搭的士到機場, 都要6點起床, 到機場時, 始見初日
妍妍鬼打咁精神
國泰的兒童餐吾錯bor, 比較上次中華的正氣好多.
空姐派給瑧瑧姐姐一份play kit ~ 一個黃色的手提包內有顏色筆,貼紙,畫板,摺紙一應俱全, 妍妍未夠三歲無份, 於是媽咪為妍妍lur來一份, 這兩位小朋友於是在打後落黎的日子就~ [工事包]不離手了.
出機場就見 ~ 嘩! 好震撼...
機場坐的士到我們的酒店US$10
我地的cxholiday包了兩晚5星windsor plaza hotel (3人共HK$8500), 不在district 1, 又舊又老土, 無法媽咪貪佢係選擇之中最平. 好彩酒店門口任何時間都有靜待的TAXI, 打的去district1都方便, 約15mins, 另外酒店每小時都有4架shuttle.
大堂內充滿聖誕氣氛, 妍妍剛瞓醒就見五光十色的聖誕樹, 竟然心情靚到V手叫影相. 臻臻姐姐最高興有小朋友陪玩, 於是一齊擺出好多靚模post任影, 超搞笑!!
兩隻甩繩馬騮喺大堂鬥快跑
我們那老土的房間總算超闊落, 有大細兩張床, 干淨無異味, 更估不到就是18樓的景觀已能飽覽胡志明巿. 吾怪得這裡的24樓餐廳酒廊能成為胡志明巿觀景地標之一.
下午1時多了, 先到對面旅遊書和酒店人員都推介的連鎖式河粉店醫肚
第一站 PHO24
乾淨清新的格局, 原來吾係街邊檔feel
來越南, 其中一樣一定要試的滴滴仔咖啡, 下層的是練奶, OK好味
河粉又無想像中咁好, 吾夠香港吃過的某兩間越菜的火車頭正.
媽咪同妍妍的最愛
媽咪幾乎在何時何地都會叫的椰青, 實在清甜解渴.
春卷拼盤, 炸的那款不錯, 生的那款味道奇怪~腥腥地...
第二站 ~ 中央郵局
法殖時代遺留下來的舊建築, 至今還在運作
郵局內部
郵局兩旁是賣手信小店
老闆在拷著個竹琴, 琴聲輕挑, causal又得意
妍妍就在這裡買來一份手信 elephant布袋
手工藝品 ~ 竹蜻蜓, 平衡點做得很好
來到郵局, 當然要寄番張postcard回港, 7天後收到.
一封寄比姐姐, 一封寄比自己. 看得出妍妍很努力的畫嗎?
郵局外有些青年在街頭練習畫畫
越南人是這樣賣汽球的
第二站 聖母大教堂
妍妍在告解
第三站 行街街~ 自由路(Dong Khoi Street)
這條自由路是主要購物大道之一, 盡是法式舊建築, 咖啡廳, 餐室, 酒店, 商店等.
有聖誕snowy擺設, 妍妍同臻臻又玩一餐.
bi bu bi bu... 有趕小販的軍車, 好勁!
這條街的商舖走的是精緻路線
電單車多很嚇人
書講, 這是有名的百貨公司
兩位小朋友光顧了這小老鼠玩意
途經 巿立歌劇院
被阿婆屈double價錢買椰青, 多得吳氏伉儷出手相助.
旁邊的是3星酒店, 好新好fresh的style. 有機會再來要住這類形.
周圍都有聖誕攞設, 厘個厨窗怖置得好似一張聖誕卡
第四站 ~ Le Bordeaux法國晚餐
書介紹為米芝蓮3星法菜, 服務一流, 裝修一流
我們在上層吃飯
好浪漫的格局, 可惜被我們的小朋友破壞晒氣氛
枱面灑有不同的連殼果仁, 小朋友又有野玩啦
男士的Menu有價錢, 女士的MENU無標價.
媽咪話好鍾意個MENU, 可幻想自己還在拍拖階段.
Uncle Lok為我們全個旅程的點菜大使, 為我們點來...
welcome appitizer ~ 小小火腿多士
焗得好香,但好軟熟
special order 一份意粉, 最後來了鱸魚薯蓉
同臻臻姐姐分享, 結果每人分得咁多... 魚都幾香
砵酒浸哈蜜瓜
味道好夾, 很清新蟹肉千層酥配波菜仔
忌廉鶏湯
鵝肝西冷 鵝肝有啲筋但頗香口, 西冷就太熟
煎鵝肝 鵝肝味道很濃, 但可惜煎得吾夠香, 同樣有些筋, 沒有配醋汁或蘋果失色
蟹肉配煎帶子 好多隻, 不失帶子的味道, 但無驚喜, 帶子上的蟹拑好鮮甜.
mint chocolate 疏乎厘. OK
另ORDER了一杯house wine, merlot
小朋友在餐中間時已不能安坐, 唯有ipad出場!!
最後還送上Petits fours
門口好靚
妍妍今天狀態大勇, 同瑧瑧姐姐玩得好開心, 兩位小朋友一見如顧一樣, 一齊玩得好可愛!!
雖然Catherine姨姨胆心瑧瑧體溫不穩足足一星期, 但有得玩, 厘個小朋友就一啲累態都無, 勁! 要好好記住今日的乖乖妍妍, 接住落黎的日子就....唉...
Windsor Hotel
舊, 地點在district 5無咁就腳
滿意程度 ~ 
(5個滿分)
Le Bordeaux
好有情調的餐廳, 整體菜式OK, 但味道無乜驚喜, 較平實, 吾夠精緻. <-吾通香港人太挑掦?
我們除開5人份, 每人約HKD37X, 以這個價錢來計, 就算超值了. 對食物質數不太嚴謹, 而喜歡高級格調的朋友要試.
滿意程度 ~ (5個滿分)
明早跟團去湄公河三角洲My Tho, 看Day2 啦!
行程簡頁 | D1胡志明巿 | D2湄公河(一) | D2湄公河(二) | D3大叻嘆息湖 | D3大叻古怪屋 | D4 大叻火車站 | D5 潘切紅沙漠 | D6 潘切漁港 | D6 潘切白沙漠,Beach | D7 返胡志明巿
沒有留言:
張貼留言