大澳遊 [3歲4個月]

蔡氏家族今個月搞行山活動, 東涌至大澳
一向妍妍行過的全都是5-7公里, 邊玩邊行慢hea style通常需時3-4小時, 媽咪見14公里馬上汗顏, 最後決定坐車入去join班親戚午餐吧!


東涌坐巴士入大澳, 估吾到要行成粒鐘山路咁耐, 坐到想嘔...


差不多下午二時, 見班親戚仲未到, 決定先join看海豚之旅, $20/位, 約30分鐘.

我地出發啦!!

 

先游大澳漁村, 媽咪才是第一次坐小艇遊大澳, 原來這樣才感受到大澳那有名的漁村風貌

見到有些木栅屋有小陽台做了cafe, 客人悠閒地坐著喝咖啡, 可惜之後太肚餓無mood找它出來.

Happy 游漁村 Family

師傅馬上開大引擎, 飛出白海豚欣賞區

船頭突然升起chok住去, 船外水花四淺, 另加超風速~~~
船上所有小朋友叫晒刺激好好玩, 但有隻無用豬此時 ~~ 嘩嘩大哭~~~
有好人姨姨馬上拿朱古力來安慰佢!


終於停下來了, 妍妍變番有用豬, 大家在這裡先欣賞一下奇石

再尋尋覓覓白海豚...

真係有海豚背冀多次出現, 仲有兩次成隻跳起, 連妍妍都見到呀!!

回程時, 我吾喊啦!

$20睇到海豚的話就真係抵到爛!!


班親戚原定10至1行3小時, 現在接近3時都未見人, 我地再等不到要馬上醫肚

求其進入最近的餐廳, 惠顧了福建炒飯(OK), 蝦醬蒸腩肉(正! 蝦醬應該是來大澳必吃的), 粟玉魚肚羙( 魚肚都是地道產品, good)



十分無特色的 "橫水渡大橋"

橋上風光

鷄泡魚標本

妍妍看似好喜歡逛大澳的小巷, 皆因佢不停試食  肉乾, 棋子餅, 各式甜涼茶, 鷄屎藤...
更惠顧了超好味的 燒魷魚, 燒黃花魚魚子, 燒魔鬼魚魚翅!!

行行下食食下, 真係撞到公公婆婆佢地喎!!

玩到日落坐返11號巴士回程 ~ 又要dun成粒鐘....

Happy 日落漁村 Family


成班親戚辛辛苦苦完成了5小時的旅程, 來個慶功照!!
我地當然chi埋佢扮下野啦!!!



今天游大澳都幾好玩, 對爸媽來講首次坐大澳艇有新意, 仲第一次目睹海上的中華白海豚!! 開心!!