妍妍依加同爸爸媽媽講電話, 開始識得有問有答啦.
識得用電話之餘亦代表溝通技巧又進步左!!
剛剛同妍妍傾電話....
媽咪問: 妳喺邊呀?
妍妍答: 去左街街..
媽咪問: 有乜野玩呀?
妍妍答: 睇醫生..
噢......無錯, 妍妍今日病左....
發燒38.4度, 肚仔少少吾舒服3天, 面仔和個身起左一舊舊, 咀仔附近都好多, 疑似蕁麻疹... 比一個中醫睇下先, 佢話: 似手足口病, 去睇西醫啦, 快靚正...(真係亂咁噏, 厘論興乜就係乜咩?) 不過比佢震一震, 心都亂埋, 都係帶佢睇下西醫確診下...
最後西醫果然確診 皮膚過敏, 蕁麻疹 之類啦
(即係最後都要食中藥啦...搞到人地扑來扑去... 
)
面仔多處一達達一舊舊...
雙眼都起左兩舊, 對眼只開得一半, 個樣全日好似加菲貓...
吾好意思, 爸媽曾經偷笑左兩吓...
快啲好番啦!! 星期日帶你去踩單車, 找海星呀!!
妍妍語錄
上星期某天, 爸爸買左麵包番屋企, 妍妍想食, 於是向爸爸大叫 "老公, 你想食麵包..."
洞el.......嚴重語病....
首先個稱呼..吾駛講都知出事啦... (當時大家都笑到暈低)
第二, 我變左你 (已經錯左同教左好幾個月噃...)
但今天, 媽咪第一次聽到妍妍稱呼自己做我啦!! cheers!! 阿女keep going!!
雙眼都起左兩舊, 對眼只開得一半, 個樣全日好似加菲貓...
回覆刪除Oh poor 妍妍, please take care ar!
[版主回覆06/11/2010 15:12:00]poor的是大人. 每次病佢都瞓得好差... 半夜喊到停吾到+發脾氣... 結果最好的安慰劑係 睇電視... 於是全家人3點陪佢坐起身睇TV... 然後睇閃電....然後講書書.... 終於6點大家有得瞓啦, 吾駛番工咩, 大佬?... 昨晚無事啦, 好好瞓
好番未呀, 慘豬Lor
回覆刪除[版主回覆06/16/2010 07:40:00]可能妍妍知到星期日有得玩, 今次只係好離奇地病左一天, 第二日無晒事啦. 多謝貓姐姐關心
蕁麻疹 !! 第一次聽. . . .btw, I dunno the sound of "蕁"?
回覆刪除[版主回覆06/18/2010 10:37:00]即係出風"爛"囉 西醫名叫蕁(暗:尋)麻疹