親子健行(七) 嘉道理農場 [2歲5個月]

天寒地凍左兩星期, 終於見太陽啦!! 吾好放過這個難得的溫暖日, 相約11A6B到嘉道理農場.

全程步行上山下山: 約4.5公里 (估計3小時)
我們的計劃: 坐園內的shuttle上山, 然後行落山, 縮短腳程 <- Perfect!!
中途加插野餐項目!!

參考:

http://www.lcsd.gov.hk/healthy/hiking/b5/road_family2.php

http://www.kfbg.org.hk/wwwroot/images/upload/place_visit/NatureWalks_2010Feb23.pdf

Vivian姨姨當天10時到達, 先為我們買票($10/位), 訂定shuttle位. 
點知mission failed.... 只剩5張shuttle票, 我們決定大隊行上山吧!! 行得幾多得幾多啦...

大合照

出發啦!
媽咪開宗明義...妍妍兩日前發病未愈, 今天皇帝女生人勿近!!

看看有機菜

參觀豬舍

厘度的豬真係好食好住噃...

見豬pat pat 和大豬頭 模型, 小朋友都走上前觀賞

豬舍旁有種得好靚的小小花園

"妍妍你走咁快去邊呀?"

妍妍走入一水池地帶後, 叫極都吾肯上番黎, 爸媽無佢辦法...
點知這個時候, carson出現了, 就由男朋友拖你上黎啦!! 估吾到一直在鬥氣的妍妍竟然只肯比carson拖離此地... 唉! 真是女生外向...

Carson亦好聽order拖妍妍上樓梯, 但好似拉牛上樹咁... 搞到carson行每一級時都 lur晒喺條樓梯度... 在場兩個媽咪只在拍照和笑到肚都痛埋...

看猴子

搞左好耐, 才開始大步上山...

生態遊開始了

先看看flamingo

Parrot

正式行上山不久, 妍妍又叫住肚餓啦, 又要"抄"野出來吃... 唉...我地的進度真係...

路經昆蟲館

有一千零一朵茶花.

好美的秋色, 香港冬天才有.

happy 農場 family

好洶湧的雞群... 媽咪帶妍妍走上前看, 點知迎風吹來陣陣幽香...

Cocks Summer Camp? 雞都去camp?

跟住落黎亦到好多鷹類

貓頭鷹

? 鷹

[猛禽類]護理中心

己忘記是什麼鷹.... 只見他在抓住塊肉很有力的齒!!

小朋友們看雀不忘... 掃地

一個趁熱鬧, 二個都要..... 妍妍也抓來掃把

好好玩呀!!

這處大慨是半山, 給遊人觀賞的動物較集中, 風景很美!!

在找來一條[蝴蝶徑], 原來全程是樓梯, 我們一共有三輛bb車, 不方便行, 於是就地開完餐先算!! (review過地圖, 這地方叫 [沁思園])

今次食物好豐富!! 每個家庭預備一款食物
有冷麵, 吞拿魚麵包壽司, 粟米湯通粉, 瑞士雞翼槌, 粟米, 北海道牛奶布丁, 杯麵, 日清美味寶 ^_^

好有野餐feel噢!!

妍妍坐得好定, 食左好多

諗住這個位置比小朋友跑來跑去較安全, 而且有太陽照住很溫暖. 點知估吾到很當風.....大家越食越凍.....尤其超單簿的aunty Chu同 uncle勇猶如冰條...

Twins在分享飯後果

小朋友食飽, 就自己找節目啦

一個帶頭爬樓梯, 3個跟住要玩

少女情懷feel ?

carson一向都有舖玩水壺癮, 仲要玩到個笑容咁誇張! 相比, 女朋友仍然是這個木獨樣... 咁大對比既? 其實你地都吾夾, 分手罷...!

餐後我們繼續沿車路上. 艱苦路程, 就在這兒開始...

超斜的斜路... 有請皇帝女上車
大家都行到甘甘地... 一度要坐下來回氣...

一整個早上, 吾太舒服的妍妍心情非常開朗, 已是dad媽的意料之外. 
就在這個時候, 終於發作了.....(餐後摟眼瞓, 無理叫喊...)
rebecca姨姨同kit姨姨都連忙安慰.....

大家行到[密果徑]前, 爸媽決定離場, 以免妍妍太疲倦! 原來正正說出大家心聲, 大家都恐怕路程太甘, 而且小朋友可能捱不到回程. 於是大舉下山.

紅葉很美

沿車路行另一段路下山時, 看到樹林內盡是很有心思的花園山道.
我們今次真是錯帶了BB車, 錯過了這段小橋流水的精緻石砌路.

齊個嘉道理農場依山而建, 農作都以梯田方式種植, 盡用這個山頭. 很美!!

到達山下, 農場博物館前, 見這些工作人員的房門水牌, 傳統特式!

農場博物館

小型有機舖 和 農場的介紹

看到這些舊相片, 很有趣

用牛來運豬

豬都會幫人運貨!!

用高身豬食糟以增强母豬運動量 <- 有幾多運動量可言呢?

妍妍也看看展覽

和惠顧一個[蛋黃果] $6 <- 後來在家中試吃... 淡甜中帶些"劫"口, texture真係好似蛋黃, 好似吃一個超大的蛋黃, 好"漏"下...

博物館就在我們的起點~豬舍旁

bye bye 農場, 今次我地無經驗完成不了整個路線, 下次我地一定會早到攞車票 或 星期日才來 (一天shuttle班次增加多8班), 而且一定不帶bb車...

在巴士站前, 仍有野玩 <- 長滿很多blue berry噢!!