上學適應週一 [快2歲3周]

星期二, 上學1小時

妍妍第一天自己上學, 姐姐送妍妍到課室內, 當時已經有不少同學仔哇哇大哭. 妍妍的情緒未牽動, 經過兩天"陪番學", 今天架輕就熟找到自己個位坐下來玩玩具, 姐姐叫妍妍自已喺度玩, 佢喺出面SOFA等. 妍妍初時OK. 跟住老師把大門一關, 妍妍馬上四周找姐姐, 走到門前慘叫起來 姐姐呀...  未至於哇哇大哭...

爸爸媽媽接放學, 在門縫偷看, 見到佢無喊, 同3位小朋友拖住手仔由老師帶出課室門外. 眼見一個一個同學仔被家人接走. 爸媽在門口默默等待...  矇閉閉的爸媽後來才知要把接放學咭交到老師手上才會抱妍妍出來..... 對不起, 讓妍妍多等了10多分鐘...

終於接到阿女啦! 妍妍笑住行出黎攬住爸媽.
雙眼腫腫地, 得番三分二大, 鼻下還有兩條乾涕痕...看來喊過好一段時間.
老師說妍妍有喊, 但不是太長時間. 仲問妍妍明天再番學好吾好? 妍妍爽口答好.


星期三, 上學1小時

第二天妍妍好乖, 姐姐離開課室時再沒有喊. 大家都好安慰! 
放學時雙眼仍然像昨天一樣的三分二大小.
老師說妍妍在中段時間, 見到同學仔喊, 佢突然喊埋一份...

爸爸問妍妍頭先有無喊呀? 妍妍答: "有呀! 頭先...妍...智.....吾....見左.....姐.. 姐....." 把聲cho住cho住咁... 好似提起失戀的傷心事一樣....  OK啦! 吾講啦! 吾駛講啦!


星期四, 上學1小時15分鐘 (加多15分鐘)

姐姐報告妍妍入到課室時, 不讓姐姐離開, 妍妍第一次被老師強行抱入課室, "姐姐呀...." 慘!!

爸爸接放學時, 妍妍見到爸爸後馬上哭... 噢! 今天真的退步了?
看真啲面孔, 雙眼沒有腫wow!! 老師話妍妍整整一小時無喊過, 只係臨尾派放學咭時, 派比佢較遲, 才馬上哭了出來. 原來是進步了

這兩天不斷同妍妍講, 番學吾駛喊, 如果同學仔喊喊, 記住安慰佢. 

於是爸爸放學時問妍妍: "小朋友喊喊, 你有無安慰佢呀?"
妍妍答: "小朋友喊喊, 妍智即刻喊" <- 吾好意思, 爸爸真係覺得好好笑

媽咪問有無唱洗手歌呀? 有呀!
更老作喺度亂咁唱 洗洗手, 洗洗手, wash wash wash, 洗洗腳... <- 洗洗腳?!? 
其實都作吾晒既, 平時佢無講過WASH厘個字, 學到野噃!!


星期五, 上學1小時15分鐘

姐姐報告今日更糟, 妍妍去到學校門口吾肯入去, 嚷住要去"屋屋"玩(clubhouse 的playground)... 妍妍再次被老師強行抱入課室, 今次喊得好凄涼...  <-大退步

放學時妍妍眼濕濕, 老師話妍妍入到課室後只喊左一陣, 不過中間被同學仔搶左隻rabbit公仔收埋左, 佢喊番... 老師比第二隻公仔佢, 佢吾要一定要番rabbit, 搞到老師要翻天覆地找回rabbit先止到喊. 到放學派放學咭時又開始喊少少. 老師話妍妍在遊樂場時段只喜愛在玩具屋內, 吾願意sir滑涕同玩其他東西, 比較靜態.

可能因為昨晚帶過妍妍到球場, 今天比較疲倦, 情緒較差, 對什麼都無興趣. 但願是這個原因.... 

這是this friday的上學照

夢迴一星期 ~

Mon 放學時, 爸爸同妍妍行去坐小巴回家, 路過McDonald門口.
當晚就發開口夢 發爛叫住 "吾要番屋企, 要去McDonald"

Tue 晚上到嫲嫲家吃飯, 推過嫲嫲家的一張大椅子, 當時妍妍鬧過爸爸吾好咁樣推, 要夾住推 <-當然大家都吾明乜野叫做"夾住推"...?!?! 
當天半夜就發開口夢 發爛叫住 "吾要咁樣推, 要夾住呀"

Wed 當晚發開口夢叫住 "姐姐吾要走吖"

Thur 無發開口夢, 但成隻B瞓得奇差, 仲醒埋發爛要出廳玩

唉! 開學咁耐就每晚做夢 ~ 對小朋友來講, 新生活, 新打擊, 真係十分影嚮到個心靈噢!

妍妍加油呀! 好快你就鍾意校園生活架啦!!