holiday with triplet [2歲1周]

約左幾個星期都約吾到住得咁近的MINNIE姨姨食早餐, 今個星期日終於約到啦. 媽咪見得閑上埋MINNIE姨姨屋企探下三寶. 點知講講下大家都話想去動植物公園. 媽咪拿拿淋返屋企執野. 無諗過MINNIE姨姨佢地咁大家庭竟然話行就行咁爽!! 仲可以車埋我地三口子一齊去. 比個叻你地!

於是一車載晒5大4B大伙兒出動, 妍妍被委任為大隊長

先去IFC食午餐, 避開烈日.

到翡翠拉麵時, 大哥同二佬好彩瞓著左, 只係餵阿妹一個, 爸爸媽媽同姐姐今次有啖好食.

阿妹吾肯飲奶, 食粥仔啦. 都食得幾快, 無摟計, 叻叻!

跟住二佬醒左, 靜靜雞係度視察環境. 望左好耐, 終於要姐姐停食, 出手揍B啦.

大哥都醒埋, 到爸爸出動啦! 於是張8人飯桌,  剩番我地三口子...繼續食食食!!
妍妍問: 無晒人既?

担担麵, 素鵝, 雲吞鷄湯, ??干麵, 好好味呀!! 我地食埋uncle同姨姨果份咁滯.

厘個係新手姐姐, 所以BBs都吾太跟佢, MINNIE姨姨今天乜都要親力親為, 累透噢!!
自問媽咪自己揍一個都經常腎上腺素上升... 這位爸爸態度同中學時一樣無變, 揍B得黎繼續滋柔! 配服配服! 男人真係吾同女人.

大哥謙謙最斯文最乖仔. 晉晉較活潑, 行街街時好興奮, 不時左拍右拍

妍妍呢? 瞓左...

好彩連埋 排隊等育嬰室, 逐個B輪換片用左半個小時. 爸爸抱住妍妍瞓, 總算全程喺商場涼涼爽爽.

達叔叔, 你咁大個仔都未試過左擁右抱, 依加滿足晒啦!!

有balloon派, 好高興呀! 自己周圍走周圍玩

MINNIE姨姨叫媽咪幫手睇住熹熹, 妍妍馬上從老遠跑番黎阻欄... 媽媽吾抱!!

媽咪同妍妍解釋, 要幫手姨姨, 妍妍都似乎OK, 無再摟計.
點知熹熹吾鍾以厘個三吾識七的姨姨, 不停推開.... SORRY, MINNIE姨姨幫吾到你

出發去睇動物啦!!

係吾係全部小朋友都鍾意行盲人路呢 
妍妍每次都係咁

摸到去到動植公園時, 才知無地方泊車... 又吾想達叔叔泊到老遠, 自己行番黎...
改行程去山頂啦!

有兒童公園好開心!

個兒童公園西斜得好緊要, 妍妍嚷住要SIR滑梯, 點知辣蘿友... er...
無得玩啦...

見親M字就唱 oh mcdonald has a farm, yi ar yi ar oh....

督剷!!

喺山頂廣場逛逛

個BACKGROUND加埋 件灰灰綠綠色衫, 渣埋把扇,  好似城寨啲阿婆

阿婆, 你仲乜咁高興呀?

巨人BB 好開心!

爸爸, 影我厘個"其哥post"吖!

媽咪見厘個情景時不禁開口: 都幾獅子山下feel wor
MINNIE姨姨: 咁樣衰呀?

阿女, 狗狗梳化黎架!!

出到外面, 繼續影下米舖,呀... 飛髪舖呀..茶餐廳呀...街坊會呀...

咁樣都驚?

咁就OK啦

媽咪扶住, 都驚?
跟住大發雷庭.... sorry lor, 以後吾玩囉...

等mickey 同 minnie tum 番你啦!

5點幾, 行下條小徑 涼浸浸!!

不過又開始多蚊, 要徹退

最後一站, 補水站. 妍妍最鍾意坐supermarket車車

MINNIE姨姨讚大隊長非常乖.
妳有所不知, 佢臭脾氣左足足一星期. 爸媽都好suprise妍妍今日咁易handle. 吾通真係知自己係大隊長? 要表現好啲? 

相反, 3B們在黃昏時開始情緒有些不穩, 分別摟飲奶奶, 摟食麵包, 摟眼瞓, 摟要媽媽, 摟吾知乜野...?!?! 新姐姐又未幫到手, 見到MINNIE姨姨都有些呢hea. MINNIE姨姨今天辛苦了! 不過媽咪好欣賞姨姨的態度, 揍3個B出街可以講係一件樂事, 但亦是辛苦事, 但吾可以斬腳指避沙蟲, 要train up自己, 要習慣先以後先吾會辛苦.  <- 非常正面的態度, 讚!!

下次再一齊玩啦!!