阿里山墾丁.上山下海自駕遊 - D2阿里山森林(一) [22個月3周]

6月27日[天晴]

昨晚妍妍在回程中摟喊8時便瞓著了, 涼都無沖, 一覺瞓到差不多半夜4時醒來, 鬼打咁精神, 結果造就了三口子齊齊睇世界杯! 爸爸好高興, 估吾到黎到台灣民宿, 沒有廳房分隔都吾駛怕嘈/"殘"親阿女, 反而可以看得爽!

6時齊齊再度入睡, 8時再起床時.... 嘩!乜咁鬼"殘"眼? 已經光到似香港中午時分.

出房門周圍逛逛...

室內環境就係咁正啦!!

飲奶奶之時, 一隻可愛小狗走左入我地房

小狗不停擺尾歡迎妍妍, 又好乖比妍妍抱, 跟住媽咪同妍妍一齊幫小狗沖埋涼tim.

民宿外觀和花園都好正. 碧藍天空, 翠綠山景, 廣闊景觀盡入眼簾

室外室內都咁靚! 佑男喺室內食早餐! 我地就選擇喺厘度食!!

our breakfast. ok啦.
最正係邊樣呢? 媽咪覺得杯冰紅茶係最正! 台灣的茶無論"冷熱紅綠"都好好飲

仲結識了小狗的爸爸. 厘位遊客叔叔大讚花蓮好好玩, 下次一定要去.
妍妍少有的對男人友善. 好好人的叔叔叫佢笑笑影相, 佢都企定定擺post笑笑任影

馬騮仔食飽左, 跑來跑去

突然 一阿里山姑娘出現啦!!
.....
........ 登登登登
......

無錯, 聽說阿里山姑娘全都老了....

我們房間都掛著精緻門牌. 佑男住鼠尾草, 妍妍住紫丁香.

帶來的吹氣泳池就是妍妍的室內玩樂設施兼浴缸.
本來訂房時有山景的二人房只得鼠尾草, 點知民宿主人主動將有景觀的四人房當二人房價錢比我地, 真係十分感謝. 讚!  但點知妍妍無多謝人不得止, 仲..... (明天分解)

落地大窗遠望山景. 正!

佑男來參觀我地房

行個禮 HUG HUG 先

With sunglasses, so cool !!

我地向阿里山森林出發啦!

點解入國家公園吾收錢? 泊位又吾駛錢?

原來我地好好彩, 上次風災之後阿里山火車一直未開通. 剛巧這個星期重新開通, 兼入園一律吾收錢. yeah!

現在19度, 氣溫咁正, 我地決定hiking上山, 坐火車落番黎!

登山前, 先到全台海拔最高7仔入啲貨. 

兩個媽咪夾熱狗, 佑男爸爸cher咖啡, 厘個爸B唯有玩自拍.

搞乜鬼? 食到咁污穢?

影番張"出發前"

妍妍做乜吾肯行, 喺度叫 ~ "吾得呀... 痛... 要抱爸爸..."
爸爸停下來幫妍妍睇睇個膝頭仔.
媽咪問: "做乜事呀? 喺吾喺lock住左呀?"
妍妍理直氣壯的話: "喺" <- 原來小朋友吾知你噏乜, 只要你似明白佢的感受, 佢就會答你
爸B同媽咪一邊笑,一邊話: "吾怕啦, 一陣買啲七海健骼比你好吾好?"
妍妍: "好" <- 原來小朋友吾知你噏乜, 只要你似幫佢解決到問題, 佢就會OK

跟住就無晒事, 摺起一邊褲腳, 繼續愉快往上行

路經全台海拔最高郵局

妍妍每行一小段路, 又ER住個膝頭痛要抱... 爸媽開始懷疑佢真係整親腳仔?!??
直至到....

媽咪叫妍妍過來這條PIPE, 聽下裡面有乜野?
妍妍側耳聽聽, 似有大發現咁: "有...水...WOR..." <- 叻女, 一向以為妍妍對水的認知只有視覺同觸覺, 原來佢都知流水潺潺的聲音

跟住落黎就全靠地上這些反光石..

和一路上撿到的小石塊.
令妍妍產生向前繼續發掘的興趣. 無再扮LOCK腳啦...

不知從什麼時候開始, 妍妍就很喜歡STONE !??!

這一段上山路, 是可供車人同行的斜路, 好靚, 不難行.
唯獨媽咪不斷的重複慎笨~"好後悔吾攞BB車呀!!!", 眾團友大約聽到拾幾次的慨嘆聲! 好煩...

爸媽偶爾叫妍妍跟住行時, 妍妍裝作自己要行相反方向, 玩對抗. 
爸媽亦會裝作不理會繼續向上行, 生蕃就會死死地氣馬上跑回來.

遇到鐵路平交道

又有STONE玩啦

同佑男一齊踩下

咦?媽咪發現到好得意的昆蟲, 又是一個好好的學習機會了.
媽咪希望讓妍妍接觸和認識多些昆蟲, 將來吾似媽咪怕蟑螂咁無用.

爸媽喜歡每個旅程都有行trek的環節, 不論長短. 妍妍你看來都很喜愛噃!

就地取材, 就可以有這麼高的電纜柱

為左令小朋友行很更高興, 兩位活潑精靈的媽咪一渡唱住火車歌同盼下火車roll roll roll...

小朋友們聽到就當然...

啋你都傻!  佑男更頭也不回, 有咁遠跑咁遠.... 捉番佢呀!!

山間長滿叢林, 再濔漫著一層薄霧..... 很有意境!

到達打算作午餐的地方

點知餐廳,咖啡廳全都關了門. 好彩還有熱水,洗手間供應,有落腳餵小朋友的地方.
今餐只可吃ABC撈baby food咋.


茶香花園

鼠尾草(二人山景房) $3400六 $3000日
紫丁香(四人山景房) 四人房原價是貴些, 老闆主動給我跟鼠尾草的價錢. 讚!!
滿意程度 ~  (5個滿分)


小朋友食飽後, 我地就正式進入阿里山神木徑啦!


行程簡頁 | D1奮起湖 | D2阿里山森林(一) | D2阿里山森林(二) | D3虎頭山,屏東 | D4墾丁海生館上集 | D4墾丁海生館下集 | D5 墾丁潛水艇,出火 | D6 墾丁 悠活兒童渡假村