親子健行(八) 大棠自然教育徑 [2歲5個月]

妍妍一早起床就問: "今日星期幾?"
"sunday"
"我地去爬山吖!!"
阿女咁insist, 今日又出太陽, 我地當然奉陪.
隨手攞起本[親子自然步], 就行厘條啦!!
搞到10:30, 突然諗起小寶媽想約我去旅行, 於是call埋佢出來, 支支坐坐, 1點才到達元朗.

路線: 大棠自然教育徑
全程: 3公里 (預計行2.5小時)
難度: 2星 

第一次坐輕鐵

車程中, 見大棠起了許多美麗村屋, 這是其中一間

小寶爸的車就泊在大欖郊野公園燒烤場旁, 十分方便

妍妍一見這個廣闊枯草地, 好生猛

燒烤場很大地方, 很好環境, 我們不約而同話遲啲要在這裡BBQ

小寶同妍妍好精神

happy hiking family

當時估計兩小時完成, 最後用了2.5小時

2pm開始起行

照舊比本書阿女 and 執啲樹枝做士的

又玩掃地, 小寶做埋人肉掃把

一個較young的樹林, 冬天時滿地枯葉, 色tone很美, 我地一齊大讚!!

搵到舊大石都咁開心?

今日大小姐心情吾錯

儘管不停比寶媽媽叫停, 小寶繼續好高興地執枯葉自娛!!  仲醒一堆比connie姨姨tim!!

離開小樹林繼續向前行

途中有洋紫荊, 又係時候做education

很長的下斜坡, 不是太斜, 小朋友跑下山都未見率到, 但險象還生.

小寶一向體力驚人, 堅持自己行, 妍妍則... 已經摟抱...

好靚的風景

媽咪問: "小朋友, 你地聽到乜野聲呀?"
妍妍亂咁up講晒喺森林內會聽到的東西... 雀鳥, 樹, bear....
這個時候小寶一矢中的: "水水"

兩位爸爸帶小朋友行去溪旁看水

有水玩, 幾好噃

都無魚同科豆, 繼續上路吧!

中途有不少這些引水渠

小朋友們跨得好高興

落左斜路咁耐, 好爽吓, 但在這時我地開始有報應啦!!

好彩妍妍對上樓級反而好有興趣

睇佢幾努力!!

已經3點幾, 睡魔call

敍述這附近的深溝是因為"沖刷"而形成. 一路上很多這些教育性資料

山勢好有層次

小寶你終於頂吾順嗱? (都算你正常...)

大家又係時候透一透 (阿女, 你做乜無端端扮靚女?)

這裡沒有楓葉, 這是唯一的紅葉品種

梅花樁?

發現到這個玩意!! 阿女攞技毛毛棒不停扑媽咪個頭, 輕飄種子周圍飛!!! 好happy

我地終於到山頂啦, 擊掌yeah!

腑覽元朗大地

這個時候tum女飲水, 又摟計...

小寶爸媽開始無力... 問左幾次仲有幾耐到?
指示牌話20分鐘, 點解好似20又20咁既? 都唯有繼續行, 我們開進入一片松林.

找松果

這個抱的方式, 妍妍名之為kangaroo, 係阿女最like的

有果實呀, collect again!!

書同指示牌都有述一個山火瞭望台, 但始終不見. 吾通被山火燒左?

這個又是一新齡的松林, 究竟厘度發生過多少次山火呢?

回望個樹林仲正!!

成日被燒? 最後成為政府的宣傳及教育地點?

最後一段下山路

4:30pm 到終點, 再用15分鐘去番起點. 這時候妍妍已呼呼大睡.

中途經過 大棠郊野公園管理站 及

大棠苗圃


好靚的一條線, 坡度不大, 只介乎一百上落, 3公里長度perfect!! 大力推介!! 
力推埋個燒烤場, 可以大有作為!!


之後勞煩小寶爸車埋我地去婆婆家吃團年飯.

表弟, 我好鍾意你呀!! (表弟, 一臉無耐)

我要强吻!!
表弟迴避時, 妍妍强行拎佢個頭過來咀....... (看表弟塊面都埋)

O.....