Encore看籃球賽 [3歲10個月]

今天是公司籃球賽的第三場, 妍妍再為爸爸加油!!

可能沒有新意了, 今場妍妍無乜心機看, 成日都吾知爸爸的隊友入了波, 又看不出是不是爸爸入球... 佢只左顧右盼, 和... 想去樓上樓下的library...

難打的一場比賽噢! 隊長似乎對爸爸好有信心, 減少了爸爸的休息時間, 打到爸爸一隻"剧"咁... 無晒氣囉... 


完了場, 妍妍都有機會運動一下! Very Good!!

 

囡, 妳看來都幾鍾意打籃球喎!! 等妳大個少少, 爸媽傳授番兩招比妳啦!!



妍妍語錄

為了小弟弟的誕生, 上星期買了架經經濟濟二首車, 不嬲恨買車的妍妍 見架車都幾大, 似乎好滿意! 
關於架車, 阿囡都搞出一點笑料....

今個星期開始接送阿女上學, 在第一天接她放學時, 佢坐好座位, 會心微笑, 顯出一副得意洋洋的樣子, 仲感嘆: "唉! 依加真係舒服啦... 吾駛追校巴呀.. 追的士呀.. 好趕時間咁..."
<- 我倆老聽見, 都頂佢吾順...

又有一天, 約了家人吃晚飯, 佢一見姑丈, 就曬吾切 ~ "姑丈, 我地買左私家車呀, 係七人車黎架, 11年架 架車!!!!"
<- 囡, 你明吾明白車不是陳年佳釀...年份越高不是越威噢...
大家都忍吾住笑!

最近又喜歡自作主張, 同人地講 ~ "我地車你番屋企啦!!"
要送邊個要接邊個由佢話事?....... 從此, 爸爸就成為了妍妍的御用司機...