面試7 [快18個月]

今天到九龍塘迦南面試, 因為上次面試時妍妍有好表現, 加上這次有老師推薦, 媽媽信心不少.

一到場, 感覺是戶外空間夠大, 校舍都大, 但略為舊了一點, 再望課室裝修設備屬基本達標, 果然是expect的一所平實的學校.

妍妍早半小時到達, 又要等家長簡報會完, 玩了差不多一小時才面試.

爸爸用番上次果招不斷同妍妍講:"姨姨好好人比架, 會比糖糖妍妍架, 你要叫姨姨hello..."

面試開始, 首次由兩位老師一起作面試
老師: "hello"
妍妍揮手叫: "糖糖" (衰左...)
"你叫乜名呀?"
超細聲答"妍智"
"吓?" "係未妍妍呀?" "再講一次吖?"
老師好友善, 不過個頭申得太埋, 中左妍妍的死穴...妍妍最怕大頭熱情女士...
"陳妍智係邊個?"
望住大頭, 繼續發呆...(死梗)
爸爸補飛: "陳妍智舉手!"
妍妍舉了手
吾知點解厘個interview張枱無玩具, 一埋枱就問厘問路... 點叫小朋友安靜地坐呢?
果然摟抱... (衰左...)
爸爸: "你坐定定啦, 姨姨比玩具你玩吖"
此時老師才醒起放架車車喺枱面, 妍妍自己攞黎玩.
老師問:
"平時邊個揍?"
"有冇番playgroup?"
"番下午班得吾得?"
"sat,sun去邊玩多?"
"自己識吾識buk野食?"
"最鍾意食乜野?"
爸爸逐一解答
終於問妍妍:
"你眼睛喺邊呀?"
望住大頭, 繼續發呆...(死梗)
"爸爸眼睛呢?"
呆... (死梗)
爸爸忍吾住, 搖醒妍妍: "爸爸眼睛呢?"
妍妍震一震被搖醒左, 指住爸爸眼睛 (合格)
"爸爸鼻鼻呢?"
妍妍指爸爸鼻鼻 (合格)
"你自己鼻鼻呢?"
妍妍指自己鼻鼻 (合格)
"推架車車比爸爸啦?"
妍妍推左比爸爸 (合格)
"推多次吖?"
妍妍照做 (合格)
老師攞左3塊玩具餅, 分別是紅黃藍, 叫妍妍做顏色配對, 將紅色餅放係一樣的顏色度
妍妍先做個紅色餅餅,一邊講: "red", 到藍色餅餅自言自語"blue", 到黃色自言自語:"yello"
老師似乎有點impressed, 讚妍妍識講野 (加分)
老師再攞隻sealion圖案, 隻sealion的頭,身和尾拆開左, 叫妍妍做硑圖... (敝!未玩過tim...)
但原來妍妍識砌, 可能平時玩貼紙遊戲玩得多有幫助?!? 只是個tail砌得低了一點, 露出一部份黑色底紙.
老師guide住妍妍: "你砌番高啲,遮住厘度黑蚊蚊啦"
妍妍一邊做, 一邊講"黑蚊蚊""黑蚊蚊"...
老師讚妍妍講野清晰 (加分)
爸爸sell:"係呀,佢已經講好多句子啦...”
埋尾時, 老師送一本貼紙薄比妍妍
妍妍很細聲說了"謝謝" 但老師聽吾到
老師問妍妍:"要講乜野架?"
妍妍說"please" (洞el...)
跟住bye bye就好大聲 (加分)

走時, 妍妍好鍾意個操場, 走來走去玩左好耐, 捉佢出去等taxi時不停叫"落地"
解放後, 原來自己走番入去學校玩...
阿女你真係好鍾意厘間學校咩?
面試摟抱...你咁嘅表現, 真係50 50 lu, 收你先講啦...



妍妍語錄 之 第一次有尾音
一向妍妍成功做了一個task時, 媽媽會叫妍妍:妳讚自己吖!
妍妍便會:I am GOO (無左個尾音)
媽媽每次都不忘向她發一個字正腔圓的good字.
今天終於聽到妍妍發出真真正正的GOOD字, 是帶有輕聲'd'的尾音, 自然流的.
媽媽知是她特意模仿而出來的, 轉過頭就忘記了, 但都表現到她的說話能力又一進步!