嘉年華]位處赤柱, 假日感覺強得多, 爸爸想去!
但因媽咪咳足一星期晚晚無覺瞓, 另加易攰易悶(腸胃)...
而妍妍作天學校BD Party食到腸胃不適在家嘔左一次, 決定取消赤柱project, 大家錫身一點.



Sat早上醒來又見一點精神喎!

試下call 下rebecca姨, 就相約左去參觀下我地塊田, 讓carson&妍妍淋下菜, 摘一些種得麻麻的沙律菜+嫩口的櫻桃蘿蔔, 帶去carson家打邊爐 ^_^
可惜阿女繼昨天嘔後, 胃口未回服, 打邊爐 無福享受囉...

爸爸仲睇左恨左好耐的[作死不離三兄弟], 好戲!

Carson家有新設的聖誕樹 和 大批玩具, 妍妍當然玩到摟晒計吾肯走!



好開心在Carson家hea左一天, 下次再黎玩過!

原來打的從荃灣到土瓜灣真係超快 ~ 15分鐘咋!  $8X真抵囉!!

閑遊烏溪沙 [3歲3個月]

一星期前取消左近水灣BBQ event. 造就左一天懶懶行的早晨, 起床時已是吃brunch時間, 下午先去九龍仔, 照顧一下塊田.

今次用左超臭水肥, 仲沾上了衫服, 那糞味揮之不去一整天...

下午茶時間, dic dic家庭來九龍仔接我地, 我地就帶著一身糞味上左uncle diary的坐架 , 搞到aunty不時要出動香水噴車

出發去烏溪沙, 讓兩位小朋友掙一下玩具, 踏一下單車,滑板車, 坐坐沙灘吹吹水, 放放風箏, 閑遊一天. <- 等著uncle dairy的相片... 頸長了...

難得口味夾得來, 晚餐時去了麵店 吃一頓高胆固醇+沙門氏菌食品 ~ 炒鵝腸, 白灼腰膶, 白灼魚皮... 好味!


今天兩位小朋友溝通最多的, 莫過於是掙單車玩! 下次再約出來玩時, 看看會吾會傾下偈, 有更深層次的溝通?


第二次來烏溪沙, 仍然對這地方讚個好!!

TEA@新城巿廣場 [3歲3個月]

媽咪一整晚咳到瞓吾到, 早上一起早餐後, 爸爸帶妍妍去九龍公園, 遠離媽咪, 好讓媽咪看醫生後回家瞓多一陣. 錫晒爸爸

下午4時, 到新城巿廣場 Mr Steak 吃個 tea. 享受了一個很不錯的購團tea set ($130/兩份), 還額外order了半打好味石蠔!!
兩個星期以來, 媽咪胃口都不皆, 今餐小嚐兩隻生蠔, 好滿足了


Mr Steak Cafe, 很不錯噢!! 下次要試埋佢的steak.





之後看看廣場內的巨型聖誕樹

再去試看一下3D電視

妍妍看到手舞足蹈, 佢要捉那隻功夫熊貓

妍妍一向最怕看movie之類的東西, 今次無聲音, 佢一啲都吾怕, 看完後還向爸媽玄耀 ~ " 我吾驚啦, 我依加好勇敢啦! "


坐火車離開沙田, 一向孤寒的媽咪小有地要求要坐頭等... 厘兩個星期開始真係好易攰...


晚上約了Claire妹妹到 THE RINK 溜冰, 為的都是要消滅埋張早早買落的團購Qpon, 團購的票是憑手帶多次出入, 昨天請教了apple姨姨, 所以我地成功地輪住玩. 雖然係cheating... 但兩個小朋友其實只分別玩了半小時, 如果吾係share玩就好吾抵嘛... 

Claire妹妹第一次玩, 佢好開心呀! 見到佢enjoy, Connie姨都高興 ^_^

唯獨是太匆忙, 無時間同Claire媽咪聚舊傾餐飽...




今日一次過消滅了兩張團購Coupon, 安樂晒!!