南雄秋賞銀杏葉(一) [3歲3個月]

上個月某一天突然跟幾年前的旅遊鐵腳聊, 大家竟然不謀而合, 想去位處粵北的南雄坪田看秋色, 再聊多個乜都無所謂的大方朋友, 就咁約定左.

出發前幾天有寒流, 南雄晚上得8度, 猶豫左幾天好吾好帶埋妍妍去呢??? 加上媽媽有些突如其來的事情發生...令爸爸想放棄這個旅程...

最後, 我地仍能如計劃出發, 開始了勇爸的生日旅行 

南雄比較遠, 距離韶關外100公里, 基本上Day1只是坐車, 遊覽時間只有1.5天
Day 1: 齋坐車7.5小時 (太子直通巴 轉 廣州高鐵至韶關 轉 面的 抵南雄巿酒店)
Day 2: 遊覽 坪田(坳背村, 溤屋), 南雄珠璣古巷
Day 3: 遊覽 帽子峰林場, 下午返程8小時(南雄巿 轉 韶關火車至深圳羅湖 轉港鐵回家)



DAY 1 ~

接過妍妍落校車後, 馬上在街頭為佢更衣, 趕及13:15的直巴, 往祈福新村進發

今趟旅程車程很長, 但每段車都經爸媽精心計算, 挑戰妍妍的耐力來講, 應該還抵禦得到!!
看! 睡醒覺的妍妍剛好到逹廣州南高鐵站了, 3小時的直巴很易度過 ^_^

我們一家三口都是第一次坐高鐵.  即場買票, 等候45分鐘, 還可以.

妍妍問: "我地係吾係去左機場?"

偉大的高鐵大堂


個站真係好大

17:35, 上車啦!!

女坐火車好雀躍!
這款和階號比廣深綫還要闊落!! 大讚!!

沿路見黃昏日落, 可惜大多數是建設中的景觀...

到站後, 馬上有一輛Sunny來接我們, 於是再來一段漫長的2小時車程, 妍妍終於感到不耐煩, 不停問著幾時到??? 
晚8時半終於到達南雄巿酒店... 妍妍終於生猛晒!!

今天花了7.5小時在車程, 為的是不想阿女明早最精神的時候要崖3.5小時去坪田.

不知這個安排是否正確... 因為妍妍當晚睡覺時不懂出汗, 開始有一點微熱...


Day 2 ~

早晨, 阿女, 37.5度你真係發燒喎~~ 都未開始玩就中招?? 唉....  大陸真係吾易玩, 逢有個北字的地方都令人易病...
我們可以做的, 就是 ~~ 繼續行程!!

book賓館時明明話包早, 點知係無.... -_- !

出外行左一陣, 只找到這個不太衞生的麵條檔, 啲麵夠100度滾, 阿女應該吃得過!

雲吞仔啱口味!!  妍妍都無肚痛喎

餐後回賓館, 買左貼紙簿大大本, 都只是$2.5   好彩以後沿途有你(貼紙簿)陪伴

回賓館途中

玩下小猫...

看下奇景...

咁就過左一個悠閑的早晨.

10點, 終於見到Shan姨姨和Ray叔叔和我們的包車出現啦!, 正式起程!

沿途看到巿集, 聽聞碌柚是堂地特產. 妍妍自己揀左隻大碌柚.

1.5小時後, 我地到達 ~


第一站 坪田坳背村

我地以超慢的步伐, 沿村路進入

阿女第一次看到山鷄四處跑

坪田果然是銀杏基地, 小販們擺賣的都是銀杏 和少少農產品

$1買左一舊形似蕃薯, 內裡似蕃鬼荔枝(多核), 味道似杮子 的生果, 妍妍話GOOD!

繼續上路

到達目標 ~ 千年銀杏樹... 仲好綠喎~~ 過多兩星期才到期~~

見當地小朋友在池塘裡, 撓些水藻的物體來玩, 妍妍好想玩, 八卦訪問人家玩乜野?


離開村莊, 我們示意要找飯店吃飯, 司機阿姨肉赤話這裡吃東西很貴, 不願帶我地去吃飯... 咁都得?? 其實我地吾介意比錢, 吾明司機阿姨搞乜鬼為我們咁慳!!??

跟住聽她老點, 去馮屋先找吃. 去到馮屋後, 結果無東西吃... 我地唯有睇埋景點先算, 最後過晒鐘, 大家在車上吃乾糧草草了事~~  

我早早幻想的 坪田農家菜, 酸筍鴨 和 鮮白果土鷄湯... 一一沒了...



第二站 ~ 馮屋

自己在鄉間裡尋覓 ~~~  那裡有銀杏樹呢??

南雄人無辣不歡, 每戶人家都種很多辣椒

妍妍努力地上山

穿過樹林

路經一些祖屋

 

終於找到路人所講的兩棵銀杏樹, 這兩棵樹剛好全黃了, 是整個旅程中所看到最美麗的.

爸爸站在老遠, 為我們拍照!!

妍妍見到咁多黃葉都好開心喎!! 好insist要影相tim ^_^

司機阿姨為我地拍下這唯一的團體照! 經過媽咪左cut又cut, 效果總算吾錯!

拍這張相時, 出現了笑料 ~~
妍妍要求五個人齊齊拖著手來影, 一度令Shan姨姨同Ray叔叔有點尷尬... 因為佢地分別是媽咪的朋友, 為了這趟旅程, 昨天才相識咋~~
姨姨應女要求, 諗住撓住叔叔手臂投其敷衍一下小朋友, 點知妍妍吾滿意,  一定要佢兩人手拖手, 身自捉住佢兩個隻手, 教說:"係咁樣拖住"~~ 笑死爸爸媽媽 

Happy 賞秋葉 Family

我摘!!  妍妍表現得好可愛, 一啲摟病都無!!  好努力地搜集靚樹葉!!!

銀杏葉襯托著古村, 十分有意境!

離開古村後, 跟司機阿姨相討了一輪... 佢似乎不懂去其他的村落... 而我地也應她介紹去珠璣古巷一遊.

吃過遲來的午膳, 妍妍好快睡著了. 今早的燒再無番發了 ^_^

我們沿路見周圍是金黃稻田, 和 割禾後稻草, 景觀好美.... 
粵北有優質北江水, 所以能種出很好的稻米. 阿姨話現在是最後一糙米, 那些乾禾將會是牛牛過冬的食糧. 可憐牛牛原來冬天沒有鮮草吃了, 要吃乾糧.



第三站 ~ 珠璣古巷

買過$30/位入場費, 臨走才知原來可以在後門進入, 簡單地逃票 -_-

珠璣古巷內的腊巷以南雄板鴨(即原隻腊鴨)聞名
"具有造型美觀, 鴨皮潔白, 油尾豐滿, 皮薄肉嫩, 肉紅味鮮, 骨脆可嚼, 風味獨特的特點"
媽咪事後才知, 好後悔無在此購買...


反而柴哇哇買左香煙
南雄亦是煙草之鄉, 即場做的香煙長到好似支鉛筆咁長!! 煙尾仲突晒啲草出黎~~

珠璣古巷, 無乜野睇, 我地亦吾知典故!??! 就只見以各祖忠的姓氏做門牌的祠堂一一集合於此巷.

找到自己個姓, 影一餐

村民曬花生.  第一次看到連根連桱連泥的花生株

"梁氏大宗祠"係最勁的

 

妍妍學打水

上左二樓, Hello爸爸!!


回程時終有機會下車 影影日落稻田的景色

Happy 日落 Family


這晚去了翻版小肥羊打邊爐, 大家都好攰, 好眼瞓.... 快吃! 快睡!! 明天要早起床!!


這裡看Day 2 啦!