小事幾則 [3歲4個月]

練寫字

學校練習左一個月直橫線, 一個月斜線, 現在學習弧線中. 

今晚買左本新簿比妍妍, 是給她儲貼紙的. 佢突然好有興趣要寫letters 落本新簿處, 佢好細心慢慢地照住本書寫出 T H O m A (S吾識寫~ 於是媽咪教佢)

佢好開心喺度笑 話自己識寫 THOMAS 啦!  跟住媽咪叫佢寫個"口"字, 佢吾駛看著圖象, 憑記憶把"口"字逐筆寫出. 佢再次會心微笑 ^_^

妍妍看來對學寫字好有興趣, 不知不覺間原來  不用逐個字教, 佢都能模仿由直橫斜線所組成的簡單字, 希望佢能keep住那份對寫字的熱誠.

這不是什麼叻的事情, 但正代表著阿女又邁向另一階段, 看到她這些"突然"成長的事情, 真的很享受!



宗教迫害

妍妍每晚晚飯前, 一定要大家坐齊在餐桌, 祈禱後逐個叫齊食飯才可起筷...

有次, 媽咪肚餓, 先行嚐菜, 妍妍鬧.... 話未祈禱....

有次, 媽咪肚餓, 把禱文念得快一點, 妍妍喊.... 吾比媽咪念咁快....

有次, 媽咪肚餓, 把禱文念完後馬上起筷, 妍妍喊.... 話未叫人食飯, 於是要大家由念經重頭開始....

囡, 阿媽真係好肚餓呀....



幽默感

有一晚, 臨睡前照平時地親子閱讀, 厘次讀一本書名為"Camping Out", 講去camping的故事, 是妍妍在學校圖書館自己借的.

爸爸讀完後問妍妍 ~ "Do you think Camping is fun?"

妍妍回答 ~ "NO......... I think camping is VERY FUN"  <-

整古做怪的佢, 原來略懂幽默, 英文水平低既佢, 都學人講英文笑話喎....