爸爸生日澳門行D1 [2歲3個月]

上午媽媽畢業禮後, 爸爸又趕去GH聽K1入學簡介會, 下午再去澳門, 真是一個馬不停蹄的生日日

之前原意二人世界為爸爸慶祝生日, book了望廈賓館(星期六價只是MOP$680), 買了巨龍連自助餐套票($248/位), 諗住神神秘秘地進行, 到時比個surprise老公 

厘期大熱, 一定要捧捧場看水舞間, 再找找門票時, 竟然無開演? 
幻想自駕綿羊仔爽遊澳門... 於是找找機車租賃, 澳門原來無得租?!?!  
於是自已踢爆 問老公, 既然乜都無得玩... 不如帶埋妍妍去啦?!!?
......哈哈... 今次丟低阿女行動又喧告失敗了........

妍妍在候船室見到左邊的金光和右邊的巨龍, 死口話要坐blue果隻, 吾肯上巨龍...
(blue果隻又確是貴少少既... 識貨)

自澳門大建賭場, 我地都未認真遊過澳門, 只是去過澳門機場兩次.
今次第一次坐巨龍, 老公大讚, 大船果真穩定好多.
出左氹仔碼頭時, 周圍都有到各大賭場的免費shuttle, 我地上了去金沙的車.

在金沙外等的士

媽媽的這個澳門行, plan到極差, 一開始矇查查以為望廈在氹仔那邊, 就買了氹仔船票, 而行程亦主玩氹仔. 好彩有咁方便的shuttle駁腳, 一啲都吾呢hea.


到望廈山的望廈賓館check in

門外有小小草皮, 噴水池 和 荷花池, 妍妍好鍾意.

櫃台style很舊, 但其他佈置擺設都很清雅

on the way to our room...

地方很大和優靜, 周圍都是簡樸的中式混葡式設計

酒店職員好好人, 好高興upgrade左我們的睡房, 可能見我地有小孩同行?!?

房間分開了兩個area, 有門相隔, 睡房+露台 和 書房+玄關+浴室
加了小小的中國元素好靚, 張床6尺闊好正!

通常酒店房內只設有wifi, 厘處竟然有埋電腦上網 <-大讚!!

按摩花洒

房間內的所有小小細節都做得很好, 一應俱全.

我們住1樓, 不用上樓梯, 但估吾到1樓房間仍有小小露台, 望向綠草小花園.
妍妍好喜歡這個露台, 捉住媽媽:"我地傾偈吖..." 吾比媽媽入房.

突然有叔叔拷門!
Surprise!! 送來精緻的小小中式蒸籠welcome gift, 內有曲奇餅, yeah!!

爸爸同妍妍今天非常吾好彩都是帶病上陣, 但有得玩, 妍妍點會有倦意?
於是讓爸爸小睡片刻, 媽媽同妍妍出去餐廳, 嘆杯免費welcome drink.

阿女玩厘個琴 玩左好耐

Book埋賓館的小型shuttle出外, 轉坐去新濠天地的shuttle, 亦非常快捷.

新濠天地

媽媽和妍妍在這個food court吃越南粉, 爸爸去賭場醫肚.
(媽咪原先安排的二人世界套餐, 個buffet在賭場內, 小孩不得內進, 臨時決定帶埋妍妍, 又吾想浪費了個buffet, 唯有晚餐要分頭行事了.... 有無人咁樣慶祝生日架?!?! 諗番都太過cheap... )

行去 HARD ROCK HOTEL

妍妍見到好多她認為的"VIOLIN", 馬上跳舞

換人, 輪到媽媽去buffet, 爸爸帶妍妍去童夢天地 MOP$100

玩了一小時, 妍妍仍不願離去


金亭BUFFET

這個buffet, 比預計中更炸豆... (原價都只是$168/2位)
只適合賭仔們拿拿聲聲肚, 再去博殺, 早知吾訂...

媽媽在賭場內, 眼矇矇吾覺意隻腳踩左入小水池.... 咦? 吾通意味過水濕腳?
於是媽媽離開時行經賭枱, 摘下2百元 ~ 大
有斬鍋噃 ^_^  好開心呀!! 一舖定輸贏, 拿拿聲走人!!


龍騰 bubble show

巨型水母... 老虎四圍跑... 又有金錢洒下來, 財源滾滾來的意思....(救命...)

妍妍只好手掩雙耳, 叫走人.... 
這個bubble show一啲都吾好睇, 點解咁多人排隊呢? 我們中途離去都無損失.

於是這一晚, 妍妍去過童夢天地就好過癮, 但兩個大人的節目真係麻麻地...新濠天地無野玩... 不過win左個 lucky money都吾錯 ^_^

這裡看Day 2