廸士尼樂園 [3歲9個月]

妍妍的同學媽咪送左兩張廸士尼票, 因deadline是今天, 爸爸媽咪一於請半天假, 接女放學後馬上出發

巴士到站時, 妍妍未瞓醒, 我地照例坐到佢醒先落車... 結果要喺東涌坐回頭地鐵, 未入園已先遊大運...

對上一次到廸士尼已是一年前的事, 當時佢未太接受園內的很多項目, 對佢來講太刺激... 佢鍾意OP多好多!
但吾知何時開始, 阿女突然給廸士尼一個好印象?? 可能是朋輩的影響力? 
自同學交給妍妍入場票後, 期待左好幾天, 不停周圍同人講今日放學後去廸士尼...

到步時剛好是看巡遊的時間, 我地先來個好味new york cheese chake再出去小鎮大街.

等ing

show starts...

妍妍都出去玩埋一份! Thursday人少真好 ^.^

我地一家三口都未睇過香港廸士尼的巡遊, 好好睇呀 ^.^

之後, 玩左小飛象, 小小世界, 維尼歷險 及 反斗奇的轉轉彈弓狗, 妍妍已不再怕維尼歷險記啦!!

因第二天要返學, 今天只玩幾個玩意, 我兩老就要捉阿女走, 阿女不願...  於是同佢bargain... 如果依加走, 我地就做張年票, 以後每個星期五都可以黎好冇? 咁著數, 當然好...!! 

於是好容易地跟自由行換了兩張正價日票, 讓我地做左兩張紅卡 $650 - $399 = $251/張, 真係史上最抵!!

雖然dad mum不太喜歡廸士尼, 吾想太薰陶阿女, 但實在抵受吾住咁抵的優惠, 我地好快再來啦!!