阿女大覺瞓得好好, 亦keep住散到熱, 早上醒來37.5度, 安樂晒!! 不愧爸媽一整晚無瞓睇住佢
, 無法啦... 昨天明知阿女發病, 仲同佢玩得咁攰, 玩殘左阿女, 要補償番...
. 雖然今天亦有少少低熱, 亦估計會反覆上落, 就住黎玩吧!! 繼續上路!!
坐早上7點的內陸機到大叻, 45分鐘可節省6,7個小時的長途車之苦, 約$1000/family.
病住仲要5時起床, 諗住辛苦了妍妍... 點知隻馬騮稍為好番啲, 就跳跳扎, 喺機場內四圍跑.
藍天白雲
大叻位於海拔1500, 所以當到達機場時, 看到彩藍的天空已令大家振奮.
小朋友們第一次親身步行落機, 而不是經停機坪. 用自己雙腳親身行落飛機場, 終於有坐飛機的圓滿感覺!! 能夠回望自己那很大的飛機!! 妍妍好開心
記得catherine姨姨仲大叫: "好靚呀!!" 其實只是機場而矣, 還未到景點呢!
久等我們的5人座駕, 都幾靚仔. 但點解吾係預先約好的7人車? 而係5人四驅車? 無問司機叔叔何解了, 反正佢作晚通宵達旦由胡志明驅了7小時車程來這裡, 我們吾通叫佢走咩? 好彩大家都無所謂.
出發啦!!
瑧瑧係一個精力充配的小朋友, 任何時間都要 玩!玩!玩!
更難得瑧爸爸和瑧媽媽對住阿女, 經常一點倦意都無... (even現在的瑧媽正在發燒中...佢一樣面帶笑容和死谷精力繼續陪女玩, 配服配服
)
從大叻機場到town, 看到這樣的美景和路況, 想像不到原來越南的國道speed只行40-60公里?!?!
第一站 香春湖伴露天茶座
到聞名的香春湖伴吃早餐, 露天雅座, 不計抽煙的氣味, 這裡舒適得很.
cafe旁的香春湖景. 充滿歐陸風格
一早知到香春湖有工程, 無晒水
... 但竟然長滿了綠草, 草坡上還有些馬在吃草, 卻有另一番新景象噃! 不是預期的黃土爛地已算不錯了!
美景同美食當前, 妍妍錫晒爸爸
肉醬意粉味道怪怪...
牛骨湯法飽, 湯味濃郁. 法飽外脆內軟, 另人回味無窮 (所以之後的日子都回來encore這份法飽早餐)
出發前妍妍在家樓下藥房被撞, 弄傷了眼角, 都知出師不妙... 今日個樣真係好殘下...
大人吃早餐, 小朋友四圍搞搞陣
第二站 嘆息湖
我們先經過這個大松林
beautiful!!
仲有小狗玩
坐馬車遊湖一周...
當大家影完"出發前"照, 未等爸爸和馬夫上車, 隻馬突然失控亂跑, 我地喺車上左搖右擺好驚險, 隻馬想衝上斜坡時好彩幾個馬夫拉及時拉得住隻馬, 叫晒我地落車....
如果隻馬拉我地還過路膊, 我地的車可能會反... 好驚呀...
不過最糟的就是當隻馬發癲時, 佢大噴屎尿, 條尾仲周圍thing... 結過我地每人身上和面上都沾上一點點的尿糞...OMG
爸爸則渣住部相機站在馬車起點處....全個過程只是呆望... 無野幫到手... 大家在安全的時刻下, 都責怪~~ 做乜吾影低我地個剛才個驚魂記??
馬夫叫我地換第二隻馬, 我地見過鬼...緊係走人啦... 決定自己周圍散散步
參天高松樹
在森林中漫步比騎馬原來更悠然自得
今天情緒不穩的妍妍, 偶有倦意和遇到小事就摟晒計, 爸爸百般千就只因妳病緊.
嘆息湖就在後面, 很美
遠看湖水泛起藍光
happy 遊湖 families
happy 過橋 family
妍妍這個時候攰到睡著了, Valaree一家去踏這個美麗的天鵝單車
松林, 馬車, 湖景 配合得宜
園內種滿開得燦爛的花朵
再見啦馬仔, 我地去午餐啦!!
地方很美, 可惜阿女不在狀態, 爸媽一邊遊湖, 一邊担心阿女的體溫, 又怕吹親 又怕曬親... 阿女帶點不適好易喊, 不多不少影响我地的心情.... 浪費了這個好地方了
.香春湖伴露天茶座
好景, 好坐, 好吃(尤其法飽) ~
(5個滿分)嘆息湖
美麗程度 ~
(5個滿分)行程簡頁 | D1胡志明巿 | D2湄公河(一) | D2湄公河(二) | D3大叻嘆息湖 | D3大叻古怪屋 | D4 大叻火車站 | D5 潘切紅沙漠 | D6 潘切漁港 | D6 潘切白沙漠,Beach | D7 返胡志明巿
沒有留言:
張貼留言