7月1日[繼續酷熱]
前一晚商量過今天最後一日, 早11出發, 午餐後就回高雄, 約3時多還車. 早上大家睡晚一點, 什麼都不做吧!
點知妍妍晨早就起了床, 爸媽始終... 姣婆守吾到寡, 想呢樣想嗰樣 ~ 去浮潛區同阿女玩下? 去夏都沙灘? 最後上到車決定向國境之南走一轉看看風景!
台灣最南的燈塔, 鵝鑾鼻公園燈塔
要行800m, 好熱呀... 我地穿過一樹林, 樹林擋晒所有風, 單是慢行己夠汗水不停湧出...
終於到左最南點!!
岸邊的岩石形態跟香蕉灣的一模一樣, 沒有驚喜...
於是帶點失望而回.
回到民宿還死心不息...想去浮潛. 看看鐘已10時, 都是放棄吧
跟小狗吃個早餐都好
然後回房, 媽媽收拾行李, 妍妍同爸爸在大浴缸內作最後一戰, 完成埋妍妍由朝鵝到晚的[游水水]心願.
妍妍在這個民宿住兩晚, [游]了三次水, 真係住得抵.
meiling姨姨佢地則用來餵螞蟻... <-佢地真吾好彩, 個浴缸經常冶蟻...
真吾好意思, 厘個民宿係我地揀既...
更吾好彩就係, 祐男好似有些吾妥... 昨晚飲奶, 噁晒出來. 因為佢好少噁奶, 爸爸怕佢作病, 今日整天都有點胆心.
pack晒行李上晒車, 大家才問大家, 去邊呀?
大家一邊翻書...一邊suggest...
~ 喺墾丁大街食午餐囉! 吾係嘛? 啱啱先食完早餐...
~ 不如番高雄先啦? 有個漁人碼頭好似好好坐...
~ 突然, 大家agree去悠活兒童渡假村看看, 博吓有兒童設備玩, 無都有餐廳食午餐吧
跟GPS行, 又問過警察, 大半個小時後終於到達啦!!
果然名不虛傳! 成2仟幾港紙一晚噃, 緊係勁啦! (4人房)
不過以厘個價位來講, 又未達至酒店級數, 渡價村就真係吾太抵.
果然有童兒玩具屋, 原來無yoho pass都可以access厘個設施, 正!
妍妍玩到吾捨得走.
悠活裡的餐廳麻麻地, 是快餐的東西
不太適合兒童吃的兒童餐
餐後就渣車反高雄還車啦!! 入到CITY後一度行錯過路 (點解入親CITY都會中招呢? 上次喺sydney都係咁...GPS吾係成日都咁可靠)
去到機場先知原來睇錯時間, 媽咪一路以為6點起飛, 原來係7點...
好彩係早左, 吾係遲左啫...
於是同馬騮仔跑來跑去..., 又買下機場手信 <- 個烏魚子好好味呀!!
bye bye 台灣!!
悠活兒童渡假村
滿意程度 ~ 
(5個滿分)
總括行程
墾丁果part.... 墾丁的海生館十分好看, 其他的行程就麻麻地. 好大原因同太熱天氣有關, 如果不玩水上活動, 就不太適合去, 尤其帶住小朋友. 亦或者我們對墾丁沒有認真地plan過. 反而上山果part令人意想不到的非常OK, 阿里山森林好好玩, 小B們無高山反應噢 6月去咁熱的台灣 就是上山避暑最適合不過. 整體上個TRIP是OK的.
還記得上次4月份去過清境,日月潭等南投地帶, 天氣比香港要冷. 今次6月份的墾丁, 天氣比香港要熱. 如果次序倒轉 4月玩墾丁 6月玩清境日月潭阿里山, 應該更令人滿意. 又上左一個天文課了. 下次媽咪會plan得好啲
黎緊10月旅遊季節 又有邊度想去呢? 媽咪又心大心細了...
行程簡頁 | D1奮起湖 | D2阿里山森林(一) | D2阿里山森林(二) | D3虎頭山,屏東 | D4墾丁海生館上集 | D4墾丁海生館下集 | D5 墾丁潛水艇,出火 | D6 墾丁 悠活兒童渡假村
沒有留言:
張貼留言