這個面試一定要去, 一來行過去很方便, 二來~
只由小朋友獨自入試場, 家長無任何壓力!!
學校沒有供小朋友熱身的場地, 封晒... 小朋友們在等候的時間好悶...
入面試室時, 同組有一位小朋友喊得很淒涼, 老師好識做的叫埋她媽媽一起入內, 好care家長及小朋友的感受 <-讚!
媽咪一路好担心, 阿女受這位小女孩影响...
很快就見到這對母女出番黎, 小女孩還叫喊不停
... 其他的小朋友繼續面試.
媽媽在門外不停想著阿女臨入火坑前的一個眼神... 更明白阿女番左LH咁耐, 久吾久都會喊下, 何況面對新老師/環境... 前科(培正面試)告訴dad媽知佢會兩行淚水出番黎... 於是4分鐘時間就像4個小時咁耐... 等等等
終於放人啦...
咦? 揸住張貼紙好精靈吓噃... 真係估吾到阿女無喊過!!
收吾收都好, 我當阿女攞左100分啦!! 
於是這一整天, 大人們好八卦的不停問阿女,
"老師問左你乜啫? 同你玩乜啫? 講我知吖...
"
大慨回答了我地一半(有puzzle, baby, 動物...), 亦相信當中有一半係老作的...
HY送的小小貼紙
其實, 今次阿女有好表現, 可能有懶一星期前爸媽特意安排妍妍VISIT過HY的週年fun fair, 當時比$20妍妍自己作主買玩具, 好玩的兩小時. 妍妍對HY留下了一個深印象.
應承了"同老師傾計"後去睇大白兔, 奬勵妳啦!!
再到outback吃個tea
最近愛上吃salad的妍妍, 技驚四座 ~ 爽口生菜一口一口的放入口!!
HY係一間好學校，又一條龍，不過我個人始終較喜歡男女校呢！
回覆刪除[版主回覆01/25/2011 22:12:00]HY仲未係一條龍 , 不過聽聞遲吓會轉直資, 到時幼稚園畢業生就好大機會直上HY小學啦
妍妍冇喊,真係good喎~ 不枉爸媽一個星期前既細心安排,亦証明妍妍進步左. 果日,我地見到喬喬呀.
回覆刪除彥同話老師問名,不過佢一時話有答一時又話冇答老師. 仲有玩puzzle,煮野食,佢話佢有香蕉,蘋果同腸仔,但個紅蘿蔔俾姐姐搶左. 佢話同個姐姐換番個紅蘿蔔,不過好似唔成功. 份問卷又不記名,都唔知佢憑果4分鐘4個人點揀, 呢$20六合彩都係冷過水多啦. 不過,總算所有面試告一段落.
彥同爸爸同我講不如下年k1再報,做大b. 我真係冇諗過8月b都要repeat一年k1,爸爸話原本彥同是9月b,讀多年做大b都好正常. 係咪我太唔緊張呢?! 係咪一定要名牌幼稚園先有出路呢? 雖然我唔認同,但好似全世界都咁話的時候,好似自己既諗法係錯咁.
[版主回覆01/25/2011 10:26:00]你地strategy有問題啫, K1個interview list全都是1線學校, 無揀過2線, 我之前都報左又一村學校做二線backup, 如果妍妍無名校offer, 我都好鍾意厘間架. 其實我都覺得名校吾係咁重要, 只是盡下能力攞一個位, 爭吾到咪讀2線囉. 你千其吾好同佢repeat, 彥同咁叻絶對吾駛行厘條路, 咁細就repeat, 幾時得黎repeat到大個...留番啲quota啦. Repeat係留番佢大個時say中六用架, 由佢作主. Repeat會影响佢的心理發展架, 個個小朋友都鍾意被認同叻, 佢會query點解自己要留班, 係吾係自己太笨?