My 1st school day [2歲1周]

開學啦!!

首兩天可以讓家長陪同, 上1小時, 更可讓家長拍下照.

要過兩關 ~ 用酒精擦手 & 探熱

經過咁吸引的車車先入課室... 媽咪不停叫住... "吾好玩住先, 課室係厘邊..."

先認識自己個位

同認識自己櫃桶

跟住認識下課室的玩具!

海景廚房! 正!!

老師講故事, 我地除鞋先!
已經有不少同班同學自己識除鞋穿鞋啦... 妍妍要加緊訓練!!

班主任之一, Miss Althea, 同我地講AT SCHOOL既故事!!
妍妍見到厘本書熟口熟面~ 咦! 係阿MAX黎架!! (咁Q我地喺圖書館借過厘系列既書)
所以妍妍都可以坐定定一段時間

有同學女摟計喊喊...
不過厘個同學女好叻架, 乜都自己識得做, 包括整個去厠所過程. 勁!

有同學仔(技安)食玻璃大.... 喺老師前面行來行去, 遮住所有小朋友... 最奇怪係佢雙親吾控制下佢. 老師無迫技安坐低, 只好斯文同笑笑口咁請佢坐低, 佢吾肯坐時又叫佢幫手揭書tim. MISS都算有辦法, 又可以比晒面家長. 但可惜MISS你今日(扮?)太斯文, 講故事時聲線太細, 又要同技安周旋了一段時間, 加上妍妍吾知MISS你up乜? 妍妍最後都要過黎搵媽咪...

tum番妍妍過番去後, 又被技安粗魯地推左一下.... 又要過黎搵媽咪...
(大家明白點解媽咪要為厘位同學仔起花名啦!
推我個女! 豈又此理! 改你花名嗱!)

MISS再喺magic box攞個書包出黎, 介紹一下番學要帶乜

大家排隊出去free play啦!

阿女認住厘位靚仔哥, 媽咪準你同佢拍下拖! 
媽咪吾係以貎取人咁表面架, 厘位同學仔除左高大威猛淡定聽話又有禮, 中英文出口字正腔圓!! 

楊老師同小朋友圍圈

傳波波介紹自己

傳到妍妍時, 老師問妍妍叫乜名, 都可以即時比到答案.
但阿女, 你做乜又企係喺技安隔離呀! 過多兩日你就要學識好好保護自己啦!!

排隊去洗手間! 有同學女真係好強勁.. 睇住佢自己拿起條裙, 拉低條褲仔, 坐落厠盤, 攞tissue, 抺尿尿, 著番褲仔, 沖埋厠, 自己一手包辦!!  太強勁了!!

我的上學time table

到茶點時間! 老師問食完可以tim, 妍妍不停叫"仲要", 媽咪望住阿女食到第7塊時, 忍吾住stop阿老師 ~ 佢夠啦...佢夠啦... 分分鐘食成10塊. 仲駛食飯既...
真係想 阿女參與班上的所有活動 都可以好似攞餅咁主動... <-阿女, 你吾好成日都喺後排同執輸行頭啦!!

係啦係啦, 同阿高大威接近多啲就啱啦!!

放學啦! 星期一再續....

這篇日誌幫同學仔起埋花名... 得罪人多稱呼人少...
所以煩請大家閱後幫忙洗腦 洗腦!!  



最新update

第二個上學日, 爸爸再陪妍妍返學, 在故事時間內, 都有幾次嚷住要坐番爸爸處, 咋豆!! 亦吾夠班中眾多神高神大的同學仔主動同敏捷, 表現得較被動同silent.

與同學相處算OK~ 妍妍想玩同學仔的玩具時, 都好有禮貌問: "可可以一整玩?", 個同學仔亦好有禮貌同妍妍一齊分享玩具.

但嗰隻技安又試圖搶妍妍個玩具, 阿女縮手快. 後來又再次推妍妍, 技安的爸爸只叫一聲: "朋友黎架厘個, 吾好推人呀". 爸爸心諗 "如果吾係朋友, 係吾係可以推?" 個仔教到咁都有....

看來明天開始自己返學, 情況吾樂觀了...