聖誕南越7天遊 - D7返胡志明巿 [2歲4個月]

12月28日 [晴]

今天我們坐長途車回胡志明巿結行程. 

我們3個施施然拖長個早餐來吃, 難得阿女越來越有胃口, 吃了很多
瑧瑧一家吃過早餐後, 則來個snapshot, 出seaside望望行行影下相. 最後一天都吾好晒!!

昨晚跟司機叔叔傾, 司機叔叔話要6小時車程 <- 吾係呀麻? 你咁渣法, 緊係慢啦... 
媽咪示網上看到的資料只需4小時, 要求佢盡量駕得快一點. 司機叔叔話會儘量配合. 結果, 佢都肯為我們加快油門及超車 


3個小時的車程後, 是旦到這間小店吃午餐

個飯最有特色

屬家常菜, OK啦.  請埋司機叔叔食, 平平地埋單.

再坐2小時, 終於完成5小時的車程, 下午3時到達胡志明巿 <-長途車真係幾係野...

一到達胡志明巿, 司機叔叔帶我們到了一個手工藝工場. <- 噢這不是我們的茶杯啊!!
於是改去中央郵局, 尋回瑧瑧遺失了的小象, 再去附近嘆杯咖啡

諗住漫活最後一天, 慢慢坐coffee shop 然後慢慢地去機場, 做一個悠閑的完結. 點知, Catherine姨姨丁一聲, 發覺吾夠手信, 我地又再次匆匆忙忙的上路, 去找商店, 行左一小時. <-Catherine姨姨, 妳同瑧瑧真係好似, 都係好急好busy! 妍妍則似媽咪咁豬油!

坐晚7的飛機回港啦!! bye bye 老老實實的司機叔叔!

總結:

越南這個地方給我們留下很好的印象, 行程好豐富, 好多野睇, 食好, 住平, 洗費平, 地道人好喜愛小朋友, 友善純樸, 治安並不是傳聞中的惡劣, 比大陸感覺良好得多. 兩位媽咪都異口同聲話encore南越. 比個行程5粒星

今個trip係妍妍的第一個[病旅行]...(始作俑者該是出發前一天學校舉行過的大食會, 搞到阿女一到步就腸胃炎)... 真係好辛苦(大人)... Always cry... bad temper...搞到partner好無癮, 尤其瑧瑧姐姐... 妍妍病開始就吾肯同佢玩... 我地三口子遺憾有很多景點無去到... 不過, 換個角度看, 有遺憾才有下次嘛.

有興趣到越南的你, 如不怕長途車之苦, 可跟我們這個路線行(不少外國年青人選擇坐夜車, 省去兩天車程和酒店). 如想省去長途車的話, 可以走
胡志明巿--飛45mins--大叻--長途車5hrs--芽莊(陽光海灘之地)--飛回1hr--胡志明巿 
這正是兩位媽咪下次再訪南越的計劃路線啦
 

後遺症:

每次trip後回來, 妍妍都會crazy幾天至1個星期, 但之後就見到有些方面大有進步, 學到同遊的小朋友一些好東西 (當然都有壞東西). 今次回港後, 妍妍只crazy了1,2天, 姐姐無投訴, 而說話方面大有進步, 講說話complete左同長左好多, 有文有路. <- 讚!! 

但, 有後遺症出現... thursday放工後帶妍妍到室內遊樂場玩, 見到熱情的3歲幾姐姐話要拖佢一齊玩, 佢馬上大喊...  噢!現在對著大姐姐怕了... 好想妍妍學到臻瑧的friendly性格... 阿女妳加油吧!!

行程簡頁 | D1胡志明巿 | D2湄公河(一) | D2湄公河(二) | D3大叻嘆息湖 | D3大叻古怪屋 | D4大叻火車站,巿場 | D5 潘切紅沙漠 | D6 潘切漁港 | D6 潘切白沙漠,Beach | D7 返胡志明巿