我長大了! [3歲5個月]

俗氣語
"我果日睇左個show, 勁正呀!"

激漲法
懂得在被人教訓時, 毫無悔意地不停說: "我聽吾到! 我聽吾到!"

無心認錯
被人教訓時, 以往會知衰咁喊晒口認錯 或 硬頸吾認錯, 最近則會 吾憤氣地好串咁喝聲: "對 吾 住 !"

恨批大人
- 當家中三個大人一起教訓她時, 佢會無禮地喝聲: "你地吾好咁多人講野啦!" 
- 爸爸抱妍妍入厠所去大大, 佢吾想去, 竟然鬧爸爸: "你做乜抱我? 你當我係公仔, 我吾鍾意你咁!"  <-一向最喜歡摟爸爸抱架嘛...

行古惑
妍妍摟爸爸吃oreo, 媽咪話:"妳熱氣喎, 吾好食餅啦"
妍妍同爸爸講:"我諗到啦! 爸爸你比我食 吾好比媽咪知咪得囉!"

Challenge父母
見係時候午睡, 捉妍妍離開商場時, 同佢講要瞓覺啦!
妍妍吾高興, 佢環觀商場四周仲有好多小朋友, 佢challenge爸媽: "點解人地啲爸爸媽媽吾係咁?"

堅持要做大個女
為妍妍設置新睡房後, 每晚堅持要趕走爸媽, 話要自己瞓, 結果睡到半夜三間扎醒時心神不安, 一時大叫要爸媽, 一時要起床玩... 搞到依加每晚鷄犬不寧...



兩歲半至幾個月前的她反而trouble 2問題回落了, 整體都比較乖..., 接近3歲半這一兩個月, 妍妍好似進入了另一階段, 更自我, 更倔強, 更要顯示自己的能力, 更要挑戰大人...  爸媽接受這是佢的成長過程, 將會一個階段比一個階段難捱....

突然很配服妍妍的公公婆婆, 當年亦經歷過這一籮籮的嘔心瀝血的日子來教養我, 但仍能給予我一個快樂的童年. 希望我同樣可以給予我的女兒一個溫暖快樂的童年