"老婆, 你考完試 同你去台灣3日兩夜慶祝下/散下心?"
"都好呀!"
"吾想去台北, 台中去過, 墾丁太熱吾好去, 阿里山未到時節無櫻花睇, 不如去宜蘭, 農場+民宿好正架!"
"好呀!"
媽咪想了一會 "不如帶埋妍妍去啦?"
爸B: "都...ok...啦" <- 頓時個浪漫情懷幻滅了...
第二天, 媽咪同爸b講: "meiling姨姨都想去, 不如一齊去啦?"
爸B: "都...好...啦" <- 咦...個簡單散心遊 馬上變為 大project...?
跟住爸B propose左一個 宜蘭花蓮6天自駕遊
過了幾天, 媽咪講: "佢地想去墾丁多啲喎"
爸B&媽咪: "去都得..嘅...還掂未去過...就下人囉...淨墾丁加埋高雄都夠玩6日啦" <- 咦...乜最初吾係話墾丁太熱咩?
過多一天, 媽咪講: "佢地想去埋阿里山喎"
爸媽的旅遊plan都已經亂晒陣腳... "是旦啦..."
結果由原意"3天兩夜宜蘭農莊2人世界浪漫之旅"變為"阿里山墾丁6天親子之旅"
決定了之後, 找資料都找得興致勃勃. 但臨出發前有一天, 突然想到為什麼與當初計劃的旅程完全不同? 突然覺得一點矛盾... 於是便帶著一點點這個感覺(爸B尤甚), 就開始了我們的上山下海之旅啦!
行程如下:6月26日 中午抵高雄, 機場租車 > 八掌溪天長地久橋 > 奮起湖 [住民宿 阿里山 茶香花園]6月27日 阿里山森林遊樂區 > 登神木線 > 阿里山森林火車 > 雲頂茶坊小歇 > 遊客區中餐晚飯 [住民宿 阿里山 茶香花園]6月28日 虎頭山老鄉長咖啡廳 > 屏東漁巿場 > 晚10抵墾丁 [住墾丁 張船長民宿]6月29日 海生館 > 墾丁大街 [住墾丁 香蕉灣民宿]6月30日 潛水艇 > 返民宿小歇 > 夏都酒店晚飯 > 出火 [住墾丁 香蕉灣民宿]7月1日 遊車河到最南端 > 悠活兒童館午飯 > 機場還車 > 返港
D1 奮起湖 | D2 阿里山森林(一) | D2 阿里山森林(二) |
D3 虎頭山, 屏東 | D4 墾丁 海生館上集 | D4 墾丁 海生館下集 |
D5 墾丁 潛水艇, 出火 | D6 墾丁 悠活兒童館 |
connie,你老公都好浪漫!!!!
回覆刪除[版主回覆07/07/2010 13:20:00]係呀係呀. 佢好喝求架... 可惜佢老婆已經失去浪漫... 可憐! 你倆公婆咪仲浪漫 (+爛玩) !!
一家人有一家人的開心，兩個人有兩個人的愉快，最緊要玩得開心，下次可以PLAN兩個人自己去旅行LAW
回覆刪除[版主回覆07/08/2010 10:43:00]其實媽咪都明白兩公婆要適當地relax一下, 要有番二人世界空間, 喺家庭抽離出來, 好好維繫一下感情. 兩個人honeymoon... 希望媽咪有一天捨得掉低阿女啦.... 爸爸都同期待厘一日出現 .......
歡迎來到台灣.台灣是很有熱情的國家
回覆刪除HAHA....CONNIE,我老公都係一樣，佢好渴求我地有番二人世界，成日想掉低阿仔我地自己兩個去旅行，可惜我都係掉唔低阿仔。
回覆刪除[版主回覆07/09/2010 09:42:00]代表我地係正常女人, 佢地係正常男人, 都係一件好事
見到您地一家去旅行, 真係好鬼死羨慕...
回覆刪除其待參加您地下次既旅行
[版主回覆07/12/2010 21:13:00]考慮出年去日本. 下半年希望隱得住儲下錢先.
你好，我在網上看你plan阿里山加墾丁的行程，安排得很好，想請教你一些資料，機場租車是怎樣安排?我也是想入住 茶香花園 ，但你中午才到達，去到民宿不會太夜嗎?
回覆刪除神木線的火車是不是每天也有班次?
[版主回覆03/22/2011 22:50:00]不好意思遲了回覆. 機場租車, 上網好易找到, 格上租車價錢合理, 電郵聯絡, visa比訂. 基本上中午拿車, 黃昏前都能到茶香花園 神木線火車一天有幾班.