Tiffany's Blog: 開學倒數35天 [23個月1周]

妍妍就快揭開她的人生新一頁, 距開學還有35天, 爸媽要為她的上學做一連串準備功夫, 既然是爸媽的第一次, 當然要記下來.

學生相 ~
上次在影樓已影過一張貴野, 留待黎緊申請幼稚園用 <- 話咁快又一年, 又要開始獵校

今次要準備校服相, 只供校內用, 自己影就得啦, 慳番啲.

NG...... NG.......再NG. 最後都揀到一張嘅...

第一張, 剛1歲做passport到樓下照相店影的, 你覺得點?

第二張, 1歲9個月喺影樓影的, 貴野黎架! 諗住申請K1用, 你覺得點呢?

這就是妍妍的第三張大頭相, DIY自家做!!

3張之中, 你投邊張呀?

BODY CHECK ~
諗住妍妍還未打一水痘針, 問下診所.... "可吾可以順便幫我填一填...?"
姑娘話: "要收200蚊喎!"
......媽咪左度右度....我地又無相熟家庭醫生...
因為厘個body check實在太無聊, 所以媽咪搞盡腦汁想慳番兩舊水...
突然醒起, 妍妍的中銀住院保險, 送左一份個BODY CHECK的檢查, 早早認為無用已被打入冷宮. 雖然跟學校的form所要做的體檢不大相同, 做左先算吧, 睇下學校收吾收貨啦?!?!?
入到醫生房, 妍妍被動地say hello
跟住醫生好醒目地比個沙橢同隻pig pig公仔妍妍玩, 妍妍馬上對醫生友善, 無拎"咩"面. 叫妍妍唱隻歌比醫生聽, 佢竟然大大聲"ABCDEFG", 醫生的反應是:"HIJKLMNOP", 妍妍跟住接: "QRSTUV...." 醫生讚妍妍接歌仔接得好好!!

醫生開始幫妍妍檢查
- 聽心跳, 妍妍坐定定, 只是好奇的望住整個過程, 非常合作 <- 讚!
- 耳朵 ~ 無問題
- 鼻孔 ~ 有啲息肉, 有鼻敏感噃... 惨!! <- 真係想鬧爸爸做乜遺傳比阿女..
- 對光反射 ~ 無問題 <- 妍妍被照眼睛都竟然無難色, 讚!
- 扁平足 ~ 無問題
- 咽喉 ~ 一路都好聽話keep住張開口, 當然咽喉反射反應作嘔時, 喊左兩聲 <-已經好好啦! 媽咪讚同錫番!
- 另外醫生身上有一粒(約0.5cm)大, 淺咖啡色的皮膚斑 , 醫生問妍妍身上還有無其他類似的皮膚斑, 佢話啲斑係咖啡斑(cafe-au-lait spots), 係胎記的其中一種. 但如果數目增多 (如出現5、6個以上直徑大於1.5公分的咖啡斑)，而且逐漸變大時，就要留意是否有「神經纖維瘤症」的可能了。 <- 吾係啩...
- 最後到爸媽從未想過妍妍可以做的視力檢視, 醫生今次為妍妍做的是色盲檢視.

test左拾幾張色盲圖 <- 通過左, yeah!!

搞掂晒, 醫生再請妍妍食糖, 妍妍揀完一粒瑞士糖後, 同醫生講係orange顏色, 仲主動講thank you. <- 厘個真係陳妍智? 爸媽不敢相信...

整個過程, 爸媽變得吾在意個身體檢查, 反而一路留意住妍妍對醫生的反應, 感覺好似幼稚園INTERVIEW. 4個月無受過考驗, 估吾到妍妍好似有點餓! 有舖癮? 阿女開始喜歡表現自己? 到真正面試時希望妳可以好似今日咁叻叻啦!

跟住媽咪就攞張form出黎回到最重要的戲肉: "吾該, 可吾可以..." 都未講完, 醫生就接過來, 填埋, chop埋個印. 成功地免費搞掂左學校張form啦. 到依加為止媽咪諗起仲想偷笑 <- 唉! 啲師奶真係...