聖誕南越7天遊 - D4大叻火車站,巿集 [2歲4個月]

12月25日[早上熱, 下午天陰]

第一站 香春湖露天茶座
好味的香春湖露天茶座, 我們今早當然再來幫趁

個法飽真係好好味!!
雞絲貴刁吾錯!

豬骨貴刁都好味

妍妍一夜休息後, 體溫回落到正常範圍, 但經過昨日的大摟計, 爸媽怕怕, 決定不讓妍妍煩死姨姨佢地, 我地邊度都吾去, 回酒店附近行行或休息便算. 於是瑧瑧一家自己去瀑布遊歷區玩.


第二站 瀑布遊歷區

玩左兩個瀑布, Datanla Fall + Prenn Fall(大象瀑布)

你地就好啦, 咁多野玩, 連滑行托盤車都玩埋!! 瑧瑧小朋友勁鍾意 ^_^


來看我們這邊箱....

我地就悶死鬼... 11點就拉晒窗簾, 讓妍妍多休息休息. 點知佢竟然瞓得到,  一覺瞓左3粒鐘, 係佢出世以來都未試過咁長的午睡, 阿女厘幾日真係吾夠休息... 阿女, 妳好好睡一覺令爸媽安樂, 開心過周圍去玩噢.

妍妍在午睡時, 媽媽在房間洗衫(因酒店laundry很貴, 逐件美金計), 本來是一個苦搓... 但打開大窗盪衫時, 眼前的小小山城, 歐陸式建築 和 新鮮的空氣, 令媽咪覺得自己生活在歐洲, 在家中做著家務. 原來無事做, 無野玩, 一切靜下來時, 往住會令人有意外的驚喜, 特別的感覺 ~ 簡單就是幸福


2時多醒來, 行到對面酒店的餐廳, 見X'Mas Special Tea Buffet ($1XX/位), 我地當然要應節, 舒適地嘆一下.

玻璃上寫menu, 好型

瞓夠的妍妍心情終於大好

佢一向最鍾意去酒店high tea

小朋友見到咁多色彩繽紛精緻甜品, 當然雀躍. 妍妍走出走入去攞

有薑餅屋tim

好味! 來越南後, 這是阿女有胃口的第一餐. 食左好多 ^_^

咸食都有, 多士sandwich, 正!

Good!

瑧瑧佢地玩完兼吃飽返來午睡, 我們完成tea後, 剛夾好時間, 再次出擊! 終於可以一齊玩啦!

部古老lift維修好啦!! 好有型!

大叻街景, 真很歐風, 大讚!!

第三站 大叻火車站

My angel, 妳返來了!! 妍妍終於回復第一天的可愛! 好friendly地同瑧瑧姐姐玩啦 ^_^

吹蒲公英

巧遇一對新人, 小朋友送花比佢地 ^_^

兩位小朋友笑得好吾自然噢!!

第四站 大叻巿場

其實係一個廣場, 加一個街巿

買手信, 咖啡豆, 咖啡壺, 新鮮果醬

妍妍聞一聞: "Good!!"

黃昏時還在廣場小攤檔買些小朋友玩意


第五站 Art Cafe 越菜

跟書介紹again, 來這間吃我們這晚聖誔餐

沙律麻麻

蒸的春卷
雞扒薯蓉

在這餐廳內的食客多是外國人, 用餐後, 兩位小朋友被欽點向每枱客人said "Merry X'mas!!", 佢地又OK喎無怕羞!! 超可愛呀!! 最後還得到眾食客一起鼓掌致謝.

食物整體一般, 因為不是越菜, 無越菜的香料味, 但做西菜來講, 煎的東西又煎吾香, 大多菜式好似烚熟後加醬料喺面... 味道淡淡...

不過這一個聖誕小餐還是很不錯, 皆因小朋友們這晚的可愛!!



Mercure Hotel X'mas Special Tea Buffet
食物好, 格調好 ~  (5個滿分)

Art Cafe
一般 ~  (5個滿分)

大叻瀑布遊歷區
好玩 ~  (5個滿分)

大叻火車站
懷舊車站, 值得一遊 ~  (5個滿分)

大叻巿場
做下local人去街巿逛下, 買買手信和生果, 很不錯 ~ (5個滿分)


行程簡頁 | D1胡志明巿 | D2湄公河(一) | D2湄公河(二) | D3大叻嘆息湖 | D3大叻古怪屋 | D4 大叻火車站,巿場 | D5 潘切紅沙漠 | D6 潘切漁港 | D6 潘切白沙漠,Beach | D7 返胡志明巿